المساعد الشخصي الرقمي

مشاهدة النسخة كاملة : لكتب عوراق الشجر ... همسات في مشكله

همسات
05-06-2008, 09:41 PM
يا جماعه أمي مسافره على قطر وأبي هالمسكين طول نهاره
عم يسمع أغاني (( لكتب عوراق الشجر سافر حبيبي وهجر))

يعني والله الحجي تبعنا عايش مراهقتو هاليومين

وصاير عم يطبخ ويرتب البيت هالمسكين وأنا بكون بشغلي وما بحسن أساعدوا

والله طبخلنا هديك المره شاكريه ورز والله شي
بشهي وعملنا مربى الكرز وبرك ساعتين منشان يطالع العجو من الكرز

والله بصراحة قطعه..

دعواتكن..:36_11_6:

همسات...
همس الطبيعه
05-06-2008, 10:29 PM
وبرك ساعتين منشان يطالع العجو من الكرز

:36_1_1:

شو هالمشكله العويصه ؟!!

طيب ما عندك اخوات بنات يساعدو !!

:)

طيب ومال الاكل الجاهز !!

توفير وقت وجهد

لامتى امكـ ضايله بقطر ؟؟
سوار
05-06-2008, 10:42 PM
في شي اسمو
Kfc

:)
همس الطبيعه
05-06-2008, 10:47 PM
شعلول !!

شو يعني

:confused:
همسات
05-06-2008, 10:49 PM
هههههههههههههههه
همس
أبي حابب يضل بالمطبخ على الاطلال
أختي عندا توجيهي

شعله بيك بدك ياني اكل من الkfc
ما أنا ابن فرير
الفلافل طيب وصابر وراضي..

همسات...
سمية اسلام
05-06-2008, 10:52 PM
هههه
الله يعينك على هاي المشكلة


أختك
سمية اسلام
طنطاوية
05-06-2008, 10:59 PM
والله ... الله يعين أبوك عليك:36_1_29:

وبلا ما تداوم خيو ...

بس بتعرف

هاي لازم تنكتب عجذوع الشجر مو ع وراقو مشان تضل اكتر:36_1_1:

بعدين نيالك ع هالاب .. شو بدك احلى من هيك ؟؟ والله ناس بطرانه >>> بجد ما عم امزح

بلغو سلامي :36_1_1:
سوار
05-06-2008, 10:59 PM
شعلول !!

شو يعني

يعني مطعم بحبو وخاصة شي اسمو"مطافي"
تعي عنا بعزمك عليه.... بس ع حسابك:36_1_1:

همسات الله يعينكم
انا مجربة غيبة الامـ
بس عم بمزح...
همسات
05-06-2008, 11:11 PM
أهلا سمية الاسلام شكرا لمشاركتك..

طنطاوية بدك اترك الشغل بتعطيني مصروفي
وحق دراستي بالجامعه وحق الغدا بالkfc عقولة شعله:36_1_42:

بعدين شايفك وقفتي مع ابوي وتركتيني لحالي..

والله معك حق يا شعلة البيت بلا ام مصيبه..

همسات...
ليليان زهرة سورية
05-06-2008, 11:21 PM
يا سلام يا همسات ..
ياترى شو قرابة أبي لأبوك ..
كمان بابا عايش مراهقتو وقالب على قنوات الزواج ..
ياخيو شو قصة الكبار ما بعرف ...
أنت من سورية ؟؟لانو كلمة شاكرية ما بتطلع من مين من كان :confused:
شو معناه توقيعك ؟؟؟؟يعني لمين؟
ريحانة الرسالة
06-06-2008, 02:57 AM
ههههههههههههههه
ماذا اقول لك اخي مشكلتك عويصة نوعا ما و الحل ليس بيدك ولا بيد ابيك


الحل يتجلى في عودة الوالدة سالمة غانمة من قطر
الله يرجعها بالسلامة




















ههههههههههههههههه
كنت احسب ان هناك مشكلة عادي اخي طبيخ الرجال بالغالب بيكون حلو كثييييييييييييييييير
وسيب ابوك يعيش مراهقتو انت شو دخلك لما تصير قدو رح تعمل مثلو

يا لطيف شو هالشباب بيحسدو ابهاتهم

عندي فكرة ريح ابوك واطبخ انت بالليل مو عندك دوام بهذا الوقت:36_1_1:





موفق اخي انت وكل اسرتك
والله يحفظكم
شو خليت لنا احنا البنات لما بتسافر امهاتنا و نتحارب مع المطبخ و ماخارج المطبخ يييييييي
وبالنجاح لاختك اللي بالتوجيهي








