حفل جديد للفنان موسى وفرقة أوتار الأحد 27/4/2008

[MaNaR]

تـــتـــشـــــرف
كـلـيـة ومـدارس روضـة الـمـعـارف الأهـلـيـة
بـــدعـــوتــكـــم
لـحـضـور الـحـفـل الـذي سـيحـيـيـه الـفـنـان الـمـتـألـق
مـــــوســـــى مــــصــــطــفـــــى
وفــــرقــــة أوتــــــــــار
وذلك ضمن فعاليات الأسبوع الثقافي المقام في المدرسة
يوم الأحد الموافق 27 / 4 / ‏2008‏‏
الساعة الحادية عشرَ صباحاً,لمزيدِ من المعلومات الرجاء
الإتصال على الهواتف التالية : قسم العلاقات العامة
5528599 / 5528600 / 5528601 / 5528602‏
حــضــوركــم يــزيــدنــا بــهــجــةً وتــشــريــفــاً[/CENTER]

[اليمـــــامة]

واااااو

الله يسعدكن .. نفسي أحضره

^^

يسلمووو منار

:)

[ماسه]

يسلموووووووووووووو منار
اخدنا اجازة .. بلا شغل بلا هم و قرف
:36_3_11:

[بلسم فلسطين]

يااااااااااا الله
بالتوفيق ان شاء الله
و الف شكر اختي منار ع الخبر الحلو
و اكيد بدنا التغطية

[ياسمينة]

في التوفيق يا منشدنا الكبير و فرقة اوتار في التوفيق ان شاء الله
:)

[بنية الامجاد]

بالتوفيق

ننتظر التغطية

[عاشقة الاحلام]

وين هي المدرسة..؟؟ :36_1_24:
شكرا الك منار ع الخبرية الحلوة
وان شاء الله ازا عرفت وين بحاول اجي

[MaNaR]

شكرا لكم جميعا على المرور الطيب ويا أعضاء

المنتدى هذه دعوة خاصة لكم لحضور الحفل ومؤازرة الإمبراطور موسى مصطفى وفرقة أوتار

وواجبٌ عليكم جميعاً تلبية هذه الدعوة قدر المستطاع

أختي عاشقة الأحلام المدرسة تقع في منطقة خلدا وبإمكانكم الإتصال على الأرقام في الإعلان
وسيتم أعطاؤكم الوصف بالتفصيل ..

يا ويل إللي ما بيجي :36_6_7:

تقبلوا تحياتي :36_1_39:

[pink_rose]

طبعا كالعادة نحنا " متفرجين " و بـــــــــس ..

بس نحكي " نيالكن " ... :(:

^^

موفقيــــــــــــــــن يـــــــارب ..

:)

[ريتاج]

موفق ياامبراطور..:)

[life hope]

نيالك منار
احضري وصوريلنا

للاسف...امتحانات عنا:(:

يلا ان شاء الله تنبسطوا...ويسلمو ع الخبر

[ابنة القسام]

خبر حلو كتير يا أختي منار
بس إحنا يا خسارة ما بنقدر نحضرو :36_1_48:
ونستنى التغطية :36_1_1:

[*منة الله*]

ما شاء ما شاء الله
نتمنى التوفيق للمنشد موسى مصطفى
هنيئا لكم بهذه الاجواء الرائعة.
يا ريت لو فيه تغطية

[MaNaR]

شكراً جزيلاً لكم جميعاً نتمنى لو يستطيع الجميع الحضور

وبدنا دعواتكم وإن شاء الله ما رح نبخل عليكم بالتغطية :36_1_39:

[ولاء الوطن]

نياااااااااااالكن يا اهل الاردن
بنستنى التغطية بسررررررعة
:36_1_1:

[الفتى الذهبي]

بـتأكيد سأحضر اختي منار واتمنى ان اراكي انت وكل الاعضاء....

[سوار]

قهرة .... لشعلة الامل

امتحانات وبطيخ ......:36_6_9:

يا الله ع هيك حظ
طيب اتهني منار الله يكتر من الحفلات

وان شاء الله تكوني خلصتي مشروعك؟؟؟:)

سلامو

[MaNaR]

بـتأكيد سأحضر اختي منار واتمنى ان اراكي انت وكل الاعضاء....



حياك الله .. وأهلاً وسهلاً أنت وكل الأعضاء ..


