"الجامعه"....من اهم مراحل الحياه ,,مع الكثير من الصعوبات

[life hope]

بسم الله الرحمن الرحيم

السلام عليكم ورحمة الله وبركاته

الجامعه...من اهم مراحل حياتنا واجملها بل واروعها على الاطلاق..(يعني بتيجي لاي واحد اسألو شو احلى مرحلة بحياتك فورا بقلك الجامعه ) (ع الاغلب)

فيها تتحدد طريقتك في الحياه ومجالك الذي ستفني عمرك فيه عاملا....
فيها تتكون صداقاتك التي تختارها انت بنفسك وتؤثر او تتأثر بمن هم حولك
فيها تتعرف الى العالم الخارجي وتلامس واقع المجتمع الذي تعيشه كما هو فعلا
فيها تتعامل مع كل الاصناف والاجناس من الناس....

بمعنى اخر..فيها تتشكل الشخصيه الثابتة (تقريبا) للانسان

لكن,,,لا ننكر وجود الصعوبات الكثيرة والمشاق لتجاوز هذه المرحلة
دراسه كثيرة لا تنتهي....دكتور سيء في تعامله....طلاب لا يمكن التفاهم معهم...مواصلات ومعاملات صعبه...صعوبة ايجاد صديق حقيقي...قلة الوعي الديني لدى الطلاب...نظام جامعي متسلط...وغيرها من المشكلات الكثيره التي لا تنتهي

والان شو رأيكم نتناقش بمشاكلنا بالجامعه ونفيد بعضنا من خبراتنا في الحياه الجامعيه
ونحل المشاكل سوا

يلا تفضلوا عبروا عن مشاعركم اتجاه الجامعه ومشاكلكم (غير الخاصه:) )في الجامعه
واعطونا حلول لـ هاد المشاكل....ويلي ما بواجه مشاكل وصعوبات نيالو:36_1_1:

ملحوظه::ننتظر المشاركة من اصحاب الخبرات والنصيحه:):)

[همس الطبيعه]

الجامعه

بس اوصللها ببقى احكي

هع


يسلموووو لايف ع الموضوع الحلو ..

بتمنى الاعضاء يشاركو

:)

سي يو

[لحن الغربة]

والله لسة ما وصلت للجامعة

لما أوصل على خير ان شاء الله بحكيلكوا

بس احكوا عن المشاكل بناخد خبرة من هلأ يعني:)

[بانوراما]

انا اوصلت الجامعة ...
:36_1_1:

مشكووورة اختي لايف هوب
بس بصراحة انتي رمتينا ببستان شوك وحكتيلنا نقو الاكثر ائيذائا ...
و بما انك طرحت الموضوع لتفنيد المشكلات لذلك وصفتها بالشوك ...
واسمحيلي انو نضع المشكلات بشكل نقاط ...ثم نطرح في كل مدة موضوع معين تحت عنوان (مثلا)...
مشكلة في جامعتي (عنوان المشكلة )
ويتم الطرح بشكل واضح ونقاشات هادفة والخروج بحلول واضحة

لنحص اهم المشكلات التي يقع فيها الطالب الجامعي ...
1- الانحلال الديني والاخلاقي (لارتباطهما معا)
2- العلاقات الجامعية ....( العلاقة بين الشاب والفتاة وضوابطها ,والعلاقة بين الطالب والدكتور)
3- مشكلة المواصلات (خصوصا للبنات)

هذا الي ببالي الان ...

ولي عودة لابدا التعليق على اول نقطة
(الانحلال الديني والاخلاقي )

الا ان كان هناك فكرة اخرى للطرح..

كل التقدير اختي ...
موضوع مهم للغاية:36_1_11:

[لحن الغربة]

فكرتك حلوة أخي بانوراما

[life hope]

الجامعه
بس اوصللها ببقى احكي
هع
يسلموووو لايف ع الموضوع الحلو ..
بتمنى الاعضاء يشاركو
سي يو

اوك بنستناك لتوصلي الجامعه بس لاطولي علينا هـ
توصليها بالسلامة يا رب...:36_15_24:

نورتي بمرورك الحلو همس

[life hope]

والله لسة ما وصلت للجامعة
لما أوصل على خير ان شاء الله بحكيلكوا
بس احكوا عن المشاكل بناخد خبرة من هلأ يعني

انت كمان توصلي بالسلامة ان شاالله:)
ويلا اسمعو واستفيدو...نصائح بـ بلاش:36_15_24:

هلا فيك لحن الغربه..نورتي

[life hope]

نطرح في كل مدة موضوع معين تحت عنوان (مثلا)...
مشكلة في جامعتي (عنوان المشكلة )
ويتم الطرح بشكل واضح ونقاشات هادفة والخروج بحلول واضحة
جميلة الفكرة وممكن تكون اكثر فعاليه بهاي الطريقة..
وفعلا بتكون فكرة المشكلة اوضح وحلولها اوضح ايضا
وممكن تكون ع شكل مواضيع منفصلة (كل مشكلة على حده)
ميشان يعرف الاعضاء عن شو بنحكي

1- الانحلال الديني والاخلاقي (لارتباطهما معا)
2- العلاقات الجامعية ....( العلاقة بين الشاب والفتاة وضوابطها ,والعلاقة بين الطالب والدكتور)
3- مشكلة المواصلات (خصوصا للبنات)
من اهم المشاكل واكثرها وباعتقادي موجوده باغلب الجامعات

مشكلة المواصلات (خصوصا للبنات)
مأساه مو بس مشكلة:(:..بس ييجي دورها بنحكي

حياك الله اخي بانوراما...لا مشكلة في طرح اي فكرة او اقتراح
شكرا لمرورك...

[ريتاج]

موضوع مهم يسلمووو اختي لابف هوب ع الطرح..

بنسبه للكليه الي ادرس فيها معروفه بالالتزام(ولسيت مثل باقي كليات وجامعات المملكه ) ...

واحنا ماعندنا اختلاط.. لكن الي بيزعج البنات انه ممنوع الجوال وفيه قوانيين للبس ..

لبس الشتاء غير ولبس الصيف بيتحدد اللون من العميده..

ممنوع التيورات القصيره .. وهذا الي مكدر البنات والمشكله انه ممنوع على الطالبات وحلال على الاداريات ياليتهن استاذات..

بنسبه لي انا اول مادخلت الكليه انصدمت من النظام .. لانه كان فيه حريه شوي..

تعودت بالمرحله الثانويه على المحاظرات الاسبوعيه من مشائختنا..وكنا ندخل غصب موبكيفنا

لكن بالكليه لا الي يبدي يدخل..

[الفجر الباسم قادم]

وااااااااااااو

بجد الموضوع جميل اوى

بنسبه لكليه اللى انا فيها فيها اختلاط جامد والاسف دى شئ عادى عندينا يعنى عادى البنت تمشى مع

ولد بس اكيد مش كل البنات والأولاد

بس المشكله اللى عندى هى الأولاد الكليه

بيحبو يدخلو من باب البنات مش عرفه ليه

ايه السر الخطير فى باب البنات بتاع المدرج

:36_1_48::36_1_48::36_1_48:

[أنفاس الصباح]

بصراحة موضوع رائع وان شا الله بنستفيد
يا life hop والحكي للجميع ولا تهونو
هاد انا عندي بالجامعة مااااااسي والله ماااااسي يعني نحنا بنيجي من المدرسة ازا بنشوف بنت وائفة مع شب نفضح الدنيا ولا اللبس يعني كنا نشوف لبس بس مو هيك ولا صرعات (اعوذ بالله ) الله وكيلك شباب و بنات
او حركات مش طبيعية
يعني صرت 10 مرات متمنية انو الجامعة تتفجر
مش طبيعي عنجد الاسلام غريب والله العظيم غريب
يعني والقابض على دينه كالقابض عالجمر
المصيبة انو الجامعة علمية
بتعرفي تقريبا المعظم بدون مبالغة تجردو من دينهم حكينا طب هدول عرب والله تجردو من عروبتهم
يا شيخة ناس عرب ابا عن جد بتحكي كلمة عربي و10 انجليزي يعني (عربيزي ) بالاشتقاق الكبار
وشو بدك بهالهم شي من الاخر
الواحد مش عارف من وين بدو يبلش الله يحمينا يا رب ويثبتنا
:36_1_7::36_11_1:

[Lina]

ما في أحلى من الجامعة يا أخوة......
والله كتببببببببببببببببببببرر حلوة........ منشوف الحياة بطريقة مختلفة عن ما كنا عليه بالمدرسة........