ليليان شو كل ما يقول شخص اللي عندو بتقولي وانا كمان...بطلي هالعادة خخخخخخخخخخخخخ بمزح
ليكون ابوكي ناويلو على زيجة ثانية مشان هيك متتبع لقناة زواج
ولما يغني ابوكم ردو من وراهم


بالتوفيق للجميع
همسات
06-06-2008, 04:14 PM
شو ست ليليان عم تسئلي اسئله :36_11_8:صعبه
أنا من سوريا طبعا ابوي من الكلاسه وامي من حي المشارقه.. بتعرفيون؟؟

اما ريحانه ردك من الاخر
بدك ياني اطبخ:36_1_13::36_1_13:

والله يا ريحانه جديد تعلمت اقلي بيض لاني سكنت لحالي
والله وكيلك ما عم اكل غير معلبات وبيض
مو عرفان ايمتى الله بدو يفتحا علينا
وتجي شي وحده تطمس فيني وتخطفني من اهلي وتتجوزني...:36_1_42:

مشكوره على الرد الرائع..

همسات...
بنية الامجاد
06-06-2008, 07:27 PM
الله يعينو ابوك يا حرام
بعدين امك كانت لازم توخذو معها حرام تتركو بالبيت لحالو
بعدين انت حضرتك ما تساعدو وبلا تعليم وبلا بطيخ لحتى الله يفرجها على ابوك وتيجي امك

مشكلة عويصة ألبي مع ابوك
:36_1_44::36_1_48::36_1_44::36_1_48:
اليمـــــامة
06-06-2008, 08:04 PM
ــهههههههــ

بتعرف شو يا همسات ..

الصيفية الماضية ..سافرت ماما ع قطر .. زيارة
وتركتني أنا وأختي وبابا وأخي الكبير .. أوك

يا سيدي هادا بابا كان يطلع من الصبح وما يرجع للمسا ..
وين يروح ما نعرف .. يمكن كان عميراهق من ورانا ـــخخــ

المهم .. بصفتي الأخت الصغرى .. ما كان علي أعمل شي ..
كانت أختي الكبيرة تطبخ .. بس شو تطبخ كل أسبوع تطبخ مرة..

وقضينا الصيفية كلها ناكل " مكدوس " وبطاطا مقلية أنا وأخي ..
بس الحمد لله مضيت على خير .. ورجعت ماما وفرجــــــــــــت ..

××××

بقى يا سيد همسات احمد ربك أنه أبوك عميطبخ ..
وخليه يسمع لكتب ع وراق الشجر .. شو بدك فيه ..

ولا يعني غيران منه .. ما عندك حدا تغنيله ــخخخــ... !!
دير بالك عليه وع أختك .. وارتكه يراهق مو شغلك .. ^^

ودعواتكم لوالدتك ترجع بالسلامة قب ما يطير جوزها ..
وموفقة أختك يااااارب .. وحاجة تاكل بيض مقلي..
روح اقلي بطاطا بيكون أحسن ^_^


:36_1_13::36_1_13:
سنا البراري
06-06-2008, 09:22 PM
والله بدك تبوس ايدك وشه وقفا على هالاب
عم يعمل كمان مربى والله شي من الآخر
روحه طويلة الله يخليه الكم يارب
ماشاء الله حلو الرجال واقف في المطبخ عم يعمل شغلات حلوة :36_11_6:
اسمع لأحكيلك يوم انتا ويوم هوا بالمطبخ ميشان ضميرك ما يعذبك كتير لأنك عم تشوفه واقف بالمطبخ لوحده يا حرام :36_11_6:
الله يكون بعونك أخي
وان شاء الله الماما ترجع بالسلامة :36_1_1:
لاما
06-06-2008, 10:32 PM
همسة لهمسات<<خخخخخخخخخ حلوة صح

شو هي الشاكرية والله نفسي اجربها بصراحة من كتر ما اسمعها في المسلسلات السورية

بعدين احمد ربك انو الوالد بيطبخ مافي احلى من هيك منها يتسلى ومنها يتلهى وما يفكر في الماما
سما
07-06-2008, 11:54 AM
وين المشكلة أخي همسات بالعكس هي الوالد مدللكم
على الآخر والله لو بعرف أنو لو امي سافرت يصير الوالد هيك
كنت زمااااااااااااان خليتها تسافر .. :36_1_1:
يللا مش مشكلة بس أنتوا حاولوا تهونوا عليه نهايتها ترجع بالسلامة إن شاء الله ,,
الله يخليهم لبعض ويخليكم لبعض ,, ويرجع الوالدة بالسلامة :36_1_1:

تحية طيبة : سمــــــــــ الإبداع ــــــــــــــا
الوردة الحمراء
07-06-2008, 12:34 PM
بتصدق همسات
والله الرجال في أشياء كثيرة بيكونوا أشطر من 100 مرة
صدقني طبيخ الرجال زاكي
وربنا يرجعلكم الوالدة بالسلامة
همسات
07-06-2008, 10:49 PM
بنية الامجاد : والله زعلتيني عأبي..ههههههههههههههه

اليمـــــامة:والله ردك من الاخر بس انت نفدتي لانك الصغيره
اما نحنا بابا معودنا صغير نفس الكبير والشب نفس البنت
جنني والله بخليني اجلي...:36_1_44::36_1_44:

سنا: والله لو تشوفي شو عم يطبخ
عم يطبخ الجمعه 3 طبخات مشان ناكل كل يوم طبخه
بيبلش الصبح وبيخلص المغرب :36_11_6:

همسات...
همسات
07-06-2008, 10:49 PM
لاما : الشاكريه رز ولحمه ولب وهيك .. انا بعرف اكل بس والله مشان هيك ما تواخزيني:36_1_49:

سما : والله متل ما عم قلك دلال من الاخر 5 نجوم:36_1_1:

الضاحكة : والله صدقتي والله المقلوبه اللي عملا اطيب من اللي بتعملا امي بمية مره...

عموما انا بعتت مسج لامي انو لا بقا ترجعي رح اجوز ابي..:36_11_6:
اليمـــــامة
08-06-2008, 01:58 AM
اليمـــــامة:والله ردك من الاخر بس انت نفدتي لانك الصغيره
اما نحنا بابا معودنا صغير نفس الكبير والشب نفس البنت
جنني والله بخليني اجلي...:36_1_44::36_1_44:












ــهههههــ

همسات تعى لخبرك سر ..











أديه بدك ..









عشان تعيرني أبوك كم يوم ...؟؟؟؟




















هع هع






لك نيالك ع هيك أب ...


:36_1_1:
لمسة حنين
08-06-2008, 03:38 AM
شو بدك احسن من هيك
كمان هاد شكله ابوك ما خد راحتو
ههههههههههههههههه
ندى الزهرات
08-06-2008, 05:40 AM
الله يرجعلكن الماما بالسلامة:36_1_44:
و تخلص هي المشكلة
خخخخخخخخخخخخخخخخخخخ
متفائله
08-06-2008, 02:04 PM
اللله يعينكو يارب

والله شيء صعب
همسات
08-06-2008, 10:29 PM
يمامه تعي لقلك سر ..

كم بتدفعي وتاخدي ؟؟؟
بس تأكدي من الصلاحيه:36_11_6:

لمسة حنين : شكرا لمشاركتك بصراحه ماخد راحتو عالاخر خخخخخخخ

ندى الزهرات:الله يسلمك يا رب ( كيف بالله هالمشكله؟

متفائله: الله يسلمك..واهلا بمشاركتك

همسات...
اليمـــــامة
08-06-2008, 10:32 PM
ـــــخخخخـــــ

يحرء حريشك يا همسات ..

ولا يهمك أد ما بدك بدفع .. ولوووووو

:)
همسات
08-06-2008, 10:35 PM
ههههههههههههه

طيب اسمعي بعطيكي ياه يومين وبترجعي
واذا بلاقي في خدش هه بدفعك حقو:36_11_6:

همسات...
ندى الزهرات
09-06-2008, 01:04 AM
خخخخخخخخخخخخخخخخخ
ليش الأب إلو سعر
الوردة الحمراء
09-06-2008, 10:28 AM
طيب همسات
ابقى اعزمنا على عرس أبوك لما تجوزه

بس رح تندم بعد ما تجوزه ما رح يوريك وجهه هههه
بمزح
بس والله ما كان حدا بالبيت الا انا واخواني وابوي وما بعرف شو بدي أغديهم
رحت طعميتهم باذنجان وظلوا بالجوع للمغرب بس والله أكلت بهدلة عليها الله لا يورجيكم
تحياتي
ليليان زهرة سورية
12-06-2008, 04:48 AM
والله يا ريحانة ما بذكر أني ئلت لحدة هيك من قبل هههههه
على فكرة أب متزوج من أربع سنين زوجة تانية هلأ عم بخطط للتالتة ههه
ختيرنا ذاكرتي ضعيفة ...همسات وين الكلاسي بحلب مو هيك؟؟؟بعرفها لكان بس حي المشارقة ما سمعانة فيو ....
عموماً خيو أهلا فيك بس ما ئلتلي شو معنى توقيعك
هدول عدنان ولينا ؟؟؟ههه بضحكوا :36_11_6: