الموضوع ليس موضوع يأس.... ولاكن......

[جريح الاسلام]

ايام تأتي وايام تذهب حزن وضيق لا تسألوني من اين لك هذا الحزن لو كنت اعرف لما كان هذا حالي ولكن حالي هو حالي هو امر مجهول حياتي كلها جهل اعرف انكم سوف تقولون (مجنون) ولكن دعوني اكتب وانفس عن نفسي حتى ولو لم تعطوني ردود

لا اعرف ما الذي يزعجني هل هي تعقيدات الحياة ام هي نفسي البشرية العادية لا اعرف ما الذي يحصل لي فكل ايامي حزن واقسم لا اعرف لماذا

ما الذي يقلقني لا اعرف ما الذي يجعلني هادئ ولا اصرخ لا اعرف ايضا


فأذا عرفتم اخبروني واقسم بربي انتم ايضا لن تعرفوا

اذا هي الحياة جبرتني على كل شئ لم يكن لي اي خيار في قبول او رفض اي شئ بها

افكر وافكر ولم اصل لحل

اليوم هو اليوم وغدا هو الغد واليوم الماضي

انا لا افهم نفسي ابدا لا اتقبلها ايضا

الاخطاء تتكرر رغم اني اعد نفسي بعدم تكرارها

حياتي باهته ايامي ممله حتى اني احس بنفسي الى الوراء

هل انا مخطئ ام ماذا ؟ هل انا مجنون؟ نعم انا مجنون
سوف ترون موضوعي وسوف تقولون( مجنون)

فهل انا كذلك ام ماذا؟


تقبلو احتراماتي
اخوكم
محمد



لاكن ارجو الرد علي الموضوع بطيبة ومن قلب
ولا تحقدو وتقولو جنون...
.........

[سنا البراري]

السلام عليكم ورحمة الله وبركاته
أولا أخي لن أقول عنك مجنون أبدا :36_1_30:
وأنا أرد دائما بطيبة قلب وليس بقلبي شيء من موضوعك
فموضوعك ليس بالسهل وهو مهم وضروري
لأن الاغلب من البشر يمرون بهكذا أمور

الملل والحزن والأسى ويظن الانسان أنه وحده الذي يمر بهذه الاشياء وانه مجنون وغيرها من الصفات
أخي ابتسم للحياة وحتى للمشاكل يكن قلبك مطمئنا بإذن الله
كن مع الله في أي وقت تشعر بالسعادة الحقيقية
الصلاة وقراءة القرآن والاذكار
أنا اعرف ان هذه الاشياء الكل سيقولها لك
لكن أقول لك أيضا انني قد جربتها فاطمأنت نفسي وأصبحت حلاوة الايمان مركز حياتي
السعادة الحقيقة أن يحبك الله :36_1_1:
بأن ترضي الله في كل أفعالك وأقوالك وصفاتك
الاحترام والصدق والمودة والاخاء وطاعة الله والوالدين قبل كل شيء
أحيانا الانسان يحس بأن قلبه مليء بالاحزان حتى يظن نفسه بأن المنية ستلاقيه في أي وقت
لكن مع التفكير السليم والمنطقي وأن الصبر مفتاح الفرج تهون كل المصائب وأصعب المصائب

يحميك الله أخي من كل شر ومن كل سوء ووفقك للخير دائما

[بنية الامجاد]

اخي الكريم هذا ليس جنونا وليس هوسا وانما الم وجرح يعانيه الكثير منا وذلك بسبب الضغوطات التي نعيشها وبسبب التطورات الفكرية والتكنولوجية التي تواكبها ايامنا
فمن منا من لم يمر عليه يوم صعب ومن منا لا يحمل جروحا وهموما في قلبه ومن منا لم يذق طعم المر والعلقم من الناس المحيطين به.
اخي هذا حالنا جميعا لذلك علينا اللجوء الى الله والدعاء الى الله والعمل بما يرضيه وحتما سنكون سعداء بذلك ومن رضي عن حياته حتى وان كانت تحمل المآسي فالثقة بالله والتوكل على الله والقرب منه حتما سيجعلنا متفائلين راضين سعداء بما نمر به.
ولننسى الماضي حتى وان لم نستطع فلنحاول ولننسى المستقبل ولا نفكر به لانه مجهول ولا احد يعلم ما فيه غير الله جل شانه.
بل عش بحدود يومك وخطط لاهداف تتمناها وحاول القيام بتخطيط لنفس اليوم
فلا بد لليل ان ينجلى ولا بد لنور الشمس ان يسطع
فلنكن متفائلين راضين واثقين بالله
وما دام الله ربنا فلماذا الحزن والجزع فنحن مؤمنين بما يحل علينا

بالنهاية اسال الله ان يجعل ايامك سعادة وهناء وان يحقق الله لك ما تتمناه وان يبدل حزنك بالفرح والامل

دمت بخير
تقبل مروري

[ليليان زهرة سورية]

والله العظيم أنا نفسك..نفسك تماماً يا محمد وبعاني نفس الشي وما بلائي حدة يئدر...
هاد اسمو اكتئاب ..
أنا من جهتي لما بشوف الانحدار بالدين لوين وصل وبشوف صور النساء الفاجرات بالطرق العامة بدون حياء وبشوف أسماء المطربين القذرين على السنة الناس والغيبة والنميمة وعدم المبالاة بامور المسلمين مثل فلسطين والعراق وأفغانستان والشيشان بصير فيني اكتئاب وبنفجر من الغيظ ...
أحياناً كمان بحس أنو مالي دور بالحياة يعني بتمنى لو كنت مشهورة لو أحسن غير شي أو أعمل أي شيء يفيد أو حتى يضر ...المهم بدي كون شيء ما بحس حالي تافهة ورح موت من دون ماحدة يهتم ...
أنا ما عندي حل ...بس حبيت أحكيلك لحتى ما تشعر أنك الوحيد أو أنو ماحدة مئدرك ...وأنا كمان حبيت فش قهري شوي ......كمان أنا بيئلولي ليش كل هالشي متشاءمة ..بكرة بتشوفي هالدنيا ما أحلااااااها وبتتزوجي وبصير عندك ولاد والله كلمة ماما بتسوى الدنيا...
هوووووووووووف:36_1_29:
ايمت بدي أخلص من سماع هالكلام السخيف ؟؟؟شو بدي شوف من جمال الدنيا لسة؟ليتوفوا أهلي الباقين بعد ما فقدت أحب واحد على قلبي بطريقة شنيعة صح شهيد الحمد لله وكتير مبسوطة أنو شهيد ودائماً بزورني بس بموت من الشوق والشوق نار كاوية ....
ولا ليطلعي زوج كل يوم يعيط فيني ويضربني متل كل هالرجال ،وحتى لو كان ما كل الرجال هيك ،شو بيضمنلي ما يكون زوجي هيك ...خاصة لوحدة متنمرة ولئيمة وعصبية وما بتحمل حدة يجرحني بنص حرف
وبدك الصراحة كل الناس بتئلي قرأي قرآن وهيك ..أنا القرأن كتابي وهو حبيبي بس عنجد نهائياً ما أستفيد لما اقرأ وأحياناً بنزعج لما بقرأ آيات عن النساء وهيك شغلات ..بتزيدني اكتئاب شوي ...وأنا على فكرة ما بقرأ قرآن نهائياً غير أحياناً الجمعة سورة الكهف ....
ما بعرف يمكن لأنو دائماً بحلم أحلام خيالية من المستحيل تتحقق وبكتشف أنها مارح تتحقق لأنها مو لأمثالي ..بتحبط وبكتئب ...
أنا مئدرتك تماماً خصوصاً إني متلك بس بتعرف انبسطت شوي إني مو الوحيدة اللي حاسة حالها مجنونة هههه
آسفة كتير على الإطالة كتبتلك جريدة بس أنا كمان بدي فش خلق ..شو يعني بس أنت؟؟؟
ملاحظة بس اكتب لكن مو لاكن ..خطأ الألف (لحتى ما تاكل علقة ساخنة من أحمد أبو العربي)ههه:36_1_1:

[الحياة أمل]

أعزائي جريح الاسلام وليليان اقدر مشاعركم وماتحسونه والرائع في الامر انكم تستطيعون تفريغ مابداخلكم فكم من البشر لايستطيعون التعبير او حتى اخراج همومهم
اولا ليليان حبيبتي هذا مو اكتئاب ولاقدر الله لان الاكتئاب حاله صعبه جدا اصعب مما تتخيلين
ولا حتى جنون لكن هذا هو اليأس بعينه
الروتين الدائم والرتابه والمؤثرات الخارجيه في عالمنا الجريح والرسائل السلبيه
والالم امتنا ومصائبا و000و0000و 000الخ
اشياء كثيره قد تؤثر على مشاعرنا وحالتنا النفسيه وحتى طريقه التفكير
الشي المهم الذي اريد ان تعرفاه ان الامل هو نور الحياه وهذا مانحتاجه دائما لنواصل مسيرتنا في الحياه بكل صبر وكفاح ومواجهه للعثرات والصعوبات دون ان نتاثر او يصيبنا الياس من الحياه
الامل هو ان نشعر ان الحياه رائعه وانها بخير رغم الالم
الامل ان نستطيع الابتسام رغم الدموع
ابحثا عن الامل في الاعماق فهو موجود في نفس الانسان كفطره انسانيه
الشي الثااني المهم:الهدف ماهو هدفي في حياتي لماذا اعيش
ما الذي يجعلني اتحمل مشاق الحياه وصعوبتها
ماهو الدافع لذلك
ان الحياه دون هدف واضح ومحدد ممله وكئيبه بل ميته فلنتاكد ان اهدافناموجوده سليمه فهي المحرك الاساسي لنا
فكرا ربما هناك جانب في حياتنكما يحتاج للتغير واعادة النظر فيه
ويقال كن جميلا ترى الوجود جميلا فالبدايه هي من الاعماق

اخيرا من المستحيل ان نجد السعاده والراحه الحقيقه ونحن بعيدين عن الحبيب الرحيم المعين
فلا حياه بدون حبه وطاعته والقرب منه وذلك بالصلاه والنوافل والدعاء وقراءه القران وكل مايحبه المواى ويرضاه
وفقكما الله واسعدكما وانار حياتكما بنوره

[جريح الاسلام]

اول شي بتشكركم انكم رديتو علي موضوعي هاد ... لاني ما كنت متوقع انكو تردو بهيك شي
تاني شي انا الحمد لله مو بعيد عن ربي وديني الحمد لله بصلي وبدعي ربي انو يرضا عني واحيانيا بقوم الليل بتذكر اخطائى وبدعي ربي انو يغفر الي ....
بعدين انا زي ما حكيتو انو ما الي اهداف بالحياة اهدافي واضحة واهدافي انا كل واحد بتمناها
النجاح والتوفيق بالدنيا ورضا الله
واهم شي انو الواحد يكونو والدية راضيين علية والحمد لله
يعني انا عندي طموحاة وعندي امل بالشياء كتيرة بالحياة اني احققها وانجزها وانا ببداية طريقي ان شاء الله اني احقق بعض اهدافي لاكن ...
ما بعرف كيف الحزن دايما براودني بحب اكون وحيد حتي احيانا ما بحب اكلم حد او انا اتكلم لاني طبيعتي انا هادي كتير احيانا بنزعج كتير ويا لطيف علي لما حد يزعجني
هههههههه
يمكن تضحكو علي من هيك شي ..... يلا مسامحين...
بتشكركم كتير
تقبلو تحياتي
اخوكم
محمد

[ليليان زهرة سورية]

أنا من جهتي قرات لأحد الأطباء أنو الإنسان إذا نام تسع ساعات واستيقظ مزعوج فمعناها هو مكتئب وهذا اكتئاب بس للاكتئاب درجات يعني في شي أسؤا من شي ..
أنا ما بعرف ما بلائي إلا المصايب عم تجينا من كل طرف والحقيقة كلها من ورا سمعتنا بالمنطقة أنو متدينين بس بإذن الله نأمل أنو الله يآجرنا على مصيبتنا ...
من يومين اجتنا مصيبة جديدة وما خلصت لهلأ ...
فمن وين بدو يجيني التفاؤل ؟؟

[جريح الاسلام]

اختي ليليان متل ما بحكو الحياة امل
...
يعني انا صح اني حزين وكتير باياس وما بضن انو في حد عندو ياس وحزن متلي
لاني طول وقتي بكون حزين ما بعرف حتي هلا وانا بكتب حزين ما بعرف لي اكتئاب او افكار متشتته
لاكن مهما يكون بضل عندي امل كبير باشياء بفكر انها مستحيل اني احققها او اوصل الها
ما بعرف لاكن بيض

[جريح الاسلام]

اختي ليليان متل ما بحكو الحياة امل
...
يعني انا صح اني حزين وكتير باياس وما بضن انو في حد عندو ياس وحزن متلي
لاني طول وقتي بكون حزين ما بعرف حتي هلا وانا بكتب حزين ما بعرف لي اكتئاب او افكار متشتته
لاكن مهما يكون بضل عندي امل كبير باشياء بفكر انها مستحيل اني احققها او اوصل الها
ما بعرف لاكن بيضزن بغلب الامل باشياء كتير

[النورس السعيد]

ملاحظة بس اكتب لكن مو لاكن ..خطأ الألف (لحتى ما تاكل علقة ساخنة من أحمد أبو العربي)ههه

خخخخخخخخخخخخخ

منيح انك صححتيه لأني كنت قعلا ناويله ع علقة مرتبه

ع كل حال

ماني عارف شو بدي احكيلك يا محمد

هو انا وانت متطابقان تماما تقريبا

حزن يخيم .. أسى يسيطر .. وبأس عظيم

صراحة كل حياتي حزن وخليك كتلي لا تبحث عن حلول

انا لا ابحث عن التفاؤل كثيرا رغم انني أحاوله

إلا انني فشلت في ذلك

انا هنا لن افيدك في شيء لأنني مثلك تماما يا طيب

فدعنا من هالمشاكل ودع احزاننا تسيطر علينا

فربما يفرجها رب العباد عنا

لك مني أجمل تحيه

أحمد

[جريح الاسلام]

مشكور اخي احمد انتا هيك ما خليت بيني شي
لاني فعلا مو عارف وين انا وباي طريق
لكن لازم الواحد يفرغ الي بقلبو ما ينفجر او حتي يضل متكتم علي نفسو
لاكن هذة هي الحياة احزان ودموع
فيا ليت انها تكون تستحق انا نحزن ونتالم
لكن لا اعرف
ما بالي هذا اليوم..

لما الدموع لا تفارقني..

اهل هو شعور حزين..

ام دموووع خارجه عن ارادتي..
تحياتي لكم
اخوكم
محمد

[ليليان زهرة سورية]

أنا كلمة التفاؤل صارت تستفزني .....
وكلمة لاكن بالألف كمان صارت تستفزني
هههه
امانة يا أحمد بدو علقة مرتبة ما عم يغيرها ما عم يسمع الكلمة ..
بوصيك بس رحت على الجامعة تورجيه نجوم الظهر...
ما تزعل اخي محمد لمصلحتك بتعرف أنت

[جريح الاسلام]

مشكورة اختي ليليان
لاكن
ههههههههههه
هيك
لكن
يلا
بما انو احمد بدرس عربي لالكن علي فكرة احمد لما يسمع بدرس تاريخ ولا جغرافيا
هههههههههه
بصير يطنب علي شو هاد يا محمد شو محببك بهالشي تدرس تاريخ وجغرافيا
ههههههههههه
لكن ايش هاد العلكة من وين جبتوها ايش قصتها...

[ليليان زهرة سورية]

(لكن ايش هاد العلكة من وين جبتوها ايش قصتها)
ما فهمت شو يعني ؟؟؟

[جريح الاسلام]

ايش تسالي لالي شو قصة العلكة هاد
ايش بعرفني
من عندكم هاد مو من عندي

[ليليان زهرة سورية]

هووووف ما فهمت أنا ما جبت سيرة العلكة
بعرف العلكة هي هاي الشغلة اللي بحطها بتمي وبنفخ فيها وبتنفجر لحتى تعصب نانتي
ليكون بتأصد العلقة ؟؟؟
هاي معناها (قتلة مرتبة) من قبل أحمد ههههههههه
بمزح طبعاً