بس طبعا بدي انصح الكل ان ينتبهوا على انفسهم من الفتن خاصة في الجامعات المختلفة...فالله اعلم بالحالات و الفتن يللي منشوفا يوميا بالجامعات المختلطة....

[همس الطبيعه]

انا جيت

رحت ع الجامعه واتخرجت وسبقتو كلكو

شايفين ما اشطرني

يلا بالله عليكمـ ما بستاهل زأفه

:36_7_9: :36_7_9: :36_7_9:

يلا باركولي شو بتستنو .. بحكيلكمـ اتخرجت

ولا غيرانين ما بدكمـ تباركو .. !!!

طيب تصطفلو

:36_6_9:


.
.
.
.
.
.

هع هع

بمزح ..

كنت بدي احكي للاخ بانوراما .. انو فكرتو رائعه

وانا بأيدها

بس حبيت اتهبل بالاول شوي

:36_1_13:

.
.

وبس خلآص

سي يوو

[الأمــ المنشود ــل]

موضوع جميل أختي لايف هوب

بس أنا لسه كمان سنتين بصير بالجامعة انتظريني كمان سنتين أدخل على الموضوع أرد
:36_1_1:

[بنية الامجاد]

فكرة جميلة منك اختي لايف هوب وكذلك الاخ بانوراما
وبالنسبة لي انا هذه السنة الاخيرة لي في الجامعة للقلب الاول وقريبا للقب الثاني باذن المولى
اما بالنسبة عن جامعتي فهي تابعه لليهود وتواجهننا الكثير من المشكلات واهمها العنصرية احيانا وفي كثير من المواقف
لكن نجد هناك الكثير من الايجايات والمعاملة الحسنة.
ولي عودة باذن الله بعد رؤية اقتراحاتكم ومشاكلكم
مشكورين والتوفيق

[بانوراما]

ما حد بدا بطرح مشكلة محددة ...؟
طيب انا ببدا باول نقطة وضعتها ....(واذا تم افراد موضوع مخصص للمشكلة بقوم بنقل مشاركتي ان شاء الله)

الانحلال الديني والاخلاقي

الناظر لجامعاتنا بنظرة سطحية يرى هذه المشكلة بشكل واضح وصريح ودون اي تكلف في ذلك ...
وابدا بالانحلال الديني... (لما يحمل من خطورة)
حقيقة ان ابعاد موضوع الانحلال الديني ماساوية بكل ما تحمل الكلمة من معنى ..
ما عاد الامر مقتصر على الفاظ تقال قد تخرج عن الملة بل زاد الامر على حمل اراء وافكار مشركة وملحدة ....
اصبحت صور جيفارا ذلك الذي لا يعترف بوجود اله !!!!موجودة على اجساد الفتيات قبل الشباب وفكره ينتشر بينهم

اصبحت هنالك مجموعات تسمى بعبدة الشيطان وتنتشر بشكل غريب جدا
ولا يخفى عليكم ان هؤلاء لهم شعائرهم الخاصة التي تلزمهم به جماعتهم وللاسف هم يمشون بجامعاتنا بلباسهم الاسود وكحلهم الاسود وهم معروفون ...

والمخفي اعظم وليس مناسبا ذكر الباقيين لما فيه من اختلافات في الاراء

الامر اكبر مما تظنونه من العنوان يا اخوة
والله انو جامعاتنا اصبحت اوكار لانتشار مذاهب ما انزل الله بها من سلطان واصبح الامر متقبل لدى العديدين ....
(شو يعني لو لبس صورة جيفارا على صدري او صدرها)
شيء مخزي والله ...
ومخزي من طريقين ... الاول ان هذا امر مخالف لديننا
والاخر ان هذه جامعة !!!!!

اما عن الانحلال الاخلاقي ...
فحدث ولا حرج ,,, الامر يقودنا الا ان نمشي كالعميان لكي لا تقع اعيننا على شيء *****
وقد يستدعينا الامر ان نمشي بالجامعة نرفع بناطيل الطلاب
او ان نوزع بعض الاقمشة لسد الناقص من قمصانهم
وكان البلد لم يعد فيها اقمشة
حسبنا الله ونعم الوكيل

وقد اصبح الامر كما قالت الاخت لايف هوب بموضوع سابق (الكفر الاخلاقي في جامعاتنا)
"ما يؤسفني انني كثيرا ما اسمع عبارات تتردد في افواه الناس
الجامعه فياعه من الاخر....عيش حياتك بالجامعه ....الخ..
من تلك العبارات التي تدل على تفكير ساذج وامال ضيقه الحدود
والاكثر (الادهى والامر) لما ييجيك واحد يقولك نيالك ع جامعتك فيها فياعه اكتر من جامعتي
(طالب علم والله....)
لا القي لوما على الطلاب عندما قال الدكتور (المربي ..كما يجب ان يكون) ....يا شباب ويا صبايا اعرفو انو الجامعه احلى شهر عسل
(صادق يا عمي معو حق) ...فاذا كان المعلم هكذا فكيف الطالب!!!!..."

والله سذاجة ما لها حدود...
وادعوكم لقلااءة موضوع (الكفر الاخلاقي في جامعاتنا) لما فيه تفاصيل تدور حول هذه النقطة
http://mousastar.com/vb/showthread.php?t=11087

[ولاء الوطن]

هلأ عنجد كل هاد بصير بالجامعات
يا جماعة اعطونا امل قربنا موصللها ارفعو معنوياتنا شوي
يعني المعلمات عنا بحكولنا انو الجامعة احلى من المدرسة بس اخطر مرحلة والله بخوفني كلامهم :36_1_48:

[نجوم الحياة]

لسه ما دخلت الجامعة السنة الجاي ان شاء الله

بس مشكورة لايف هوب على الموضوع

:36_15_24:

[لبنى]

والله يا عزيزتي
انا كنت احس انو بس اخلص من الاعداديه راح اروح الى الجنه اللي اسمها جامعه بس للاسف احس انو انا مغبونه قبل كنت احب جامعتي الاوليه اللي بالعراق لانو كنت بقسم مفتوح جديد والاساتذه كلهم يحبونا شي من الاخر
هسه انقلت لاسوء جامعه متسلطه اصلا من اشتكي من شي محد يسمعني هذا قانون عاجبك هلا فيك مو عاجبك ...في جامعات كثير
اول مشكله واجهتني هي قلة الوقت يعني بالله عليك مادة التربه من مواد التخصص وقت الامتحان نص ساعه فقط مقابل 18 سؤال من ضمنها 5 مسائل هاي اول مشكله
ثاني شي انو الاساتذه الكرام محد عاجبه ينزل لمستوى الطالب الكلام اللي دائما يكرر على لسانه انت مطالب بالماده ونحن غير مسؤولين عنك ونحن غير مجبرورين بافهامك كل الماده اقرأ وافهم انت طالب جامعه مو اعدادي هاي ثاني مشكله
الشي الثالث انو الاستاذ منيدخل المحاضره ينسى نفسه انو هو استاذ يتصرف كأنو كاعد بكهوه شكو موضوع باهت يحجي بيه بالمصاريف والرواتب ووو واحنا مثل الاطرش بالزفه اللي يحجي (جنت على نفسها براقش)
واحنا طكت ارواحنا نريد نتحرر من المهزله هاي

[life hope]

مشكورين جميعا ع ردودكم الرائعه

لنا عودة للرد والنقاش المفصل مع كل منكم
(بس هلا سامحوني علي بكرة امتحان وملحوقه بالدراسه)

دمتمـ بخير...

:):)

[life hope]

بنسبه للكليه الي ادرس فيها معروفه بالالتزام(ولسيت مثل باقي كليات وجامعات المملكه ) ...
واحنا ماعندنا اختلاط

رائع جدا يا عروب
نيالكم اخدين راحتكم بالحركه:36_15_24:
برأيي انو منع الاختلاط يصرف اغلب المفاسد المنتشرة في وقتنا الحالي

لبس الشتاء غير ولبس الصيف بيتحدد اللون من العميده..
غريب هالقانون اول مرة بسمع بـ هيك شي:)

ما شاء الله الوضع عندكم ممتاز حسب ما فهمت منك
والمشاكل بسيطه بسهوله يمكن تجاوزها
ربنا يديم الخير عليكم....

ومشكورة عروب ع مرورك الرائع
نورتي غاليتي....

[life hope]

بنسبه لكليه اللى انا فيها فيها اختلاط جامت والاسف دى شئ عادى عندينا يعنى عادى البنت تمشى مع

ولد بس اكيد مش كل البنات والأولاد
للأسف الشديد انو اغلب الجامعات بدولنا العربيه والاسلاميه مختلطه
ومتل ما هلا قلت بالرد السابق انو الاختلاط اساس المفاسد
لكن الانسان الملتزم بيحافظ ع دينو واخلاقو بـ اي مكان بينحط فيو
وبيستعين بالله تعالى لتجاوز هذه المرحله ((واستعينوا بالصبر والصلاة))

بس المشكله اللى عند هى الأولاد الكليه
بيحبو يدخلو من باب البنات مش عرفه ليه
ايه السر الخطير فى باب البنات بتاع المدرج
خخخخخخـ...ضحكتيني يا الفجر الباسم
بتعرفي شي...انو بكل مكان هاد المشكله
دائما باب البنات او درجهم بكون فيو شي مميز بس شو انا كمان ما بعرف:36_15_24:
عامل جذب:36_11_13:
الله المستعان ع كل حال

نحنا عنا بس بالشريعه في فصل بالدرج ...(اول ما دخلت الجامعه ما كنت اعرف ورحت مرة ع الشريعه وطلعت بكل ثقه ما شاء الله ع اول درج بوجهي والكل عم يطلع فيني....يا الله شو كان موقف محرج لما عرفت انو هاد درج الشباب:(: )

شكرا لمرورك ومشاركتك يا فجر وان شاء الله ربنا بهونها وبتنحل مشكلة الاختلاط
ربنا يثبتنا ويبعد عنا الفتن ما ظهر منها وما بطن....

حياك الله اختي...:):)

[life hope]

هاد انا عندي بالجامعة مااااااسي والله ماااااسي يعني نحنا بنيجي من المدرسة ازا بنشوف بنت وائفة مع شب نفضح الدنيا ولا اللبس يعني كنا نشوف لبس بس مو هيك ولا صرعات (اعوذ بالله ) الله وكيلك شباب و بنات

same same:(:

يعني صرت 10 مرات متمنية انو الجامعة تتفجر
لا انا هون بعارضك:)
هلا ازا بدنا نمشي ع قاعدتك راح نفجر كل العالم
اوك صحيح انو فيها كتير فساد بس نحنا شو عم نعمل
واجبنا محاولة التغيير ولا تقولي ما بقدر جربي انت بس وبتشوفي شو بيطلع معك
وانا عم بقلك من تجربة والله انو عنا بالكليه عملو كتيــــر اشياء حلوة
كتير بنات تحجبو وصارو يصلو وتحسن الوضع كتير الحمدلله

شيخة ناس عرب ابا عن جد بتحكي كلمة عربي و10 انجليزي يعني (عربيزي ) بالاشتقاق الكبار

خخخخخ
ما بتعرفي انو هاد اشارة للتقدم والفهم بالنسبه لـ الهم
بس اقولك شي ميشان العدل.. مرات الواحد تلقائيا بصير يحكي انجليزي
لانو دراسه وامتحانات وقراءة وكلو بالانجليزي...يعني في هيك وفي هيك:36_15_24:
واهلا فيك اختي نسمة الروح
مشكورة ع تعليقك يلي من الواقع (المر احيانا)
نورتي ...

[life hope]

ما في أحلى من الجامعة يا أخوة......
والله كتببببببببببببببببببببرر حلوة........ منشوف الحياة بطريقة مختلفة عن ما كنا عليه بالمدرسة........
بس طبعا بدي انصح الكل ان ينتبهوا على انفسهم من الفتن خاصة في الجامعات المختلفة...فالله اعلم بالحالات و الفتن يللي منشوفا يوميا بالجامعات المختلطة....

اكيد الجامعه حلوة بس ازا عرفنا كيف نعيشها
وان شاء الله ربنا يحمينا من الفتن

مشكورة اختي ع مرورك ومشاركتك بالموضوع
دمت بخير...

[life hope]

انا جيت
رحت ع الجامعه واتخرجت وسبقتو كلكو
شايفين ما اشطرني
يلا بالله عليكمـ ما بستاهل زأفه
يلا باركولي شو بتستنو .. بحكيلكمـ اتخرجت
ولا غيرانين ما بدكمـ تباركو .. !!!
طيب تصطفلو

ياااااي نيالك همس
دخلك دليني ع هادي الجامعه يلي لحئتي تتخرجي منها
خخخخخ

اهلا فيكي وبمشاركتك الامورة متلك:):)

[life hope]

موضوع جميل أختي لايف هوب
بس أنا لسه كمان سنتين بصير بالجامعة انتظريني كمان سنتين أدخل على الموضوع أرد

يلا انت كمان بنستناك يا حماس القسام
سنتين....بسيـــــــــــطه:36_15_24:
يسلمو ع المرور الحلو يا حلوة

[life hope]

اما بالنسبة عن جامعتي فهي تابعه لليهود وتواجهننا الكثير من المشكلات واهمها العنصرية احيانا وفي كثير من المواقف

يا الهي...
جد الله يكون بعونكم
فعلا انكم رائعين ازا عندكم القدرة لتصبروا بـ هيك وضع
نحنا مو عاجبنا الجامعات عنا لانهم بيضيقوا علينا مرات ببعض الاشياء
ازن ع هيك كيف بدو يطلع الوضع عندكم
طيب في كتير طلاب مسلمين ولا كيف؟؟وعندهم التزام ولا مو كتير؟؟

لكن نجد هناك الكثير من الايجايات والمعاملة الحسنة.
معاملة حسنه؟؟
ما فهمت عليكي انو عنصرية ومعامله حسنة بنفس الوقت:confused:


بنتظر عودتك بنية الامجاد..
وشكرا لمشاركتك القيمه ومرورك الرائع...

[life hope]

ما عاد الامر مقتصر على الفاظ تقال قد تخرج عن الملة بل زاد الامر على حمل اراء وافكار مشركة وملحدة ....
اصبحت صور جيفارا ذلك الذي لا يعترف بوجود اله !!!!

اصبحت هنالك مجموعات تسمى بعبدة الشيطان وتنتشر بشكل غريب جدا
لا حول ولا قوة الا بالله
كما قلت هذا ما يظهر فكيف بما خفي
لسا هدول ظاهرين الطلاب بيبتعدوا عنهم
امور اخطر من هيك يلي بييجو بطرق ملتوية وبيجذبوا الطلاب لـ الهم
مثلا في جمعية اجزم انها تبشيريه مفسده بيقوم عليها طاقم مسيحي
طبعا باسم انها للصيادلة وانهم بدهم يساعدو الطلاب بالدراسه والعمل وغيرو
عم بجذبوا بالطلاب واحد ورا التاني وبقنعوهم يشتغلو معهم
ميشان بالتالي يزرعوا الافكار الفاسده بكل سهولة في العقول

ومخزي من طريقين ... الاول ان هذا امر مخالف لديننا
والاخر ان هذه جامعة !!!!!
وامر اخر...
انو كتير من الطلاب بينساقوا ورا هيك اشياء وهني مو عارفين وين الله حاطهم
ليش هني مهتمين ولا عارفين شو يعني دين وشو يعني جامعه

الامر يقودنا الا ان نمشي كالعميان لكي لا تقع اعيننا على شيء
فعلا الواحد بيكون ماشي وطول الوقت عيونو بالارض وازا ما شاف شي بيسمع اشياء

وقد يستدعينا الامر ان نمشي بالجامعة نرفع بناطيل الطلاب
او ان نوزع بعض الاقمشة لسد الناقص من قمصانهم
الواقع المضحك المبكي...

المشكلة يلي طرحتها فعلا في مكانها وللحل بيجي دورنا.....همتنا ونشاطنا بالتغيير
ويمكن بموضوعك تطرقت للمشكله هي بشكلة اوسع وتم نقاشها بشكل افضل
كل الشكر لمرورك ومشاركتك اخ بانوراما...

[life hope]

هلأ عنجد كل هاد بصير بالجامعات
يا جماعة اعطونا امل قربنا موصللها ارفعو معنوياتنا شوي
يعني المعلمات عنا بحكولنا انو الجامعة احلى من المدرسة بس اخطر مرحلة والله بخوفني كلامهم

لالالا حبيبتي ولاء الوطن لا تخافي
الشخص القوي بايمانو ان شاء الله بتكون الجامعه نقطة تحول نحو الافضل بالنسبه الو
بالعكس في نشاطات واشياء كتير حلوة بالجامعه ما كنتي تقدري تعمليها بالمدرسه
اقولك شي انا اول ما دخلت الجامعه جد كتير اشياء منيحه تعلمتها من البنات بالجامعه
(طبعا الملتزمات والمتفوقات)

وان شاء الله ازا فضيت رح بنزل موضوع عن هاد الشي (ايجابيات الجامعه)
بس دعيلي افضى:D

مشكورة ع مرورك ولاء

[متفائله]

فعلا الجامعة شيء عظيم

ان شاء الله أروح عليها
خخخخخخخخخخ

[life hope]

لسه ما دخلت الجامعة السنة الجاي ان شاء الله

بس مشكورة لايف هوب على الموضوع

يلا انضمي للجماعه يلي بدنا نستناها لتدخل الجامعه:36_15_24:
نورتي نجومة:):)

[life hope]

كنت احب جامعتي الاوليه اللي بالعراق لانو كنت بقسم مفتوح جديد والاساتذه كلهم يحبونا شي من الاخر
هسه انقلت لاسوء جامعه متسلطه اصلا من اشتكي من شي محد يسمعني هذا قانون

حبيبتي يا لبنى جد الله يعينك بعرف معاناتك
بس صدقيني كل انسان ممكن يتعرض لهيك موقف بالحياة...
فالرياح لا تأتي بما تشتهي السفن
فالصبر الصبر يا غاليه...وكلو بأجر ان شاء الله
وانت ما شاء الله عليكي انا باخد منك النصيحه ما بدك حدا يزكرك:)

اول مشكله واجهتني هي قلة الوقت يعني بالله عليك مادة التربه من مواد التخصص وقت الامتحان نص ساعه فقط مقابل 18 سؤال من ضمنها 5 مسائل

اخ بس
نفس المعاناه:(:
انا عندي بـ اللاب لازم احل 10 اسئلة بـ 5 دقائق
وهاتي لتتزكري السلايدات والاشكال والتيشو وكل هاد
شو بدك اكتر من هيك:36_15_9:

الاساتذه الكرام محد عاجبه ينزل لمستوى الطالب الكلام اللي دائما يكرر على لسانه انت مطالب بالماده ونحن غير مسؤولين عنك ونحن غير مجبرورين بافهامك كل الماده اقرأ وافهم انت طالب جامعه مو اعدادي

يا ربي والله جد مشكلة كبيــــــــــــرة
انا اصبت بالاحباط الفصل الاول من هي القصه
الله بعين يا لبنى...والله تعب
لكن لا ننسى انو ربنا ما بيضيع تعب
كل الشكر لمشاركتك لبنى

[life hope]

فعلا الجامعة شيء عظيم

ان شاء الله أروح عليها
خخخخخخخخخخ
ان شاء الله..:)
يا اهلا متفائله..

[*اسراء*]

موضوعك رائع أختي فجزاك الله خيرا
أما عن المشاكل فحدث ولا حرج لسه ما كملت سنة اولى وشايفة البلاوي الله يعين
1.الامن دائما بتلاحق الملتزمين وحاملي هم الدعوة والانذارات توزع بالمجان ،واذا حكيتي كلمة خير في الجامعة بجلسة دينية اعرفي انك راح تكوني من اول الاسماء في القائمة السوداء ،واذا حكينا عن فلسطين او غزة في احدى المحاضرات اقرأي على روحك الفاتحة ... لكن والله كل هذا لن يردعنا فنحن من يحملون هم الدعوة .

2. الفساد منتشر بشكل قاتل خصوصا كلية الهندسة متل كل الجامعات مناظرهم والله بتبكي .. واذا حكيتي معهم اعرفي انك رحتي فيها .. هناك طلاب توزع المخدرات عنا والفياعة والصياعة وكله العمادة راضية عنه .. بدها كل شي الا انتشار الاسلام والالتزام.

3.المواصلات وما ادراك ما المواصلات .. ساعة واكتر لاركب الباص والدفاشة لركوب الباص واحيانا بنروح على الواقف لمدة ساعة وبنميل مع الباص يمين وشمال والشباب قاعدين على الكراسي ماخدين راحتهم لانه بطل فيه نخوة للاسف.

سامحيني على الاطالة بس موضوعك ذكرني بمآسي مؤلمة .. لكن على الرغم من كل هلاشياء لازم نرفع راية الدين فوق ونجاهد من اجل الدين والجامعة مو دراسة وبس انت في الجامعة محاسب عن كل منكر شفته وما انكرته بقلبك او بلسانك او بايدك اذا كان في مجال .. اطلع من الجامعة بشهادة بكالوريس بامتياز وشهادة خدمة دينكك بتفوق واكمل المسير بعد هيك.

شكرا يا حلوة على الموضوع

[life hope]

لك اهليـــــــــــــــــــن بـ اسراء
وين الغيبه؟؟

أما عن المشاكل فحدث ولا حرج لسه ما كملت سنة اولى وشايفة البلاوي الله يعين

نفس الوضع...

.الامن دائما بتلاحق الملتزمين وحاملي هم الدعوة والانذارات توزع بالمجان

حسبي الله ونعم الوكيل..
والله هداك اليوم موقف امام عيني صار
طالبين عم بعلقوا اعلان لشي نشاط عند احدى الكليات..
ما شافوا الا امن الجامعه واصل وعم بشيل بالاعلان
وعمل الامن للطلاب مشكله ومنعهم يعلقوا الاعلان
كل هاد لانو شي فيو خير

الفساد منتشر بشكل قاتل خصوصا كلية الهندسة متل كل الجامعات

يمكن مو كل...بعض..
عنا الهندسه اهون من غيرها بكتيـــــــــــر وبلا ما نحكي اسماء كليات

هناك طلاب توزع المخدرات عنا والفياعة والصياعة

حسبي الله...
لا وكمان بيتسابقوا بهيك اشيا (الا من رحم ربي)

المواصلات وما ادراك ما المواصلات

ههه...تعي اسأليني لـ الي عن المواصلات
والله مأساه بمعنى الكلمة
صدقا اني ببعض ايام ساعتين وقفه ع الدور ويا دوب اركب
الشباب عم بدافشو ما بيخلوا بنت تركب
وكل يوم لازم توقعيلها بنتين تلاته ع الارض من دفاشتهم

والله هالمشكله حلها صعب جدا...الى ان يشاء الله..

لكن على الرغم من كل هلاشياء لازم نرفع راية الدين فوق ونجاهد من اجل الدين والجامعة مو دراسة وبس انت في الجامعة محاسب عن كل منكر شفته وما انكرته بقلبك او بلسانك او بايدك اذا كان في مجال .. اطلع من الجامعة بشهادة بكالوريس بامتياز وشهادة خدمة دينكك بتفوق واكمل المسير بعد هيك.

صدقت اسراء...
ما فيني ازيد حرف ع يلي قلتي لانك كفيتي ووفيتي
ما شاء الله عليك...

بشكرك اسراء ع مشاركتك الراااااائعه جدا..
وفعلا والله نفس المعاناة بالنسبه الي
الله يهونها ويفرجها

حياك الله...

[نسيبة العجارمة]

طيب بدي أحكي شغلة وبكل صراحة وياريت أسمع الرد منكم شو رأيكم بالشب الملتزم اذا أحب فتاة ملتزمة ؟؟؟؟؟؟؟

[سنا البراري]

ايوااااااااااا الجامعة حكيتولي الجامعة
والله زمان عنها :36_1_1:

هلا هلا هلا لايف هوب
أظن أجا دوري بالحكي
صحيح

بما أني خلصت شي اسمه جامعة فراح أحكي تجربتي بالكامل عنها يلا نبدأ :

أولا بالنسبة للاختلاط فجامعتي التي درست فيها، الجامعة الاسلامية بغزة، ممنوع الاختلاط فيها اطلاقا ، يعني جناح للشباب وجناح للبنات وباب أمامي للبنات وباب خلفي للشباب
وما بنلتقي الا بالحفلات والمهرجانات وكمان ما فيها اختلاط ، بتكون نص الساحة للشباب والنص التاني للبنات ، ولا أحكيلك الثلثين للبنات بما انه الحضور الأكبر للصبايا بيكون .
والحمد لله ما في عدنا فلتان لا أمني ولا أخلاقي ولله الحمد

بالنسبة للمواصلات فمهما كانت المواصلات عندنا سيئة فلن تصل لدرجة سوءها عندكم أكيد
لأنه في باصات للبنات مخصوص وفي باصات للشباب
وفي باصات النص الامامي بيكون للبنات والنص الخلفي للشباب
غير هيك ما في
أما بالنسبة الي فكانت المواصلات متاحة بدرجة كبيرة:36_1_13: أحكيك ليش
لأنوا بما إنوا بابا دكتور بنفس الجامعة الي درست فيها فالمواصلات بالأغلب مؤمنة ذهابا وايابا هاد بالنسبة لأول سنتين درستهم بالجامعة
وجامعتي الها فرعين لتخفف على الطلبة المواصلات والحواجز
الفرع الرئيسي بالشمال بوسط غزة
والفرع الثاني بمدينة خانيونس جنوب القطاع التي أقطن بها الي درست فيها أول سنيت فيها وكان بابا بيدرس فيها
وبما إنه تخصصي الرياضيات بالكامل لم يكن بالفرع الجنوبي
فآخر سنتين توجهت للفرع الرئيسي أدرس فيه وبابا طبعا مو معي
بس كمان المواصلات والباصات والسيارات مؤمنة يعني تقريبا ما في مشلكة
الا مشكلة التعب بالطريق
يعني بتصلي للمحاضرة نامي من تعب الطريق :36_1_48:

بتضل المشكلة الكبيرة العويصة هيا مشكلة الامتحانات وحدث ولا حرج
أسئلة من المريخ ، أساتذة تحسيهم جايين من بلوتو ، ولا المعيدين من المشتري
يعني من كل قطر اغنية
هاد ما بيعني انوا في اساتذة عنا فلاطحة واذكياء والحمد لله
لكن في اساتذة وبالنسبة لتخصصي خصوصا الرياضيات تحسيهم معقدين وهادول بيعقدو الطلاب بزيادة

اااااااااااااااااااااااااه وشو أحكيلك كمان
إذا تذكرت شي برجع بحكيه مشي

يلا بلا ما اطول عليكي أكيد بدك تعلقي على كلامي

[نسيبة العجارمة]

هلا والله بأختي سنا البراراي

يعني جامعتك ما كانت مختلطة طب اوكي افرضي افرضي انها كانت مختلطة

شو رأيك بالحب بين الشاب والفتاة الملتزمين

معلش أختي أنا أسألتي مزعجة كتير شو بدي أسوي لازم أعرف رأيكم ......

[سنا البراري]

امممم راح أفترض انها مختلطة من انه هالافتارض من سابع المستحيلات يصير بجامعتي الاسلامية

أعتقد أن الحب بين الشاب الملتزم والفتاة الملتزمة على حد قولك ملتزمين أظن أن كلاهما مقتنعين بأفكار الآخر وأن كلاهما يخاف الله عزوجل
الحب ليس عيبا ولا حراما لكن لكي يكمل كل منها هذا في طاعة الله يجب إكماله بالزواج أو الخطوبة على الأقل ان كانا ما زالا يدرسان حتى يكمل كل منهما تعليمه

[بانوراما]

والله سؤالك اختي نسيبه في محله ...


ان تحدثنا عن الحب بين الملتزمين والذي ينتهي بزواج فهذا امر لا باس فيه

لكن لي عودة واتكلم في الموضوع ..( في ان الملتزمين يتساهلون في بعض الامور ...)

تحيه

[life hope]

طيب بدي أحكي شغلة وبكل صراحة وياريت أسمع الرد منكم شو رأيكم بالشب الملتزم اذا أحب فتاة ملتزمة ؟؟؟؟؟؟؟





ممممممـ
سؤالك صعب كتيـــــــــــــــــر يا نسيبه
والمشكلة هي صعبة كتير كمان
خاصة وقت الانسان يكون ملتزم بيكون في صراع مع نفسو
ربنا لا يبلينا

اول شي القلوب بين يدي الرحمن يقلبها كيف يشاء
لكن من رايي حتى لو حدث شي بالنفس فالافضل انو ما يذكر ع الالسن
حتى للمقربين لانو هاد بينتشر مع الهوا الطاير ومو منيح هيك ابدا
الافضل دائما اللجوء لربنا سبحانه وتعالى بالدعاء والتضرع
ودائما الانسان بيقول..ربنا لا تجعلنا فتنة للذين آمنو

والطريق الاسلم اتباع شرع الله تعالى بالزواج وهو الحل الاسلم ازا الامور تأزمت

صراحة في حكي كتير عن هاد الموضوع وبتختلف حسب الوضع
بعض المواقف بنفسي رأيتها...لكن اعتقد لا مجال للاضافة هنا
ازا حابة ع الخاص نحكي ما في مشكلة

[life hope]

أظن أجا دوري بالحكي
صحيح

هلااااااااااا ام الشوش..طبعا اجا دورك ولووو
بس ليه كاينة بـ آخر الدور:36_1_43:



ممنوع الاختلاط فيها اطلاقا ،
فعلا شي رائع...لانو منع الاختلاط يدرأ الكثير من المفاسد

والحمد لله ما في عدنا فلتان لا أمني ولا أخلاقي ولله الحمد
اهم شي...ما في فلتان اخلاقي,,معاناة اغلب الجامعات من الفلتان الاخلاقي
اما بالنسبة للفلتان الامني..بيحتمل اكتر من معنى
في بعض الاحيان بيكون قمع بس لناس معينة طبعا,,هاد الشي بدا يخف عنا والحمدلله



بالنسبة للمواصلات فمهما كانت المواصلات عندنا سيئة فلن تصل لدرجة سوءها عندكم أكيد
لأنه في باصات للبنات مخصوص وفي باصات للشباب
وفي باصات النص الامامي بيكون للبنات والنص الخلفي للشباب


impossibleيوصل لدرجة سوء المواصلات عنا
يا بنت الحلال والله انو المواصلات عنا مأساااااااااااااه بمعنى الكلمة
خخخ..بتقولي للبنات باصات خصوصي ..نحنا ليصحلنا نركب بعدين بنتفاهم:(:



لأنوا بما إنوا بابا دكتور بنفس الجامعة الي درست فيها فالمواصلات بالأغلب مؤمنة الا
مشكلة التعب بالطريق
يعني بتصلي للمحاضرة نامي من تعب الطريق

تعب الطريق...حدث ولا حرج...ازا انت بتوصلي نايمة انا بوصل ميته : (




بتضل المشكلة الكبيرة العويصة هيا مشكلة الامتحانات وحدث ولا حرج
أسئلة من المريخ ،

الامتحانات..الامتحانات...الامتحانات...مشكلة كل الطلاب (وانا منهم طبعا:36_1_1:)
هاد الو بالدراسة وطبيعتها
كل واحد ع قد دراستو بيكون همو...



لكن في اساتذة وبالنسبة لتخصصي خصوصا الرياضيات تحسيهم معقدين وهادول بيعقدو الطلاب بزيادة

والله اقلك شي..نحنا عنا هيك وهيك
صراحة عنا دكاترة رووووعه...كتير منهم بالشريعه متل امجد قورشه واحمد نوفل و شرف القضاة و..و..
اما عنا بالصيدلة في ايضا دكاترة فعلا رائعين...هاد من ناحية الدين

من ناحية الفهم والذكاء...اغلب يلير عنا فهمانين بس هاد كمان ما بيلغي وجود بعض الدكاترة:36_1_29:..حسبي الله عليهم



يسلمو شوشو ع المرور والافادة من خبرتك السابقة
وعقبال عنا نتخرج يااااا رب

[life hope]

أعتقد أن الحب بين الشاب الملتزم والفتاة الملتزمة على حد قولك ملتزمين أظن أن كلاهما مقتنعين بأفكار الآخر وأن كلاهما يخاف الله عزوجل
الحب ليس عيبا ولا حراما لكن لكي يكمل كل منها هذا في طاعة الله يجب إكماله بالزواج أو الخطوبة على الأقل ان كانا ما زالا يدرسان حتى يكمل كل منهما تعليمه
كلام سليم سنا البراري...


ان تحدثنا عن الحب بين الملتزمين والذي ينتهي بزواج فهذا امر لا باس فيه
لكن لي عودة واتكلم في الموضوع ..( في ان الملتزمين يتساهلون في بعض الامور ...)
بالانتظار...

[سوار]

الجامعة الجامعة
ما شفت شي .. بس سمعت اشيااااااااااااء
الله يكون بعونكم ... وبعونا بس ندخلهاا...

[بانوراما]

في هذا الموضوع خصوصا .. يكثر وجود المغالين والمتساهلين
لأن فيه فسحة كبيرة من التقدير الشخصي لأهمية الكلام والظروف المحيطة به من طريقة الكلام ومدته وموضوع النظر أو عدمه وغيرها

أود التعليق على أنه مع تحديدنا للضوابط التي يلتزم بها كل مسلم
إلا أنه يبقى المجال مفتوحا لتقييم الموقف والتعامل الأنسب معه من قبل الطالب

وذاك من عظيم إسلامنا الحنيف الذي حدد تصرفاتنا بضوابط شرعية وترك لنا فسحةً في تقدير التصرف مع اختلاف الظرف والمكان والأشخاص

فعلى سبيل المثال حديثي مع الدكتور أو الدكتورة يختلف عن حديثي مع الطالب أو الطالبة
وحديثنا مع أقاربنا "المسنين عمرا" من غير المحارم يختلف عن حديثنا مع أقاربنا ممن قاربونا عمرا من الجنس الآخر


وأرى أنه من الضوابط المهمة لغض البصر
قضية وجود الشهوة.. أو انتفاؤها، فمعها يحرم النظر بتاتا

وهو أيضا للكلام والحديث
فحتى لو كان الموضوع مهما .. فإن الحديث يحرم إن وجدت الشهوة التي قد تدفع بصاحبها للضرر

وأرى أيضا أن البعض لا يقبل بالحديث بتاتا بوصف ذلك تورعا أو اتقاء للشبهات..
ظنا أن هذا أقرب للدين .. ولكنه ليس من الدين في شيء

بل إن المسلم كما أسلف شيخنا القرضاوي مطالب بالتعامل مع الجنس الآخر
متى استدعت الحاجة ذلك..
ولكن بحفظ الضوابط

-انتهى-

" احببت ان انقل كلام احد الاخوة خلال جلسة نقاشية عن هذا الموضوع"

وهنا رابط النقاش للاستزادة ..
http://www.kotlah.org/forum/showthread.php?t=4599&highlight=%CA%E5%C7%E6%E4+%C7%E1%E3%E1%CA%D2%E3%ED %E4

وسامحونا على النقل "رغم ان لي كلام في الموضوع" ولكن بسبب ضيق الوقت والخوف من ان يغيب الموضوع عن بالي ولاهميته للبعض

وجزيتم خيرا

[life hope]

شعلة الامل..
ان شاء الله بتوصلي وبتجربي
لا تستعجلي...ان كتبت لك ستأتيك

بانوراما...
الموضوع في الرابط مهم جدا...واعتقد انو يكفي ويفي بالغرض
بتمنى لو كل الاعضاء يقرؤوا الموضوع والمشاركات الموجودة
امور كان بودي نذكرها ونناقشها تم ذكرها ومناقشتها في الموضوع
مشكور ع المشاركة والاضافة الهامة


ان شاء الله تستفيدي اختي نسيبة من اضافة الاخ بانوراما
لكم كل التقدير ...

[سوار]

اوك تمام ... صحيح اني مو بالجامعة بس لازم احكي..
في البداية تمت مشاهدة الرابط ... وبعدها خطرت ببالي اشياء كتيرة..
يعني لو نسال طلاب الجامعة..

للبنات
1)عندما ياتي شاب ليسالك عن امر ما هل تجيبي؟؟
خذي بعين الاعتبار اهمية الامر ... ولا اقصد الامور العامة ..(للضرورة)

2)هل لديك مانع من الذهاب الى شاب بالدفعة وسؤاله عن امر هام ؟! (في الدراسة او من هذا القبيل)

3) تم تقسم الجروب ... وحصل انا كنت مع مجموعة من الشباب بهذه الحالة ما نوعية تصرفك؟

4)اذا كنت مع الجروب ... او كنت بلجان الدفعة وتحتاجي لتسجيل محاضرة او (طباعة شيت) وهاد الشي موجود مع شاب معك بالدفعة شو بتعملي؟

هلا الشباب الهم نفس الاسئلة....

1)عندما تاتي فتاة لتسالك عن امر ما هل تجيب؟؟
خذ بعين الاعتبار اهمية الامر ... ولا اقصد الامور العامة ..(للضرورة)

2)هل لديك مانع من الذهاب الى فتاة بالدفعة وسؤالها عن امر هام ؟! (في الدراسة او من هذا القبيل)

3) تم تقسم الجروب ... وحصل انا كنت مع مجموعة من الفتيات بهذه الحالة ما نوعية تصرفك؟

4)اذا كنت مع الجروب ... او كنت بلجان الدفعة وتحتاج لتسجيل محاضرة او (طباعة شيت) وهاد الشي موجود مع فتاة معك بالدفعة شو بتعمل؟



(معليش اخواني ما بدنا اجابات مثالية كن كما انت على ارض الواقع)

والسؤال الاخير
... للبنات ...في تعاملك في الجامعة ... هل تمنعي نفسك من بعض التصرفات مع اقتناعك انه لاضير بها ... ولكن طبع الناس وكلامهم يمنعك منها؟؟؟؟

وللشباب......في تعاملك في الجامعة ... هل تمنع نفسك من بعض التصرفات مع اقتناعك انه لاضير بها ... ولكن طبع الناس وكلامهم يمنعك منها؟؟؟؟


عذرا ع التطفل بس بدنا ناخد خبرة ....

[بانوراما]

اختي شعلة ..
اظن ان الكثير من اسئلتك تم توضيح جوانبها , من ان الطالب او الطالبة يلتزم بصفاء السريرة في التعامل والالتزام بضوابط للتعامل وولا ننسى ان هذا باب فتنه كبيرة ,ولا نتساهل او نغالي ..
يعني للضرورات احكام لكن نحسن تصنيف الضرورات ...
وحقيقة انا ركزت على السؤال التالي ...

... للبنات ...في تعاملك في الجامعة ... هل تمنعي نفسك من بعض التصرفات مع اقتناعك انه لاضير بها ... ولكن طبع الناس وكلامهم يمنعك منها؟؟؟؟

وللشباب......في تعاملك في الجامعة ... هل تمنع نفسك من بعض التصرفات مع اقتناعك انه لاضير بها ... ولكن طبع الناس وكلامهم يمنعك منها؟؟؟؟


للاسف بعض الامور نقنع انفسنا بانه لا ضير بها ...
واتمنى ان نرجع بكل اعمالنا وافعالنا لضوابطنا من قران وسنة ..

وادعو ان ننهي هذا الجزء من الاسئلة وغيره سريعا والدخول في قضية اخرى لاستيفاء حق الموضوع هذا برايي الشخصي

وتحية للجميع

[سوار]

اوكـ انا فاهم عليك ... بس وضعت الاسئلة لحتى الفت النظر لدخول للرابط...
(لاني حسيت انو مو الجميع دخل)

انا الامور واضحة الي ومن اصلو بعدي ما دخلت الجامعة بس متمسكة بفكر معين وما بغيرو الا ازا اكتشفت اني على خطأ.....

اخي بانوراما.. الاخت نسيبة حسيتها بحاجة ليتوضح الها الامر واعتقد انو الاغلب بحاجة ...
وليه نحنا دائما نحب المثاليات ونتكلم عنها وننسى اخطر الامور .... دائما توقع ان تحدث لكـ الامور السلبية... حتى عندما تقع (لا سمح الله) بموقف مشابه تحسن التصرف..
هاد اولا

وازا حابين تغيرو الموضوع... والجو لانو شووووب
انا انا بعطيكو اسئلة.... وبتصير كتير لاني شفت وسمعت

للناقشكم في امور الدراسة وهي الاصعب..

1)غدا لديك امتحان ...مادة بدها دراسة وتركيز ... الضغط عليك كتير ... وعندك محاضرة متاخرة ... لو غبت عنها تحرم من المادة.. شو بتعملو؟؟؟

2) دكتور ما الو شخصية بالمحاضرة... وطلاب قالبينها مسخرة
(اس بيعملو صواريخ ورقية وبرمو ع الطلاب:36_1_1:
ناس تانيين ازا رن موبايل بقومو يقولو...دكتور هاد موبايلو صحاني من النوم)
وانتو بدكو تفهموا المادة...شو الحل؟؟؟

3) جيت ع الجامعه..دخلت ع المحاضرة..تفاجأت انو اليوم دورك بالبرزنتيشن ...شو بتعملو؟؟

4)لما ما يكون عندك خبرة بالجامعة وبدك تتفلسف على العالم الي فيها (متل حالاتي هلا) وبدك تحطلهم اسئلة شو بتسألو؟؟:36_1_49:

[السوسنة البيضاء]

حلووووووووووووووو الموضوع



أنا بجامعة غير مختطلة


بفضل الجامعة تكون شباب وبنات


ولا تكون بنات يس


لانو يمكن البنات يحترمن حالهن

[نسيبة العجارمة]

مشككورة أختي شعلة أمل .....

عنجد بدعتي بس لو ما حكيتي عن الدراسة بكون أحسن لأني ما بطيقها أبدا أبدا ههههههههههههه يعدمني هالمحاضرات اللي ما بتخلص خاصة لما يكون الدكتوووور ناشف وما بيضحك أبدا واذا ضحك ووووووووووو بتكون ضحكته ناشفة مع حواجب مكشرين طبعا
يعني الضحكة بتكون باردة ....... شو بدي احكي لأحكي خلص أكيد زهقتو

اه صحيح مشكووووووور أخي بانوراما للتوضيح ، لأنو كنت أنا بحاجة وان شالله أستفدة

أدعولي بلشت الأمتحانات .........

[life hope]

أنا بجامعة غير مختطلة

بفضل الجامعة تكون شباب وبنات
ولا تكون بنات يس
لانو يمكن البنات يحترمن حالهن






مممـ

برأيي شو ما عجبوا البنات لما يكون فقط بنات لوحدهم
اهون من انهم يعملو العجايب ويكون في بنات وشباب

اوك صحيح ممكن تتغير طريقة التصرف ويكون الواحد اكثر عقلانية وتفكير بتصرفاتو
لكن والله يا اختي ازا الواحد ما عندو اخلاق..سواء كان بنات او بنات وشباب
ما بغير شي..بالعكس بعجب اكتر

[م. أحمد قطيع]

الله الله الله

موضوع جميل جدا ً وأكثر من رائع

ولي فيه باع طويل

بما اني من مواليد السعودية ولم يسمح لي بإكمال الدراسة داخل السعودية بحكم جنسيتي غير السعودية فإضططرت للسفر للخارج لإكمال دراستي الجامعية
كنت طالبا ً جامعيا ً ثم تم تعييني كمعيد في نفس الجامعة لمدة ستة أشهر ومن ثم عدت للسعودية ليتم تعييني كمحاضر جامعي في كلية التقنية لمدة أربع سنوات وبحكم السعودة إضططرت لترك المهنة في الجامعات وتوجهت للمشاريع . ومن خلال هذه الخبرة كطالب ثم كمحاضر سوف أقوم بمناقشة بعض الامور الهامة .

في الجامعة عندما كنت طالبا ً كانت جامعتنا مختلطة بين الشباب والبنات , وبحكم عادات وتقاليد الدولة التي درست بها مرحلة الجامعة فقد كان الإختلاط أمر عادي جدا لأبعد الحدود والمصافحة بين الشباب والبنات كذلك عادي والصداقة والحب بين البنات والشباب أيضا ً عادي جدا بل لربما تقوم الفتاة بأخذ حبيبها صديق الجامعة إلى منزل اهلها وتقوم بتعريف والدها ووالدتها عليه , وهما بدورهما يقوما بالترحيب به . والغريب ان هذه الأمور كانت في دولة عربية وإسلامية أيضا ً .
لا تستغربو فالوضع في الدول العربية والاسلامية أصبح خطيرا ً للغاية .

ما اود قوله هو أنه ولله الحمد كانت هنالك فكرة رائعة من بعض الشباب الملتزمين في الجامعة والحقيقة ان أغلبهم كانوا من جنسيات مختلفة عن تلك الدولة التي كنا ندرس بها , كانت تلك المجموعة مكونة من بعض الشباب السعوديين والفلسطينين والسوريين واليمنيين , وكنت منضما لهم ولله الحمد نشأت الفكرة من تكوين شلة معينة مكونة من هؤلاء الشباب الملتزمين يقومون بترتيب رحلات بين طلاب وطالبات الكلية ويذهبو بهم بعيدا عن اجواء الجامعة ويقومون بترتيب برنامج رائع في تلك الرحلة وهو عبارة عن فطور الصباح ومن ثم بعض المسابقات ومن ثم محاضرة دينية ومن ثم مسابقة حفظ صفحة من القرآن ومن ثم محاضرة دينية أخرى ومن ثم أنشطة مختلفة , المهم في الموضوع أن هنالك منكم من سوف يستغرب مافائدة الرحلات ؟ و سوف يظن أن في تلك الرحلات المختلطة سوف يكون هنالك مصائب من واقع الإختلاط , سأقول هدفنا كان واضحا وهو , أولا الفطور ليس مختلط , والمسابقات كنا نكون مجموعة بنات ومجموعة الشباب ويصبح المنافسة بين الشباب والبنات , وكان هنالك توزيع جوائز بسيطة رمزية , والمحاضرات كانت كلها تصب في بوتقة معينة ذات هدف واضح وهو أهوال يوم القيامة وعذاب القبر , والحجاب , والإختلاط , وعواقب الأمور التي تكون في العلاقات ليست الشرعية من الحب وغيره من الهفوات التي يندم عليها الكثير فيما بعد , وكذلك عن المحافظة على الصلاة . أما عن حفظ كتاب الله فكنا بعد ان نقوم بجعل ساعة مخصصة لحفظ كتاب الله كنا بعدها نجعل بعض الفتيات يمعون للبنات وبعض الشباب يسمعون للشباب وهكذا حتى إذا ماقام احدهم أو إحداهن بحفظ جزء ينال مكافئة جيدة , والمكافئة ليست مادية حتى لا نجعل الأمر مجرد مادي بل كانت عبارة عن أن نقوم بتعيين من يقوم بحفظ جزء نجعله مشرفا على التسميع للحافظين من بقية المجموعة وهكذا أصبح هنالك جو من المنافسة , وأصبحت الكليات الأخرى تترجى أن تنضم إلى مجموعاتنا حتى بلغ مجموع الطلاب والطالبات مايقارب 120 طالب وطالبة خلال ستة أشهر فقط والله يا إخوان ما ان مرت الستة أشهر حتى كان جميع البنات محجبات وكل الشباب أصبحو ملتزمين ولم يعد هنالك لا مصافحة ولا حب ولا غراميات والكل أصبح يخجل من أن يقف مع فتاة أو ان تقف فتاة مع شاب وأصبح الجو ديني وأخلاقي من أروع مايكون وبعدها أصبحنا نعين مشرفات ومشرفين لكي يقومو هم بالدعوة لصديقاتهن وأصدقائهن أي خلاصة كل هذا الحديث أنها كانت بذرة وفكرة صغيرة ولأن العمل كان خالصا لوجه الله وفقنا الله لمبتغانا , لو لاحظنا كل من يقوم بأمور غريبة مثل ان يقوم بالتقليد الأعمى لبعض الممثلات او الممثلين أو أن يعلق صورة جنيفير على بلوزته , هؤلاء جميعهم قلوبهم نقية ولكن يحتاجون فقط لأن نقترب منهم ونقوم بدعوتهم ونصحهم بطرق معينة ودبلوماسية هؤلاء لديهم نقص معين يحاولون ملأه وملأ فراغهم بمثل هذه التفاهات لو اننا أعطيناهم الفرصة لأن ننصحهم ونتقرب منهم فسوف يستجيبون صدقوني اما أن نحاربهم او ننظر لهم بنظرة إزدراء فسوف يكون لهم ردة فعل عكسية وسلبية .
بالنسبة لما يخص الإنحلال الأخلاقي والديني لدى طلاب وطالبات الجامعات لكي نعالج مثل هذا الأمر الخطير علينا أن نبدأ فورا ً نحن الشباب والبنات الملتزمين بالتناصح معهم وإن لم يستجيبو فلا بأس فالمرة الأولى ربما يستهزؤون بك والمرة الثانية كذلك لاتتقاعس عن نصحهم فوالله نحن أيضا مسؤولون عن الأمر بالمعروف والنهي عن المنكر .
على الشابة الملتزمة أو الشاب الملتزم أن يقوم بتكوين مجموعات من الملتزمين ويبدأو بالتحرك لفعل شيئ ما .
لأننا لو جلسنا ننتظر أن تتحرك الإدارات في الجامعات لفعل شيئ فعلى الدنيا السلام لأن جامعاتنا وضعت أصلا ً لكي تنمي في شباب وبنات امتنا مثل هذه الأمور العلمانية .
هم يخافون من الجامعات الإسلامية ويزعمون انها تخرج شباب وفتيات إرهابيين والحقيقة ليست كذلك بل هم يخشون ان تخرج الجامعات الإسلامية غير المختلطة شباتب وفتيات ناضجين يبدأون بالتحرك ضد سياساتهم العلمانية وهذا مالا تريده الحكومات ولذلك فنحن على يقين بأن تلك الجامعات وضعت أصلا لتلك الأغراض وهي تخريج شباب وفتيات علمانيين .

لي حديث طويل في هذا الموضوع وعن تجربتي أيضا ً كمحاضر جامعي ولكن الىن الوقت يداهمني وهنالك بعض الأعمال التي يجب ان أنجزها فلي عودة غن شاء الله تعالى .

[life hope]

والغريب ان هذه الأمور كانت في دولة عربية وإسلامية أيضا ً .
لا تستغربو فالوضع في الدول العربية والاسلامية أصبح خطيرا ً للغاية .
يا الهي..صدقا انا صدمت ,لم اتخيل ان الوضع وصل الى درجته هذه من السوء في دولنا العريبة الاسلامية

نشأت الفكرة من تكوين شلة معينة مكونة من هؤلاء الشباب الملتزمين يقومون بترتيب رحلات بين طلاب وطالبات الكلية
بادرة طيبة بل ورائعه
عندما يصدق الانسان ويخلص في سريرته فإن التوفيق يعني من عند المولى سبحانه وتعالى
وان كانت البداية بسيطة
جميع الحركات والنشاطات الاسلامية في جامعاتنا, بدأت بالقليل
ثم اصبحت ذات بصمة واضحة بفضل الله تعالى

وأصبحت الكليات الأخرى تترجى أن تنضم إلى مجموعاتنا حتى بلغ مجموع الطلاب والطالبات مايقارب 120 طالب وطالبة خلال ستة أشهر فقط والله يا إخوان ما ان مرت الستة أشهر حتى كان جميع البنات محجبات وكل الشباب أصبحو ملتزمين
ما شاء الله... فعلا انو انجاز عظيم بالنسبة لتلك المدة الزمنية

لو اننا أعطيناهم الفرصة لأن ننصحهم ونتقرب منهم فسوف يستجيبون صدقوني اما أن نحاربهم او ننظر لهم بنظرة إزدراء فسوف يكون لهم ردة فعل عكسية وسلبية .
بذرة الخير موجودة عند الجميع,,
لكن للاسف بعض الناس لم تنم لديهم ربما بسبب البيئة المحيطة
او الاستجابة واتباع خطوات الشيطان
نحن دعاة ولسنا قضاة,اذن فذلك يحتم علينا اتباع الطريقة الامثل في دعوتنا وتوجيهها الى جميع الفئات
لاننا بطبيعة الحال لن نقتصر على الملتزمين اصلا في الدعوة

وفي هذا المجال اذكر المهام الرائعة التي تقوم بها الفئة الملتزمة عندنا

لجان الدفعات او ما يسمى لجان الطلاب..
اسلوب رائع بل واكثر في الدعوة,يبدؤؤن بصحبة غير الملتزمين قبل الملتزمين
نشاطات مختلفة...رحلات...خدمة الطالب بكافة اشكالها في المجال الدراسي
كل هذا جعل الطلاب يقبلون بشكل رائع عليهم ويتقبلون النصيحة بكل سهولة ويسر ولله الحمد والشكر

والله قبل فترة (عندما بدأ التجهيز لانتخابات مجلس الطلبة في الجامعه وقبل ان يتم تأجيلها)
اول ما عرفو الطلاب انو لجان الدفعات مشاركين والله كنا نشوف الفرحة بوجوههم
حتى المسيحيين منهم سارعوا للتشجيع والمساعده

فعلا كان ذلك انجاز مميز لهم والحمدلله

اشكرك على الاضافة المهمة اخي
و بانتظار استكمال تعليقك على الموضوع

[زهرة الارض]

يا جماعه اريد مساعدة في شر ح هدا القصيدة ساعي البريد
وهو يتكلم عن جمال عمله و فنحن لا نشعر في عظمه اعمالنا اليوميه فقد كتاب هنا الشاعر عن الساعي البريد الدي يقوم بعمل بسيط و اجرة قليل ولكنه ما زال يبعث السرور في اوجه الحباب باعطائهم الرساله الدي ينتظرها بفارق الصبر .. لو سمحتم ان تساعدوني في شرح هدا القصيدة اعلم انه لا دخل هدا الموضوع بموضوعكم ولكن الرجاء في المساعدتي ...

ساعي البريد وما ينفك منطلقا
وكل باب عليه غير موصود
يسعى بأكداس أوراق مغلفة
تفوح منهن أطياب المواعيد
بدا فهز عقود الغيد مقدمه
هز النسيم لحبات العناقيد
أبعد بذلك فينا ما بذلت نرى
عينيك في مأتم والناس في عيد...

لشاعر شفيق المعلوف

[*فتاة الابداع*]

1- الانحلال الديني والاخلاقي (لارتباطهما معا)
اي انا شو يلي مخليني مش حابة ادخل الجامعة ومش طايقيتها غير هيك
ولو يصحلي اضل بالمدرسة طووووول العمر ما بأخر

[نويد]

الجامعة تكون احلى طبعا بالالتزامات الشرعية الاسلامية .وخير الامور اوسطها لازم يكون الاساتذة مرحين في محاضراتهم لانه انجح الطريق للفهم وتعطي المجال والاستراحة للموخ .اما المواصلات فهي اصعب شي بالكلية ولازم يكون الطلاب حاضرين بكثير قبل موعد الدوام وهذا الحل بالنسبة لي.وشكرا

[مهند خليل]

الجامعة من اجمل السنوات اللي عشتها بحياتي انا لما كنت بالجامعة كنت ما مصدق و انا اخلص بس هلا بعد ما اشتغلت عم بتمنى يوم واحد بس يرجع عشان هيك استغلوا كل ثانية بالجامعة و استفيدوا و فيدوا غيركم

[المؤمنه]

اه على الجامعه ومشاكلها
انا جامعتي مختلطه مع اني كنت بتمنى ادخل جامعه غير مختلطه بس مافي عنا .كل الجامعات مختلطه.
بس عندي تعقيب على كلامك يا لايف هوب ان الجامعه لن تكون اجمل مراحل حياتي بل المدرسه هي من اجمل مراحل حياتي واصدقاء المدرسه هم اصدقاء العمر .
بالنسبه للمواصلات اكتير صعبه في ظل وجود الاحتلال الاسرائيلي خاصه للبنات.
وجزاك الله خيرا على طرح الموضوع

[همس المودة]

انا لحد الان ما وصلت الجامعة........وخفت منها بعد ما حكيتي اني رح لاقي صعوباااااااااااااااااااااات فيها:36_1_44:وشكراااااااااااا على الموضوع......
همس المودة :)