نحو نقد بناء ... لأنشودة (لو تسمعي) المصورة ...

[طنطاوية]

بسم الله الرحمن الرحيم

تحية طيبة جميعا وبعد..

فهذه مساحة أقتطفها من مساحات منتدانا الوارفة ... وزهرة نحاول رسمها معا من زهرات وإبداعات فناننا الباسقة

نود هنا ... أن نرسم معالم هذه الزهرة ... أن نلقي ظلالاً على مواطن -تبدو لنا- مواطن قوة أو ضعف في الأنشودة المصورة الجديدة (لوتسمعي)

هنا ... سيمتلك كل منكم عين النقد ... ليدلي بدلوه .. ولينقد بإيجابية ما رآه ... وتذكروا جميعا ان النقد البناء لا يسيء لأحد .. والنقد البناء وسيلة لغايات عديدة .. منها الوصول إلى عمل فني متكامل في مستقبل الأيام...

فهل ترون أن سيناريو الانشودة المصورة كان متناسبا متناغما مع الكلمات؟

ما مواضع الضعف فيه ؟

وما المواضع التي رأيتم أن طاقم العمل قد أجادها؟

وغير ذلك مما ننتظر آراءكم فيه ^_^

أرجو منكم جميعا المشاركة

ودمتمــــــ سالمينـــــــ وبحفظ الرحمنــــ محفوفينــــــ : )

[maryame_monchida]

اولا اشكرك على طرح الموضوع
بالنسبة لي الفيديو جاء على شكل لوحة فنية جد متناسقة
و لا احمل في جعبتي اي نقد بناء ... فقد رايته كامل و مكتمل و اعجبني كثيرا
و احيي الفنان على هذا العمل الجميل جدا و قد اجاد الامبراطور ما شاء الله عليه التمثيل
تحياتي للمخرج وسوف يبقى نجمنا في سما الابداع صاعد

عندي اقتراح للفنان ان يكون هناك فيديو كله على شكل قصة و احبذ ان يكون الامبراطور هو البطل
اشكرك اختي على الطرح الجميل
والف سلام للمبدع

[ماسه]

تحدثت عن موضوع الكليب في مواضيع اخرى في المنتدى
لذلك سيكون ردي هنا هو خلاصة الامر
" ريحتلك راسك من اللت و العجن يا ام اللول"

الكليب فكرته مبتكرة .. فتح افاق جديدة لفهم كلمات " لو تسمعي "
ربما غفل عنها كثير ممن سمعوها ..
واضح جدا ان الفنان يفتخر بها على الرغم من نقد البعض لها و تحدى انها ستكون ناجحة جدا لو قدمها على الشاشة و ليست مسموعة فقط و ارى انه قد وفق في هذا و لله الحمد ..
قدم غير المتوقع عندما كانت في البومه و قدم غير المتوقع عندما صورها كليب مؤخرا..
اتمنى للفنان دوام التقدم و التالق ..
و اسال الله ان ياخذ بيده لما يحب و يرضى ..
و دمتم بخير ..

ماسه

[ليليان زهرة سورية]

والله للأسف ما شفت لهلأ ..:36_1_44:
يعني صرلي مدري كام ساعة عما استنى طيور الجنة ولسة هي بتعدلي ببابا تلفون..
مشكورة على الفكرة الحلوة
باذن الله لي عودة لما بشوف الكليب

[ماسه]

ليليان .. موجود الكليب في المنتدى
انا منه حضرته

[أنفاس الصباح]

بصراحة فكرة رائعة وجميلة للارتقاء بالفن والانشودة الاسلامية
جزاك الله خيرا وجعله في ميزان حسناتك

فهل ترون أن سيناريو الانشودة المصورة كان متناسبا متناغما مع الكلمات؟
بصراحة لم اشعر ان هناك توافق بين الكلمات والسيناريو حيث ان الكلمات تبدو نوعا ما للحبيبة او الزوجة وليس لابنه فلم اشعر انها تعبر عن علاقة ابنة بابيها !!!!