:36_1_39:

[لحن الغربة]

يا الله نياااااااااااااااااااااااالكون
يا حسرة علينا احنا
لا مهرجانات ولا بطيخ:(:
كل المهرجانات اللي بتصير بالأردن احنا بنكون بالامارات :(: بس بنتفرج .. ويا ريت مباشر كمان ..تصوير
يالله أحسن من ولا شي
بننتظر التغطية أختي منار لا تطولي علينا

:36_1_48::36_1_38:

[MaNaR]

قهرة .... لشعلة الامل
امتحانات وبطيخ ......:36_6_9:
يا الله ع هيك حظ
طيب اتهني منار الله يكتر من الحفلات
وان شاء الله تكوني خلصتي مشروعك؟؟؟:)
سلامو



والله يوفقك بامتحاناتك يا رب والله حاولنا التوقيت

يكون غير بس ما زبط معنا .. :36_1_48: يلا إن شاء الله الجايات أكتر من الراحيات

:36_1_12: مشروعي هيني شغالة عليه بس بدنا دعواتكم :36_3_12:

[MaNaR]

يا الله نياااااااااااااااااااااااالكون
يا حسرة علينا احنا
لا مهرجانات ولا بطيخ:(:
كل المهرجانات اللي بتصير بالأردن احنا بنكون بالامارات :(: بس بنتفرج .. ويا ريت مباشر كمان ..تصوير
يالله أحسن من ولا شي
بننتظر التغطية أختي منار لا تطولي علينا

:36_1_48::36_1_38:


إن شاء الله خير أختي وكنا نتمنى حضور الجميع

للوقوف مع الإمبراطور ولكن أحياناً الظروف بتيجي غير .. بدنا دعواتكم وإن شاء الله بنغطي

الحفل وبتشوفو كلكم :36_1_39:

[بانوراما]

السلام عليكم

يا سلام عليك يا منار
ايوا هيك الشغل بالتوفيق يا رب
وان شاء الله يكون حفل نااااااااااااااااااااااااري
عشان الكل ينبسط

بعدين لايف هوب وشعلة الامل ...
بلا اتخوت بدنا نضحك على بعض اي بالاردن ما دام بدانا دوام اذا كل السنة امتحانات بخلص الاول ع التاني ع النهائي
يعني ما في نفس ... على هيك ما ابتحضرو اشي خلال 9 اشهر دوام
دبرو حالكم وادرسو قبل بمدة واحضروا الحفل ولو مدة بسيطة بس المشاركة ولا عدمها
:36_1_1:

يلا باتنظار الباقيين يسمعونا انهم جايين
تحية وتقدير

بانوراما
:36_1_39:

[سوزان]

كالعادة ننتظر التغطية

موفقين..


:36_1_1::36_1_1:

[عاشقة الياسمين]

بسم الله الرحمن الرحيم


يسلمو منار عالخبرية الحلوة

بالتوفيق والنجاح للفنان موسى وفرقة اوتار :36_1_11:

بس لا تنسو تغطو الحفل لانه ما بنقدر نحضر كالعادة :36_11_1:
تقبلي مروري

[MaNaR]

يا سلام عليك يا منار
ايوا هيك الشغل بالتوفيق يا رب
وان شاء الله يكون حفل نااااااااااااااااااااااااري
عشان الكل ينبسط

أيش حفل ناري :36_11_1: شو إحنا رايحيين نقلبها طخطخة , الله يهديك
يا بانوراما :36_15_24:
آآآآآآآآآآ آه لحظة فهمت عليك قصدك الحماس والتشجيع بدنا دعواتكم وإن شاء الله
إن شا الله بكون صاروخي مش بس ناااااااااااااااااااااااااااااااري :36_1_12:
بعدين لايف هوب وشعلة الامل ...
بلا اتخوت بدنا نضحك على بعض اي بالاردن ما دام بدانا دوام اذا كل السنة امتحانات بخلص الاول ع التاني ع النهائي
بالزبط إنتو التنتين بلا اتخوت وبتيجو أحسن ما :36_6_7:
ولاشي ولاشي بنتمنى تشريفكم
المشاركة ولا عدمها
واللهِ هذا أقصى ما نتمنى يا بانوراما :36_1_24:
يلا باتنظار الباقيين يسمعونا انهم جايين
بالزبط متل ما حكى أخونا بانوراما
يلا وين الباقيين :36_1_48: هي شباب .. بنات .. الفنان موسى وشباب أوتار بستاهلو
منا حماس أكبر من هيك وتشجيع ودعم أقوى من هيك .. يلا ورجونا همتكم :36_1_12:
تحية وتقدير
بانوراما
ولك مني أخي بانوراما كل التحية والتقدير على
هالتشجيع وإلاطلالة الحلوة هاي ولا تحرمنا منها , صراحةً كنا نتمنى وجودك في الحفل معنا , يلا
إن شاء الله خيرها بغيرها وأكيد الجايات لقدام مشكور خيو عالمرور الطيب.. :36_3_12:
وكل إللي جاي أحلى :36_1_11:

[وائل قطيع]

الله يسهل عليكم وويسرها

ويتم الحفل بأفضل شكل ان شاء الله

تحيه لكي أختي منار

[MaNaR]

الله يسهل عليكم وويسرها
ويتم الحفل بأفضل شكل ان شاء الله
تحيه لكي أختي منار



أخي وائل حياك الله وأسعدك حقيقةً كل مرور عطرٍ

لك بصفحةٍ من صفحاتي يزيدها ألقأً وإشراقاُ .. كنا نتمنى أن تكون بيننا ليزيد بك تشريفنا ولكن

أحياناً تكون الظروفُ خارج إرادتنا .. وإن شاء الله الجايات كتار .. لك كل دعوات التوفيق والسداد

ومشكور على المرور الزاهي .. حياك الله أخي ..

[MaNaR]

أخواتي الكريمات :


سوزان + عاشقة الياسمين = أحلى باقة ياسمين لكن ولكل أعضاء هالمنتدى وإإللي ما

بقدر يجي ما ينسانا من دعوات الخير والتوفيق .. مشكورين جميعا .. حياكم الله ..

[سوار]

:36_1_42::36_1_42::36_1_42:

بدكم تاكلوني

شو بلا اتخوت وما تخوت شايفيني بنط ولا بسرح وبمرح ومو راضية اروح
طيب شوفو
يوم السبت
تاني يوم عندي امتحان رياضيات (بنقول بسيطة رياضيات سهل ع شعلة)

مو المشكلة بالامتحان
عندي رحلة من 7 الصبح لـ 7 المسى
يعني اغيب عنها (بستنا فيها من السنة الماضية بفقع ازا ما رحت)

وعندي شغل لفوق راسي في البيت (هاي زيادة )
واخر شي عنا عزيمة

وبالنسبة لشيمو..
وضعها مستعصي انا ما بشوفها
ازا انتو بتشوفوها انا بشوفها

عندها كويز لاب وكويز ميديكال وامتحان بيو وامتحان اورجانك كلو بنفس الاسبوع

وبعدين منار تعي خديني بسيارتك من الرحلة وخدي شيمو من البيت بنيجي:):)

(هلا بتضربيني بتقولي بلا منك ومن جيتك)
:36_1_1::36_1_1::36_1_1:


ملاحظة::: منار لاتنسي تخبري شدا لانها يوم ما التقينا حكت انها بتيجي بس النت عندها ابصر مالو
فاكيد ما عرفت
عندك تلفونها صح؟؟

وسلامو وسامحيني بجد والله نفس اروح متت قهر

[ايمان]

بدنا تغطية يا جماعة :36_1_1:

لا تنسووووووووووووا

[AYMAN SYRIA]

بالتوفيق للفنان موسى مصطفى وفرقة اوتار

[*منة الله*]

اغلبية الاعضاء بالاردن ولا تكون هناك تغطية:36_6_8:
يالله فين الهمة يا شباب من منكم سيقوم بالتغطية:confused:
اتمنى لكم كل التوفيق

[ابنة القسام]

إن شاء الله رح يكون هناك تغطية
ولا شو

[ضوء القمر]

بنسبه الي انا عندي امتحان
برمجه vb

فمارح اقدر اغطي الحفله

دبرووووووووووووا حالكم

[*دفء النسيم*]

السلامـ عليكمـ .....

بالتوفبق أخواتي الكريمات...

أتمنى لكن حضور متميز وتغطية موفقة...

والله أنا أغبطكن على هذا الحظ الراااااااااااااااااااائع لأنو أنا ما بقدر آجي لأنه أنا من فلسطين من

غزة المحاصرة لكن لعله خير ان شاء الله.....

بالمناسبة:: الامبراطور موسى وعدنا ان شاء الله في أي فرصة تسنح له بالإتيان إلى غزة سوف يكون

وبدوووووون أدنى تردد....

لكن أوصيكم أدعولنا كتييييييييير كتييييييييييير...

بالتــــــــوفـيـــــــق..............

[شيماء شامية]

:36_1_38: :36_1_38:

للأسف بكون بالجامعه عندي أمتحان

يلا بنشوف التغطيه

مشكورين على الخبر :36_1_13:

[عاشقة الاحلام]

شكرا لكم جميعا على المرور الطيب ويا أعضاء
المنتدى هذه دعوة خاصة لكم لحضور الحفل ومؤازرة الإمبراطور موسى مصطفى وفرقة أوتار
وواجبٌ عليكم جميعاً تلبية هذه الدعوة قدر المستطاع
أختي عاشقة الأحلام المدرسة تقع في منطقة خلدا وبإمكانكم الإتصال على الأرقام في الإعلان
وسيتم أعطاؤكم الوصف بالتفصيل ..
يا ويل إللي ما بيجي :36_6_7:
تقبلوا تحياتي :36_1_39:


شكرا الك اختي منار

وان شاء الله بتواجد باذن الله

سلامي لك:36_1_39:

[مسلمة وأعتز]

يا الله نفسي احضرها للحفلة بس انا في لبنان
اتمنى من منشدي المفضل ان يقيم حفلة في لبنان
وننتظر التغطية بإذن الله تعالى
أخي إحسان رمضان الصيف قلوبنا معكم ,ربي يفك أسركم يشفي مرضاكم ويبدل خوفكم امنا
أنه على كل شيئ قدير

[أبو الياسين]

وأنا كيف أحضره
بينعرضش على التلفاز؟

[MaNaR]

اغلبية الاعضاء بالاردن ولا تكون هناك تغطية:36_6_8:
يالله فين الهمة يا شباب من منكم سيقوم بالتغطية:confused:
اتمنى لكم كل التوفيق




حياكِ الله أختي وشكراً لكل من مروا يالإعلان وبدنا نطمنكم عالاكيد في تغطية إن شاء الله

ولو تكرموا مش معقول رح نبخل عليكم بالتغطية وبدنا دعواتكم

[MaNaR]

بالتوفيق للفنان موسى مصطفى وفرقة اوتار




لك جزيل شكري أخي أيمن عالمرور الحلو .. وطبعاً إن شاء الله على موعدنا ..

[MaNaR]

بنسبه الي انا عندي امتحان
برمجه vb
فمارح اقدر اغطي الحفله
دبرووووووووووووا حالكم





أخي ضو المنتدى مش مشكلة المهم إضل ريلاكس وتدرس وتركز بامتحانك وعند

العلامة بنتواجه طيب , بدنا علامة كاملة طيب كاملة .. دعواتنا إلك الله يوفئك ..





دبرووووووووووووا حالكم ..

دبرنا حالنا وحياتك دبررررررررررررررررنا .. ولو منار أنا ..

[عاشقة الاحلام]

يا خسارة بابا مو فاضي
فيعني ما راح روح
للمرة الجاي ان شاء الله
و بشكرك اختي منار مرة تانية

[raed73]

والله نفسي أحضره بس أنا مابقدر آجي لأني في غزة الحصار ان شاء الله بجي يوم و بتنشد بعيد النصر و التحرير على أرض فلسطين الحبيبة

[Shada]

السلام عليكم...
مشكورة منورة عالموضوع والدعوة..

انا ما بعرف احتمال ما أجي لانو عندي امتحان عال 11

بس بحاول اطلع منو بدري وآجي عالحفل..
وبلا محاضرات بلا بطيخ...

هههههههههههههه..

تحياتي يا عسل...
shada..

[النورس السعيد]

اخخخخخخخخخخخخخخ

نيالكم يا عمي

والله نيالكم كنت ناوي اسافر بس للاسف ما زبطت

بس لا تنسونا من التغطية ع الاقل

تحيتي

[يمـان ديـّـن]

اهلا وسهلا بكل الاحبة الذين سيحضرونا غدا .. فحفل اوتار لن يكتمل الا بوجود
جميع احبة اوتار... موعدنا غدا بعون الله في الحادية عشر صباحا في ساحة كلية
المعارف - خلدا .... دعواتكم ...

والي بده يجي بكير قبل ال11 ... اهلا وسهلا يجي رح نشغله معنا
وخاصه اذا انا ما قدرت اترك حصصي وابلش معكم من الاول ...
وعقولة واحد: ليش هو رح يضل طلاب عندك بالصفوف .. كله رح يفل .....

[MaNaR]

أختي عاشقة الأحلام .. رائد .. النورس المجروح ..

كنا نتمنى وجودكم بيننا ولكن دعواتكم ستكون حاضرةً معنا بالتأكيد .. حياكم الله وشكرا للمرور

الطيب .. وإن شا الله الجايات أكتر من الرايحات ..

[قلب سوريا]

له له ..

الا يعني بكرا ع الساعة 11

ايه اصلا انا عندي موعدين ع الساعة 11 لهلأ ما بعرف شو بدي اعمل ..

ادعولي ..

[عاشقة الياسمين]

عم نستنى التغطية لا طولو علينا

منار مهمتك هاي بدنا نشوف ابداعك


بالتوفق نشاء الله

[لحن الغربة]

شو كيف المهرجان اليوم ؟

مين حضرو ؟

اللي حضرو يحكيلنا بسرعة كيف كان المهرجان ؟:36_6_7:

[رماد عاشقة]

انا ماريا مكارم من لبنان التعيس بقولكم يا اهل الاردن نيال قلبكم
لانكم رح تشوفو الامبراطور عقبال عندي انشالله
على كل حال
نرجو من الفنان العظيم موسى مصطفى انو يعمل حفلة بلبنان
لنشوفو
و السلام عليكم و رحمة الله وبركاته:36_1_29::36_1_48:

[وائل قطيع]

بشرينا اختي منار كيف كان الحفل ؟؟؟؟؟

[قاهرة الأعداء]

والله نفسي أكثيـــــــــــــــر أحضره بس أنا في غزة والأحوال مدهورة

[قاهرة الأعداء]

كيف المهرجان أنا متأكدة إنه بيجنن مادام المنشد موسى مصطفى فيه واللي حضره يلا بسرعة يحكيلنا عنه

[احمد ابو النور]

السلام عليكم جميعا
ممكن اعرف اذا بدكوا تنزلوا مقاطع فيديو للحفل الذي احياه الفنان موسى امس

[لحن الغربة]

هلأ ما بدكو تحكولنا شو صار بالحفل مبارح ولا شو ؟
:36_1_28:

[النورس السعيد]

شو صار يا عالم

ما بدكم تحطو التغطية ولا شو ؟؟

[احمد ابو النور]

السلام عليكم ورحمة الله وبركاته :-
بدي اطلب منك طلب بالله عليكم بدي اميل الفنان موسى مصطفى اذا بتعزوا الفنان موسى

[أحمد أبازيد]

اهلا بالجميع
كان البارحة لقاء رائع مع الفنان موسى مصطفى واداء اروع واناشيد اكثر روعه
في مدارس المعارف
كان تفاعل كبير وجميل وسيقوم الاخوة بتنزيل تغطيه عن هذا الحفل ننتظره قريبا

[الضباب]

مشكووووووووووووووره على الخبر
وأتمنى التوفيق لإمبراطور في المهرجان
وإن شاء الله تكون التغطيه متواجده

[الملاك الطاهر]

هلء دايما عندكون إحتفالات

يا عمي رح اترك لبنان بعد شوي :36_1_1:

[نجوم الحياة]

موفقين ان شاء الله

منور لا تنسي بدنا التغطية

ومشكورة على الخبرية

[قاهرة الأعداء]

أنا في البكالورية والأمتحانات على الأبواب أرجوا من الجميع الدعاء من القلب

[ذاكرة الليل]

السلام عليكم
الله يوفقوا لمنشدنا
ننتظر الصور ولفيديو
لانه لا يمكننا لحضور

[نوار يحيى]

مشكوور كتير على الخبر هادا وكان نفسنا نحضره

[ماسه]

التغطية باذن الله انها ممتازة جدا
الفيديو و الصور رح يعجبوكم انا متاكدة
بالاضافة لمفاجأة لكل اعضاء المنتدى كانت بالحفل
بتمنى انها تعجبكم
انتظرووووووووونا
ما رح نتاخر
:36_1_1::36_1_1::36_1_1:

[النورس السعيد]

التغطية باذن الله انها ممتازة جدا
الفيديو و الصور رح يعجبوكم انا متاكدة
بالاضافة لمفاجأة لكل اعضاء المنتدى كانت بالحفل
بتمنى انها تعجبكم
انتظرووووووووونا
ما رح نتاخر
:36_1_1::36_1_1::36_1_1:


والله الصراحة طمنتيني يا ماسه

بس انت بتعرفي كم انا متضايق ؟لأني ما شفت مهرجانات للامبراطور

فلذلك الله يخليك خلي التغطية ممتازة لحتى نقدر نقول انها اشفت الغليل

[pink_rose]

حلووو يا ماسه

معناها منستنى التغطية ....^^

[فرسان الخير]

طيب اللي في المملكة العربية السعودية
كيف يشوفوا الحفل
هل ينقل على فضائية معينه

[سقى من زمزم]

السلام عليكم
بالتوفيق الى اعظم منشد
وشكرا

[السهالة]

كنت اتمنى ان احضر معاكم لكم فاتنا الموعد للاسف

[شمعة الامل]

[quote=manar;220910]شكرا لكم جميعا على المرور الطيب ويا أعضاء

المنتدى هذه دعوة خاصة لكم لحضور الحفل ومؤازرة الإمبراطور موسى مصطفى وفرقة أوتار

وواجبٌ عليكم جميعاً تلبية هذه الدعوة قدر المستطاع

يا ويل إللي ما بيجي :36_6_7:

انا اول وحدة باجي اكييييييد مباشرة بترك المدرسة ومباشرة بطلع من فلسطين يعني!!!!نيالكم يا صبايا رح تشوفو الامبراطور على الطبيعة :36_1_48:....شو رأيكم تاخدوني او تجيبو الامبراطور يومين على فلسطين ههههههههه
شكرا الك اختي على الخبر بدنا التغطية...
دعواتكم..اختكم المحبة....شمعة الامل

[MaNaR]

السلام عليكم

أخوتي وأخواتي أعضاء هذا المنتدى الغالي تحية طيبة لكم جميعاً وأعتذر عن انقطاعي عن المنتدى ولكن مهما طال ليل الغياب لابد من أن يرجعنا نسيم الشوق إلى ديارٍ ألفناها.. وصحبةٍ أحببناها .. ورفقةٍ أنسنا بها وعشقناها ..


إخوتي وأخواتي :

لكم مني جزيل شكري وتقديري وعرفاني على مروركم الطيب , وردودكم الرائعة , وتفاعلكم وحماسكم النبيل لصاحب هذه الديار لمضيفنا الذي فتح الباب مشرعاً لكل عاشقٍ للكلمةِ الطيبةِ واللحن الجميل والفن الراقي .. إمبراطورنا مــــوســــى مــصـــطـــفـــــى

كنا نتمنى حضوركم جميعاً لتكمل فرحتنا وسعادتنا بلقاء إمبراطورنا يشدو من أروع وأعذب ما غنى وأنشد ولكن هي الظروف أحياناً تقف في طريقنا , وتضطرنا إلى الإنصياع لها رغماً عنا فما باليد حيلة .. لكم مني كل الشكر على مشاعركم الصادقة الطيبة ودعواتكم بنجاح الحفل فقد كان حفلاً جميلاً لا يقلُ روعةً عن حفلات الإمبراطور الرائعة .. لن أطيل عليكم وسنوافيكم بالتغطية قريباً ونتمنى أن تنال إعجابكم وننتظر روددكم .. حياكم الله وأسعدكم وبارك فيكم جميعاً ودمتم أخوةً وأخوات تستنير بكم شموع هذا المنتدى ودام هذا المنتدى وبارك الله في الجميع .. وأسمحوا لي ختاماً أن أتقدم بجزيل الشكر والتقدير والعرفان للفنان موسى مصطفى وفرقة أوتار على تلبيتهم دعوتنا وتشريفم لنا, وجزيل الشكر للأخ ضوء القمر والأخ أيمن من اللجنة الإعلامية والمشرفة المتألقة ماسه على جهودهم المباركة الطيبة ...



أختكم منار