ما مواضع الضعف فيه ؟
كما قلت في السؤال السابق ان المفروض ان يتم حبك الفيديو على قصة اخرى كان تكون للزوجة مثلا او للخطيبة .....
كذلك كان في الفيديو نوع من الاستعراض لم يرق لي :)

وما المواضع التي رأيتم أن طاقم العمل قد أجادها؟
طبعا الفيديو كان جميل ومعبر بشكل عام يبين مستوى الرقي الذي وصلت اليه الانشودة الاسلامية من حيث التقنيات والاعدادات ........

وغير ذلك مما ننتظر آراءكم فيه ^_^
بصراحة اود ان اركز على نقطة ما وهي ان الفنان في الفيديو ظهر وزنه زائدا نوعا ما !!!!"ارجو ان لاتعتبر سذاجةولكن صدقا اني تفاجئت !! فقط هي نقطة قد تكون مهمة او لاتكون لكن في النهاية بما اننا نتكلم عن فيديو كليب فارى انها تستحق الذكر :)

أرجو منكم جميعا المشاركة
انا هيني شاركت:36_1_1:

ودمتمــــــ سالمينـــــــ وبحفظ الرحمنــــ محفوفينــــــ : )
وانتي كمان يا اجمل طنطن

[maryame_monchida]

لو كانت للزوجة او الخطيبة سيجدونها الذئاب و العذال الذين لا شغل لهم و لا مشغلة في الدنيا سوى ترصد الامبراطور و التهجم عليه فرصة كبيرة ..... وقد جاء الفيديو قمة في الروعة صدقا سحرني وراقلي كثير
ولكن احترم وجهة نظرك

[maryame_monchida]

اما في ما يتعلق بآخر ملاحظة ادرجتها الاخت نسمة الروح , فانا بدوري لاحظت تغيرا لكنه معاكس تماما لما لاحظته فقد ظهر الفنان في الفيديو كليب بمظهر يدل على انه فقد بضع كيلو غرامات ..... اتمنى ان لا نكون قد تدخلنا فيما لا يعنينا باعتبار اننا نهتم بالحياة الفنية للامبراطور ونحترم و نقدر حياته الشخصية
:):):):):):)

[أحبك في الله ياموسى مصطفى]

أنا بصراحة ما فهمت شو دور هاي البنت الصغيرة
يعني هل هو حاببها وهي مستنستو يرجع من السفر مشان يتزوجها؟؟؟؟!!!!!

وكمان إذا تعذر على الفنان إنو يظهر إمرأة بالغة في الفيديو كليب ربما نتيجة مسائل شرعية وهو متمسك بالقيم الإسلامية
فهل بجيب طفلة تاخذ دور المحبوبة؟؟؟؟!!!
يعني ما تزعلوا مني أنا بدي النقد البناء
لذلك بدي إحكيكن الصراحة
أنا صرت إضحك لاشعوريا لما شفت هالمنظر
يعني كان ممكن ما يطالع هاي الطفلة كان أفضل وأوضح
لأنو الكلمات كلمات حب وغرام ما ممكن إنزالها على طفلة

[maryame_monchida]

الله يهديك يا اخي احبك في الله يا موسى مصطفى... تلك الفتاة هي ابنته ....
الم ترها و هي تكتب لها كرت مكتوب فيها بابا انا اشتقتلك
الفيديو كاااااااااااااااااااااااااااااامل المعاني سلييييييييييييم السيناريو
اما هن موسى فقد اتقن التمثيل ما شاء الله عليه .

انا احكي الفيديو لمن لم يفهمه
موسى مصطفى الذي هوالاب في الغربة في سويسرا
و الفتاة التي هي ابنته في الاردن
ارسلت له كرت لصور الاردن عموما و عمان خصوصا وكتبت له فيها بابا انا اشتقتلك
بعد ذلك يتصل بها موسى وتلتقط السماعة متلهفة شوقا و هذا يدل على انه طول الغيبة

بعد ذلك وبعدما تتيستر له الامور يعود الى عمان وفي اثناء الطريق يتصل بها ليقول لها انه قد وصل الى الارض الوطن اما لحظة اللقاء سواء وجدت ام لا فالفيديو كامل و مكتمل المعنى و التطبيق..
تحية

[سما المحبة]

بسم الله الرحمن الرحيم
والله الفيديو أكتر من رائع
وللان أكثر فيديو وصل الى هذه الدرجه من الرقي والاناقة على مستوى الفن الملتزم

[طنطاوية]

أهلا وسهلا بالجميع

مريم ... أهلا وسهلا
ماسة... الله يريحك دنيا وخرة :36_1_1:

ليليان ... بالانتظار ^_^


نسمة الروح ... وجزاك : )

ويبعتلك الهنا:36_1_1::36_1_1:

مريم كمان مرتين : )

اهلا وسهلا ^^

أحبك في الله يا موسى مصطفى ... اهلا بك ... ربما هناك سوء فهم للانشودة المصورة وقد ردت مريم مشكورة ... او ان هناك ما هو اكثر من سوء الفهم متل اللي حاصل معي .. الشرح جايه فيه ان شاء الله: )

سما المحبة... اهلا بك .. وشكرا على المرور: )

[طنطاوية]

أظن جاء دوري لأدلي بسطلي :36_1_1:

1) أشعر بأن القصة كانت غير محبوكة جيدا ... يعني في شيء بالنسبة الي ما عم يدخل مخي!!
والسيناريو للاسف ما احسست انو فيه فكرة خيالية ... ابداااع .. شيء لم نتخيله قبل خروج الانشودة المصورة علينا

2) بالنسبة لكون طيور الجنة مشاركة بالانتاج ... فالانشودة على الحبكة المعمول بها .. مناسبة للاطفال ... لكن ... الاغنية بالاساس هادية .. وهذا غالبا لا يناسب اطفال

3) لا ادري لم ختم الانشودة المصورة بـ(كل الجاي أحلى!!)

4) لو كانت (كل الجاي احلى) هي المصورة فاظن ان مجالات السيناريوهات ستكون اكبر والنغمة سريعة تستهوي الاطفال ... ((ولو ... تفتح عمل الشيطان :36_1_1:))

5) أداء منشد الشباب كان ممتازا ...

6) التصوير كان متقنا الى حد كبير

7) قهرني جدا جدا مقطع (شوفي الامر .. هيو اكتمل ) لانو ما طلعت صورة بدر .. وهنا انا اعترض بشدة : )
يعني حتى لو ما كان في قمر بالسما يومها ركبوا الصورة؟؟
طيب ... بباب الحارة اجلوا التصوير يوم لحتى يجيبوا مكواية عتيقة!!
يا جماعة (ان الله يحب اذا عمل احدكم عملا ان يتقنه ).. هذا قانوننا وليس قانونهم!!

والذي يحضرني الان اظنه انتهى :36_1_1:

ان شاء الله ما اكون طخنتها ... ولو اني طخنتها ^^

[ماسه]

خيتو
اذا كان في الكليب نوع من الاستعراض الذي لم يرق لك ..
ليه ذكرت هالنقطة في ردك :

وغير ذلك مما ننتظر آراءكم فيه ^_^
بصراحة اود ان اركز على نقطة ما وهي ان الفنان في الفيديو ظهر وزنه زائدا نوعا ما !!!!"ارجو ان لاتعتبر سذاجةولكن صدقا اني تفاجئت !! فقط هي نقطة قد تكون مهمة او لاتكون لكن في النهاية بما اننا نتكلم عن فيديو كليب فارى انها تستحق الذكر :)

اذن جانب الشكل و المظهر مهم عندك و لفت نظرك ..
طيب كيف افهمها هي انا ؟

مرة تانية بكرر لكل الي قالوا انها مو محبوكة من جهة انها مو مناسبة تكون من اب لبنته ..
يا جماعة .. كلمات الاغنية موجهة لبنته و عمان معا و كانه يرى في عيني ابنته عمان الي تربى و نشا و درس و كبر فيها ..
و هنا لا اظن ان هناك ادنى مشكلة في كلمات اغنية مثل لو تسمعي ان تكون موجهة للارض او عمان او الوطن عامة ..
والا فالاولى بكم ان تنتقدوا " عيناك غابتا نخيل ساعة السحر " من انشودة المطر لبدر شاكر السياب عندما قصد بها وطنه بغداد ..
:36_1_1:

[طنطاوية]

يا خيتو يا ماسه راح احكي عن حالي لانو ما بعرف اذا البقية بقصدو نفس اللي بقصدو

انا احساسي انها مو محبوكة تمام مو من هالباب

ولا انا بعرف انو خليل عابد مشهور بكتاباتو للارض

ثاني شي: بالنسبة الي .. انا مو مغفلة لهالدرجة لحتى تفهمي اللي فهمتيه من ردي!!

كتير من الاشعار تقصد ما وراء الكلمات مو الكلمات بحد ذاتها

ولا ليش الكنايات والاستعارات بالعربي؟؟؟؟

+ البيت اللي قلتيه

قول الشاعر:
وأمطرت لؤلؤاً من نرجسِ، وسقت
ورداً، وعضت على العناب بِالبرد
من يتوقع انه يصف ما يصف؟؟؟؟
وغيرها وغيراتها

الخلاصة: كان شعوري من اول ما شفتها هو الاحباط ... يعني خاب ظني ... ولم اكن انتظر بتاتا -بالطبع- انها تكون للحبيبة !!!

ويبقى لكل منا وجهة نظر ليس لاحد ان يعترضه عليها ... بل يمكن ان يناقشها

واهلا بالجميع : )

[أنفاس الصباح]

خيتو
اذا كان في الكليب نوع من الاستعراض الذي لم يرق لك ..
ليه ذكرت هالنقطة في ردك :

وغير ذلك مما ننتظر آراءكم فيه ^_^
بصراحة اود ان اركز على نقطة ما وهي ان الفنان في الفيديو ظهر وزنه زائدا نوعا ما !!!!"ارجو ان لاتعتبر سذاجةولكن صدقا اني تفاجئت !! فقط هي نقطة قد تكون مهمة او لاتكون لكن في النهاية بما اننا نتكلم عن فيديو كليب فارى انها تستحق الذكر :)

اذن جانب الشكل و المظهر مهم عندك و لفت نظرك ..
طيب كيف افهمها هي انا ؟


اجل جانب الشكل مهم ويختلف عن الاستعراض تماما انا اقصد بالاستعراض بعض الحركات التي طلب "بضم الطاء!"من الفنان القيام بها وهي تركز على الفنان نفسه كفنان وليس على معاني الكلمات او الانشودة وهذا من شانه ان يؤدي الى امور غير مستحبة من التعلق والاعجاب الشديد به من قبل البعض وغير ذلك من الامور اما الشكل والمظهر الخارجي فهو ضروري لكل انسان وليس لفنان فقط ....
شكرا ماسة ع الرد اللبق :)

[maryame_monchida]

اخواتي الكليب ليس للحبيبة الكليب موجه لابنته .............
وموسى مصطفى ممثل بارع منشد و ممثل يا عيني..
ارجوا التفريق بين الكلمات و المعاني...

تحية

[شهرزاد]

بسم الله الرحمن الرحيم

السلام عليكم ورحمة الله وبركاته

الحمد لله وبه نستعين ..

جاتكم شهرزاد .. اشحذوا حواسكم من فضلكم

:36_1_1:

طبعاً للعلم أنا شاهدت الكليب على الصامت .. لأني ما لقيت نسخة بدون موسيقى وبدون إيقاع ..

بس مشي الحال بما إني حافظة القصيدة ..

:36_1_1:

المهم ..

مبدئياً .. (لأني شاهدته مرة وحدة بس) ..

- نحول بالفصيح - :

** اللقطات الخاصة بالفنان كانت ممتازة جداً .. والتصوير من هذه الناحية كان رائعاً حسب رؤيتي .. بعكس كليب الذكريات لو فهمتم مقصدي ..

** المكالمة الهاتفية .. الرسالة .. أمور تقليدية لا جديد فيها ..

** خيال السيناريو في الكليب بنقيض الخيال في القصيدة .. أي من الناحية الجمالية .. فالخيال في القصيدة جميل .. مبتكر .. ويعتمد على صورة رمزية .. وخطأ كبيرأن أرسم الصورة الرمزية هذه بصورة في غاية الوضوح والتقليدية وفي نفس الوقت بعيدة كل البعد عن المغزى من الترميز ..
فلو كان المعنى مطابقاً .. ما خالف أن يكون السيناريو واضحا مباشرا .. أما كونه بعيدا عن المعنى المرموز له في القصيدة .. فكان الأجدر إما أن يكون السيناريو رمزياً أيضاً سواء بخيال مشابه أو مقارب .. أو فلا مانع أن تكون مباشرة شرط التطابق ..



فهمتم ؟

:36_1_1:

العتب مو على الفهم .. العتب على الشرح .. الله بيعينكم !!

هذا اللي عندي حالياً .. لما أشوف الكليب تمام وبصوت بارجعلكم برأيي الأخير الشامل .. إن شاء الله

مشكورة طنطاوية عل الموضوع

[شهرزاد]

هههههه ..



بعد ما قرأت الردود طلع كلامي مكرر بس بفلسفة وتعقيد زايد

:36_1_1:

(يسلموا شهرزاد ما جبتي جديد )

:36_1_1:

تحييييييييتي

[الحـس الحالـم]

اولاً: بصراحة كليب الامنيات احسن بكثيرتوقعت كليب لوتسمعي يكون احسن من الذكريات بكثير ..
ثانياً: ان شفت الفيديو ع الصامت بسبب الموسيقى المزعجة...
هذا رائي الخاص...

[طنطاوية]

أخت مريم

الله وكيلك فهمانين القصة : )

افهمي علينا ^^



شهرزااااااااااد

شكرا جزيلا

عبرتيعن اللي ما قدرت اعبر عنو ^_^

مع انو شفتيه ع الصامت !! : )



فوفو

اهلا وسهلا فيك : )

نورتي


ثانياً: ان شفت الفيديو ع الصامت بسبب الموسيقى المزعجة...



لكن اعتقد انو مافي موسيقى مزعجة بعيدا عن التحدث عن الصاخبة .. فيه ضارة:36_1_1:

اهلا بالكل ^^

آراؤكم تسعدنا

[الحـس الحالـم]

اول شي الموضوع منور بصاحبته طنطاوية...
ثاني شي...
انا كل انواع الموسيقى بتزعجني سوى هادئه او صاخبة وما بسمعها وباقتدى بحبيبنا محمد
عرفه بتقول اختلف العلماء بقولك هذا دليلي
روى ابي داوود في سنته عن نافع انه قال:سمع ابن عمر مزمارا قال:فوضع اصبعيه ع اذنيه،ونأى عن الطريق وقال لي :يانافع هل تسمع شيئا؟قال:فقلت
لا قال:فرفع اصبعيه من اذنيه
وقال كنت مع النبي صلى الله عليه وسلم فسمع مثل هذا فصنع
مثل هذا"
هذا قصة من حياة الرسول ولاولى الاقتدى به اختي...
واخيراً
ممكن تفسري كلمة في ضارة مافهمته اختي..

[طنطاوية]

^
^
^
^
فوفو أهلا وسهلا مرة تانية

أقصد بضارة .. ما قمت بالاستدلال عليه ^_^

[hadjer]

السلام عليكم ورحمة الله وبركاته
أنا شفت الكليب و رح أحكي رأيي باختصار شديد.

أنا أول شي لما سمعت انو في كليب جديد للامبراطور انبهرت و كان الخبر بحد ذاته هو السبق الصحفي, بس لما شفت الكليب رح قول انو الكلمات راقية جدا ما شا الله ما عليها أي غبار و الموضوع بحد ذاته ما بينعاب, بالعكس تماما.
كمان التصوير رائع و كل الأماكن المختارة ما شا الله, بس بالرغم من كل ها الرونق الكليب ما سحرني و لا شي بالعكس تماما , و أنا شافة انو كليب أصلي لربي هو أروع كليب لموسى لحد هلا أنا من أشد المعجبين فيه.

سلام.

[maryame_monchida]

اختي طنطواية الحمد لله على سلامتكم
واخيرا فهمتوا

:):)

تحية

[طنطاوية]

اختي طنطواية الحمد لله على سلامتكم
واخيرا فهمتوا

:):)

تحية

اللهم فهمنا يا رب

وسرع فهمنا

وثبت فهمنا حتى لا نظن بعد دقيقة اننا ما فهمنا : )

آمين آمين

[maryame_monchida]

آمين يارب العالمين

[طنطاوية]

نحن وكل المسلمين

[أحبك في الله ياموسى مصطفى]

هلأ خيو ولا خيتو
بدنا كليب لأحبيني بحبكة ما تخرش المية
و حبيبنا موسى قدها وقدود

[3orouba]

الله يكرمك أخت "طنطاوية" على موضوع النقد البناء هاد لكليب الامبراطور "لو تسمعي"
لكليب كلو على بعضو حلو ... حبيت الموسيقى النوستالجية تبعو .. أداء المبدع موسى مصطفى .. مكان التصوير كان حلو كمان .. وحتى سيناريو لكليب كان ملائم مع المضمون تبعو ..يعني الكليب كان بسيط و جميل كتير بنفس الوقت.
بس أنا يللي بستغربو من خلال ردود الأعضاء عدم فهم الغالبية منن لمين كانت موجهة كلمات "لو تسمعي" ..!!! شي قال انها "للحبيبة" و شي "للابنة" وشي مدري شو..!!
يا جماااااعة ....كلمات "لو تسمعي" موجهة للأ رض فقط ... هيك حكى موسى مصطفى باللقاء يللي عملو بتلفزيون الشارقة ببرنامج "انشاد" مع المذيعين "اسلام وخليفة" بهداك الوقت كان لسه ما صدر ألبوم "أحبيني" ...فواحد من المذيعين سأل الاستاذ موسى عن الألبوم لجديد وطلب منو أداء شي مقطع منو فاختار "لو تسمعي" وحكى بعدين عن الموضوع والمضمون تبعا.
وبالكليب هاد ...كانت الكلمات موجهة ل "عماااان" تحديدا . والشغلة واضحة تماما .. لما راحت بنتو لموسى(بالكليب)و اشترت بطاقات لمدينة عمان الأردنية و بعدين وصلت لموسى المغترب بسويسرا ..قام بدأ يحكي عن حنينو واشتياقو لأرضو و وطنو... والبنت يللي لعبت دور "الابنة" هي بس أيقظت (لو صح التعبير) الشوق والحنين والنوستالجيا عند المغترب موسى لأرضو من خلال البطاقات يللي بعثتها لأبوها مع عبارة "بابا.... أنا وعمان اشتقنالك "
بتمنى انو اتضحت المدرسة الاخراجية لكليب "لو تسمعي" الرائع لكل الأعضاء الكرام .
تحيااااتي لكم .

[الأمــ المنشود ــل]

امممم

فكرة جميلة طنطاويةحبي :)

الصراحة كان الفيديو بالنسبة إلي شي جديد نقلة نوعية في التصوير والتمثيل والأداء " جميل جداً "
بس ما في تناسق كتير بين الكلمات والفيديو
بالنسبة للفيديوالفيديو رائع جداً جداً
ولكن لا يتناسب مع كلمات الأنشودة
يعني لو الفيديو على أنشودة تانية أراه بوجهة نظري أفضل

السناريو مو مزبوط الصراحة يعني

لي عودة للتعليق إن شاء الله مرة أخرى

[طنطاوية]

هلأ خيو ولا خيتو
بدنا كليب لأحبيني بحبكة ما تخرش المية
و حبيبنا موسى قدها وقدود

أنا خيتو .. ويمكن كل اللي مروا ع الموضوع أخيات ^_^

والنعم كل النعم بالاستاذ موسى :)

أهلا وسهلا : )

[طنطاوية]

الله يكرمك أخت "طنطاوية" على موضوع النقد البناء هاد لكليب الامبراطور "لو تسمعي"

لكليب كلو على بعضو حلو ... حبيت الموسيقى النوستالجية تبعو .. أداء المبدع موسى مصطفى .. مكان التصوير كان حلو كمان .. وحتى سيناريو لكليب كان ملائم مع المضمون تبعو ..يعني الكليب كان بسيط و جميل كتير بنفس الوقت.
بس أنا يللي بستغربو من خلال ردود الأعضاء عدم فهم الغالبية منن لمين كانت موجهة كلمات "لو تسمعي" ..!!! شي قال انها "للحبيبة" و شي "للابنة" وشي مدري شو..!!
يا جماااااعة ....كلمات "لو تسمعي" موجهة للأ رض فقط ... هيك حكى موسى مصطفى باللقاء يللي عملو بتلفزيون الشارقة ببرنامج "انشاد" مع المذيعين "اسلام وخليفة" بهداك الوقت كان لسه ما صدر ألبوم "أحبيني" ...فواحد من المذيعين سأل الاستاذ موسى عن الألبوم لجديد وطلب منو أداء شي مقطع منو فاختار "لو تسمعي" وحكى بعدين عن الموضوع والمضمون تبعا.
وبالكليب هاد ...كانت الكلمات موجهة ل "عماااان" تحديدا . والشغلة واضحة تماما .. لما راحت بنتو لموسى(بالكليب)و اشترت بطاقات لمدينة عمان الأردنية و بعدين وصلت لموسى المغترب بسويسرا ..قام بدأ يحكي عن حنينو واشتياقو لأرضو و وطنو... والبنت يللي لعبت دور "الابنة" هي بس أيقظت (لو صح التعبير) الشوق والحنين والنوستالجيا عند المغترب موسى لأرضو من خلال البطاقات يللي بعثتها لأبوها مع عبارة "بابا.... أنا وعمان اشتقنالك "

بتمنى انو اتضحت المدرسة الاخراجية لكليب "لو تسمعي" الرائع لكل الأعضاء الكرام
.
تحيااااتي لكم .


هلا وسهلا أختي 3orouba

نورتينا والله^^

وشكرا على اطلالتك الحلوة ولفت النظر لنقطة مهمة

بارك الله فيك ^_^

[طنطاوية]

امممم

فكرة جميلة طنطاويةحبي :)

الصراحة كان الفيديو بالنسبة إلي شي جديد نقلة نوعية في التصوير والتمثيل والأداء " جميل جداً "
بس ما في تناسق كتير بين الكلمات والفيديو
بالنسبة للفيديوالفيديو رائع جداً جداً
ولكن لا يتناسب مع كلمات الأنشودة
يعني لو الفيديو على أنشودة تانية أراه بوجهة نظري أفضل

السناريو مو مزبوط الصراحة يعني

لي عودة للتعليق إن شاء الله مرة أخرى

مرورك الاجمل ............ الامل المنشود : )

شكرا على الادلاء بدلوك

وبانتظارك دائما ^^

أهلا وسهلا ومرحبا :)

[hadjer]

أكيد أخت عروبة و هادا الشي ما عليه أي غبار بالنسبة لي و انشا الله الأمور تكون توضحت أكتر لكل الأخوة بها المنتدى.

[ليليان زهرة سورية]

والله أنا مبارحة شفتو وبدكن ما تواخذونا انا كتيير دقيقة الماحظة انتبهت على شغلات سخيفة بس حبيت اذكرها...
أول شي الكلمات نهائيا مو زابطة على فكرة أنو لبنتو ..يعني هاي اجباري للحبيبة ..
خصوصاً لما ئال واحكيلك كل الغزل في لمة العشاق ؟؟؟؟؟؟
كمان البنت الصغيرة مو حلوة خخخ
ولاحظت أنو أظافر موسى طوال شوي هههه
وشوو كمان يا ليليان....
اي ...كمان يعني اذا موسى على أساس سوري
ليش كان عم يتفرج على صور من الأردن وبنتو كتبت (انا وعمان اشتئنالك)
لازم انا وحلب ...
وكمان ما بعرف موسيقا الغنية مدري شلون مو مطابقة كتير ..
هاد اللي طلع معي
..........ييييييييي على الموضوع ............:)

[life hope]

3) لا ادري لم ختم الانشودة المصورة بـ(كل الجاي أحلى!!)


نفس التساؤل عندي
ممم
يمكن قصد انو الاعمال الجايه راح تكون احلى
:
:
:

مجرد ظن

[maryame_monchida]

حسب ما فهمت

ان كل للجاي احلى جاءت مكملة للفيديو

ففي الفيديو تجسدت بعض معالم المعانات بددتها كلمات كل للجاي احلى

سوف يبقى نجمنا في سما الابداع صاعد ...

كل التحية

[شهرزاد]

ولاحظت أنو أظافر موسى طوال شوي هههه
:)

............ ليليان ..

مثل هذه الملحوظة موطن التنبيه عليها ( الرسائل الخاصة ) أو ( إيميله الشخصي )

إن كنتِ تدركين مقصدي!

احترامي

[همسات موسى]

السلام عليكم

والله أنا ماني شايفة أي تعليق

أو نقد فهو فكرة جديدة بطابع وغلاف رائع


.......... تحياتي

[براءة الإيمان]

الله اوفق موسى اما يحبه ويرضاه................تحياتي

[(*°)نجمة(مريم)الجزائر(°*)]

كليب مـــــــــــــــــــــــــا شاء الله

[nano]

مرحبا أنا رأي أنو الكليب رائع ومتعوب علي كتير وما فينا نحكي حكي شروي غروي بس أنا عندي ملاحظة صغيرة يمكن ما بتأثر بس أنا حابة احكيها
لو كان الكليب موجه لوالدتو يمكن كان معبر أكتر لأنو عمو موسى بقول عزنود مليانة دفا ياما اشتهيت النوم لو كان لوالدتو مع وجود الطفلة ما كان في مشكلة
بس الكليب هيك بجنن وأنا طار عقلي لما شفتو حتى صرت صوت اجت ماما قالتلي شو في طبعا عرفت لحالها شوفي لما شافت الكليب
الأمبرطور كان عم يمثل بطريقة مميزة ومبدعة
الله يحمي ويخلي ويوفقو
أنا شايفة أنوعموموسى عم يطور نفسو بمجال الكليبات من أول كليب والإنسان بيتعلم من يوم ليوم بس كل كليبات الإمبرطور بتجنن .....

[براءة الإيمان]

ليليان....بدنا ادب في كلامنا..مع احترامي لك

[اليمـــــامة]

والله أنا شايفة أنه كلمات الأغنية ما بتتناسب مع الكليب...!!

غير هيك شغلة صغيرة >> البنت يللي جايبها مو حلوة << p:

وعالعموم الله يوفق الفنان ويزيده نجاحات...:)

[maryame_monchida]

الجمال جمال الروح و الادب بالاضافة الى ان الصغيرة مقبولة

كل التحية

[ليليان زهرة سورية]

يعني واضح انو عم بمزح
ست شهرزاد يعني برأيك ببعتلو رسالة خاصة بألو هالحكي ؟؟؟
ايمتى برد علي ؟؟يوم عرسي ؟؟؟يعني بعد 6783928 سنة
اي وين المشكلة بهالحكي ؟؟
هفففففففف

[زهرة الوادي]

http://www.mousastar.com/vb/nass_red/misc/quotes/quot-top-left.gif اقتباس http://www.mousastar.com/vb/nass_red/misc/quotes/quot-top-right.gif http://www.mousastar.com/vb/nass_red/misc/quotes/quot-by-left.gif المشاركة الأصلية كتبت بواسطة ليليان زهرة سورية http://www.mousastar.com/vb/nass_red/misc/quotes/quot-by-right.gif http://www.mousastar.com/vb/nass_red/misc/quotes/quot-top-right-10.gif والله أنا مبارحة شفتو وبدكن ما تواخذونا انا كتيير دقيقة الماحظة انتبهت على شغلات سخيفة بس حبيت اذكرها...
أول شي الكلمات نهائيا مو زابطة على فكرة أنو لبنتو ..يعني هاي اجباري للحبيبة ..
خصوصاً لما ئال واحكيلك كل الغزل في لمة العشاق ؟؟؟؟؟؟
كمان البنت الصغيرة مو حلوة خخخ
ولاحظت أنو أظافر موسى طوال شوي هههه
وشوو كمان يا ليليان....
اي ...كمان يعني اذا موسى على أساس سوري
ليش كان عم يتفرج على صور من الأردن وبنتو كتبت (انا وعمان اشتئنالك)
لازم انا وحلب ...
وكمان ما بعرف موسيقا الغنية مدري شلون مو مطابقة كتير ..
هاد اللي طلع معي
..........ييييييييي على الموضوع ............:) http://www.mousastar.com/vb/nass_red/misc/quotes/quot-bot-left.gif http://www.mousastar.com/vb/nass_red/misc/quotes/quot-bot-right.gif


بس ممكن شوية أدب مع كل الإحترام إلك