هاي ورطة مو لعبة

[ماسه]

لعبة الاعترافات
لعبة ملطوشة بس حلوة
بيدخل عضو بيكتب 3 اعترافات
بجمل بسيطة و قصيرة
و بس
و انا رح ابدا مشان تفهمو الفكرة
بعترف اني هلا كتير مبسوطة
بعترف اني مشتاقة لكل اعضاء المنتدى
بعترف انه اليوم قدمتpresentation و كان حلو كتير الحمد لله
شو رايكم
دوركم يللا حركو

[أروى]

طيب طيب ...

تكرم عينك يا ماسا بدك تلات إعترافات ....
خطيرين ولا مو كتييير....


طيب الأول.... أني كل ما عم ادخل ع المنتدى عم بزعل كتييير و ما عم يجيني نفس شارك....((ما بعرف ليش))

التاني...اليوم كان عندي امتحان عربي و كان ماشي حالو و سط((لا صعب و لا سهل))

التالت...أنا ما جايه عبالي ادرس الآن و عندي دراسه مكومه و كتييير مشان هيك جالسه ع المنتدى مشان اتسلى قبل ما أدرس شوي


((دعولي الله يوفقني))

[ماسه]

بسيطة اروى مشان المنتدى
لا يصيبكم احباط مشان المشاركات حصل خير و الله كلنا خسرنا من مشاركاتنا
بتعرفي اني خسرت قريب ال 600 مشاركة بدون مبالغة
بس مو مهم بالنسبة الي المهم انه رجع المنتدى وخلص;) ;)
الله يوفقك بدراستك حبيبتي رورو
و باقي الاعضاء
تعو سجلو اعترافاتكم يللا

[AYMAN SYRIA]

يسلمو ع اللعبه اختي ماسه

اول اعتراف الي اليوم كان علي 3 امتحانات وكل واحد اصعب من التاني فالله يستر من العلامات.............

تاني اعتراف ابوي غير السياره ...........

تالت اعتراف عمي اجا من سوريا وخاصة من حلب................

[ماسه]

اعترافاتي اليوم مبنية على اعترافات ايمن
اول شي
الله يوفقك بالامتحانات التلاتة ولو انه كان لازم تطلب انه تاجل واحد عالاقل لانه ممنوع يكون في 3 امتحانات بنفس اليوم
تاني شي الف مبروك عالسيارة الجديدة بس لا تتهور و تطلع فيها:p
و تالت شي الحمد لله على سلامة عمك:)
و باقي الاعضاء ليه ما عم يعترفو؟؟:mad: :mad:

[سيف الدوله]

اول اعتراف


هي صحيح اللعبه ملطوشه بس مابها شي

تاني اعتراف انا كتير متشوق ليرجع الامبراطور من سوريا لانو صرنا زمان ما ادربنا وعنا حفله ب15 الشهر بعمان بقصر الثقافه بمناسبه عيد الام برعايه ملكيه ساميه

تالت شي انا خايف ما يلغو طلعه لبنان

[AYMAN SYRIA]

لا محسوبك بدرس 3 بواحد متل الشامبو بعدين ليش ااجل الامتحان رح يجي ويجي فمنقدمو ومنخلص.......

الله يبارك بعمرك اول شي خلي ابوي يعطينياه بعدين منتفاهم ع السرعه..........

الله يسلمك يارب...........

شكلو الاعضاء خايفين من الاعترافات.............

يـــــــــــــــــــــــــا اعضاء ادخلو ما رح نقطع راسكو....... ههههههههههه

[طنطاوية]

يا إمي......

أنا قرأت كلمة اعتراف من خون وارتعبت :d

اعتراف 1 : أنا اليوم قعدت أكتر من 3 ساعات عالنت منها 2ونص متواصله لحد الآن ... وعفكره لسا ما سكرت النت:d

اعتراف 2 : اشتركت بمنتدى أبو راتب أخيرا بعد عصلجة طويله وهلأ عم أشارك فيه

اعتراف 3 : عندي دراسه ( بقدر جبال الألب ) والمتحانات مو الأحد الجاي اللي بعدو و انا ما شاء الله عني ...عم ألعب

اعتراف 4 : انا ما عم أنزل كتير مشاركات لأنو عندي كتير مشاركات بلابتوبي وانا هلا عم أشتغل من لابتوب رفيقتي ( هريره ) لأنو لابتوبي أثر فيه حذف الفيروسات اللي مدري كم كان عددها عالسستم فما عم يفتح منو النت

اعتراف 5 : بحس انو سيف كتير محظوظ .......... نيالو ........اللهم لا حسد
وانا محظوظه لأني رجعت عالمنتدى

اعتراف 6 : حكيت مع أروى عالتلفون خلال فترة تسكير المنتدى ونحنا متواصلين (طؤوا:d )

والاعترافات كتيره
شو بدي أحكي لأحكي

[أروى]

و الله اعتراف طنطاويه حلو......

و هي أول عضوة بالمنتدى بتعرف عليها جديد..........
بس و الله يا شباب شو طنطاويه ما شاء الله عليها و الله يحميها.... أخت جديدة بصراحه عقبال ما شو فها و شوف كل أعضاء المنتدى face to face



و الله يا الأستاذ سيف أنت بتغني مع الفنان موسى مصطفى.....نيالك يا عم ((ما شاء الله))



طيب عهي الحاله لازم اعترف و لو اعتراف و احد بس ع القليله...



إذا حدى اتصل علي حاطة رنت موبايلي أغنيت ((بينا من ألبوم أحبيني))بتجنن...

[ماسه]

اعترافات خطيرة يا طنطاوية
انا نزلتها عالusp عندي
مشان تكون مستمسك عليكي:p :p
و بالنسبة لانك تواصلتي مع اروى
فانا على تواصل مع كتيييييييييييييييير من الاعضاء شو اعد لاعد:p
و يا رورو رنة كتير حلوة لو عندي عالموبايل كان حطيت لو تسمعي
بس خسارة

[Aljonaidy]

لازم اعترف ؟؟

طيب ،، مع انه لو بدي اقول كل شي بخلص الصفحة ،، بس بقول نتاتيف =p


1- اليوم ما حضرت ولا محاضرة ،، كان النوم أحلى بصراحة :p

2- واحد اليوم حظري ع المسن خخخخخ ،، طوشة شباب وبعدين رجع زي المحترم :cool:

3- قاعد وانا بكتب بتعشى " مجدرة " اذا بتعرفوها :p ،، وحبة رز وقعت ع الكيبورد فاتت بين الكبسات :mad:


بيكفي =D

[طنطاوية]

آخر اعترافاتي

1- ما نمت بالنهار يعني أنا ميته نعس واليوم أضعت وقت بالهبل

2- اتصلت اختي عم تسألني شو عم تسوي قلتلها عم أدرس و....................( ما استرجيت أكمل بس هي بتعرف:d )

3- بعترف إني بعرف المجدره بس ببرغل مو برز !!

[Aljonaidy]

اعترافات رجل شجاع ،، قصدي امرأة شجاعة :p

مجدرة برز مو برغل ،، لو ببرغل بقربهاش :D

ع سيرة ضياع الوقت ،، اليوم بس 9 ساعات نت ،، هالكلام لهلىء والسهرة ما بلشت لسه :D

[AYMAN SYRIA]

طيب اخر الاعترفات من ايمن .........

اول شي بكره اخر امتحان firstوبخلص من هم الامتحانات.............

يوم الخميس عندي presentation اي تقديم عرض لاحد المواد التخصص وعليه علامتين فارجو الدعاء

اليوم كان صوت الرعد من الاخر حسيت قامت القيامه او صارت شي حرب(الله يستر) .................

وهذه اخر الاعترافات.............

[طنطاوية]

معليش اعتراف بس ....لا يا ربي زادوا

تذكرت شو اسم اللي بتسموها مجدره برز ..اسمها كشري

بعترف إنو لولا ما بسروا النت عنا الساعه 12 ماكنت سكرت وكنت سهرت للصبح بس الله مأنعم علي:D

بعترف إني الثلاثاء الماضي قدمتpresentation وكان عن الاكتئاب :D والحمد لله كان منيح

بعترف إنو ما كنت متأكده إذا انا شجاعه ولا لأ وهلأ تأكدت:D
اعترافات رجل شجاع ،، قصدي امرأة شجاعة

[سيف الدوله]

معليش اعتراف بس ....لا يا ربي زادوا

تذكرت شو اسم اللي بتسموها مجدره برز ..اسمها كشري

بعترف إنو لولا ما بسروا النت عنا الساعه 12 ماكنت سكرت وكنت سهرت للصبح بس الله مأنعم علي:D

بعترف إني الثلاثاء الماضي قدمتpresentation وكان عن الاكتئاب :D والحمد لله كان منيح

بعترف إنو ما كنت متأكده إذا انا شجاعه ولا لأ وهلأ تأكدت:D

عنجد ازا منا نحكي مجدره فاالي بالبرغل اطيب بكتير من اللي برز وخاصه ازا كان جنبا سلطة الحصرم

اول اعتراف انو انا ما بحبذ الاكل عاللكمبيوتر
تاني اعتراف انا اليوم مالي رايق بس معظم مشاركاتكن الظريفه خلتني اضحك كتير
تالت اعتراف انو ولا حدا قدي كل يوم بقعد عالمنتدي
رابع عتراف بدي اسمي حالي جواد الليل لاني طول الليل بكون عالمنتدى
خامس اعتراف صحيح الليل حلو والجو هادي والعالم كلها نايمه يعني جو حلو بس بحس حالي وحيد خاصه لما بدخل عالمتواجدين الان مابشوف الا سيف

[طنطاوية]

اعترف إني تأخرت عالمحاضره

بس دبقت هون:d

لا را ح أروح:)

[Aljonaidy]

طب كويس ،، :D

أنا بعترف اني مش رايح ع محاضرات اليوم كلها ،، ثاني يوم ع التوالي ،، نفسية زفت ،، :p

[طنطاوية]

بعترف إني تفشلت بيني وبين حالي

رحت عالمحاضره طياره مفكره عنا د.هيام

طلعت د.عبير اللي بتتأخر ربع ساعه عالأقل

يعني راحت علي قعده

إعترافي التاني

عملت حادث هلأ بمختبر علم النبات
كنت طايره وفي شريط الكهرباء الموصل بالميكروسكوب بالطريق وما انتبهت
طيرت الفيش من الكهرباء مع إنو بتلت سنان :d وانكسرت وطلع صوت انفجار

والحمد لله أني كنت مستعجله لو مبطأه كنت أنا اللي طرت :d

بس ما حكتني الدكتوره

ما بتسترجي :d

حطوا الحق على كترتنا :d

[ماسه]

اول اعتراف
هاي اول مرة بعرف انه الكشري هو نفسه المجدرة:confused:
تاني اعتراف
انا اليوم تبهدلت و تشرشحت رحت عالجامعة مصيفة ما بعرف انه القيامة قايمة برة:mad:
تالت اعتراف
عندي غلطة شنيعة بامتحان الترجمة يا رب الدكتور ما ينتبه و يفضحني قدام الطلاب:(

[طنطاوية]

هاي اول مرة بعرف انه الكشري هو نفسه المجدرة

بس الكشري زياده معكرونه معها


انا اليوم تبهدلت و تشرشحت رحت عالجامعة مصيفة ما بعرف انه القيامة قايمة برة
وين بره ما شفت شي:rolleyes:

عندي غلطة شنيعة بامتحان الترجمة يا رب الدكتور ما ينتبه و يفضحني قدام الطلاب

آمين
بس شو هالغلطه !!قال سنة تخرج قال



اعترافاتي

1-اكتشفت إني ما بشرب كتير مي
من يوم الأحد عندي قنينه 1,5 لتر اليوم الأربعاء لخلصت بعد مانتبهت عحالي وأشفقت عالقنينه بعدين مصيت دمها

2- جفطه ( فشله ) تانيه اليوم دخلت لاب المبيوتر
قربت أوصل عالكرسي اللي بدي أقعد عليها ولا الدكتوره وراي عم تقلي في محاضره هون !!!
أن صفريت ...حمريت ...ازرقيت ...اخضريت ....ما بعرف ...بس بعرف إني أول ما دخلت استغربت إنو في أماكن فاضيه وإنو هادي!!:p

[أروى]

طيب اخر الاعترفات من ايمن .........

اول شي بكره اخر امتحان firstوبخلص من هم الامتحانات.............

يوم الخميس عندي presentation اي تقديم عرض لاحد المواد التخصص وعليه علامتين فارجو الدعاء

اليوم كان صوت الرعد من الاخر حسيت قامت القيامه او صارت شي حرب(الله يستر) .................

وهذه اخر الاعترافات.............


رعد و برق و نحنا الشوبات هلو علينا .....وااااااو....

بس مداخله صغير الكشري أكله مصريه بيطبخوها و بحطو لرز بهارات و فوها صلصه ...
أماالمجدرة رز و عدس و يلي بحب بحط بصل مقلي ((هيك عنا بالبت))((بس ياحرة علي ما بحبها مثلي ))




أما عن الإعترافات .....

*اليوم كان عنا طبق خير بالمدرسه من الصبح لظهر و انا كنت عم بيع هنا ....
و فوفو كانت كمان عم تبيع بس و الله انبسطنا كتييير بس رجعنا هلكانيييين و كان عندي مولد بعد الظهر رحتلو بعد نوم 3ساعات و نص الظهر.....بالغصب يعني...

*اشتريت ألبوم ((أي عام ))((لموسى مصطفى))و ماطلع فيها أغنيه و ديلي سلامي كنأنو كان لشيط إلي جبتو خربان....:( بس و الله باقي الأناشيد روع كتييير كتييير كتييير


* الأسبوع الجايه كلو امنتحانات بلا استثناء و لا يوم الله يعيني....

[AYMAN SYRIA]

اخر الاعترافات..............

الله يعنكو عنجد يا اروى ذكرتيني ايام الشوبات بس كنا بالامارات...............

طبعا اليوم ما اجت الدكتوره من شان presentation فقررنا نعمل نحنا والشباب غداء عشان الدكتوره ما اجت....احتفال صغير............

وشو كمان اكلت اليوم معكرونه بالباشميل من اطيب الاكلات عندي...................

رحت سوينا shopping انا وضوء القمر..............

[لحن الحياة]

حلوة هالاعترافات ..دائما متميزة انت يا حبيبتي ماسا

أنا اليوم دار راسي من المسائل الوراثية ,,عشان هيك دخلت ع المنتدى:p

ثاني شي : ما سلمت مشروعي تبع مادة الفنية ..يا ويلي من المعلمة بتبهدلني بالسبت

ثالث شي : أحسلي أروح أشرب كوفي عشان أروووووق ع الاخر

سلااام:p :p

[ريحانة القلب]

اللعبة خطيرة بس لوة كتييييير
انا صرية كتير وما بخاف
الاعتراف الأول أنا أول مرة بشارك بمنتديات
الاعتراف التاني عندي اليوم فلة ومش عارفة شو بدي ألبس
الاعتراف التالت أنا لسى ما حبيت أي حد بالمنتدى ولا حد رحب بي

[طنطاوية]

الاعتراف التالت أنا لسى ما حبيت أي حد بالمنتدى ولا حد رحب بي

أفا عليكي يا أسماء

خليني أكون أول وحده برحب:o

ويا مية هلا فيكي والله

أتحفتينا بوجودك

وما تزعلي منا والله هالأعضاء بطوشو:D

[AYMAN SYRIA]

اخر اعترفاتي...........

اولا اهلا فيكي اختي اسماء وان شاء الله رح يعجبك المنتدى بوجود الاعضاء المميزين...............

ثانيا اليوم اخدنا علامات ال first في منهم كويس وفي منهم الله بعلم..............

[طنطاوية]

اعتراف موتني قهررررررررررررررررررررررررررررررررررر

اليوم الدكتور شافني بدون نقاب:(

فتح باب الصف شوي وأنا بوشو

لااااااااااااااااااااااااااا

وطرقت عيني بعينو:(


وطول الحصه لا جاوبت معو ويا دوب اطلعت فيه

ومدري كم عامل شافني ومدري كم عامل يمكن شافني

يعني يوم عالمي بشوفتي

تمنياتي للجميع إنو ما يتعرضوا لموقف متل موقفي:o

[ماسه]

بسيطة طنطاوية
حصل خير حبيبتي
ما تخافي ما رح يصير معي هيك
انا بس بلبس حجاب
والله يكتبلك الاجر عالنقاب حبيبتي ما شاء الله عليكي
و شكرا حبيبتي لحن الحياة
من زوقك
اعترافاتي اليوم
اولا
عندي بكرة امتحان كتير صعب
و بعد بكرة presentation
و بعده كمان امتحان
يعني انا بجد بجد مضغوطة و عندي 100 شغلة:(
بس قلت بقعدلي شوي عالمنتدى مشان اغير جو:rolleyes:
تاني اعتراف
انا اليوم مو مبسوطة بالمرة و مو متفائلة نهائي:mad:
تالت شي
الله يمضي هالاسبوع على خير:p

[أروى]

معلش طنطاويه ...

أمرك لله ....
بس و الله الدكاترة أو الأساتذه إلي بحاولو يطلعو....ياربي ما أغلظهم ....


حتى إلي مو منقبين مثلنا بالمدرسه يعني كتييير صايرين الأساتذه خوش بوش مع البنات...زيادة ...


إعتراف :اليوم أخذنا علامات امتحان الدين و الله الحمد لله العلامه ممتازة عقبال باقي المواد يا رب

[طنطاوية]

:p بسيطة طنطاوية
حصل خير حبيبتي
ما تخافي ما رح يصير معي هيك
انا بس بلبس حجاب
والله يكتبلك الاجر عالنقاب حبيبتي ما شاء الله عليكي

إن شاء الله ما يصير معك بشغلة الحجاب:p

والله يكتبلنا الأجر أجمعين

شكرا حبيبتي


عندي بكرة امتحان كتير صعب
و بعد بكرة presentation
و بعده كمان امتحان
يعني انا بجد بجد مضغوطة و عندي 100 شغلة
والله لولا ماني مضغوطه أنا كمان كنت قلتلك هاتي شي شغله;)

بس قلت بقعدلي شوي عالمنتدى مشان اغير جو
أيوا كأنك متلي بتضحكي عحالك بعدين بتقعدي ساعتين:p

تاني اعتراف
انا اليوم مو مبسوطة بالمرة و مو متفائلة نهائي
له له ليش ؟؟


تالت شي
الله يمضي هالاسبوع على خير

آمييييييييين واللي بعدو ونص اللي بعدو لأنو عنا امتحاناات وأسبوع النتائج لا أنساه


اعترافي :

نسيت شاحن الموبايل بالبيت وقرب يخلص شحنو
اهئ اهئ اهئ

[ماسه]

بعترف اني كتير تعبانة و مرهقة و مصدعة:confused:
وبعترف اني مع هيك مبسوطة
و بعترف اني تعاملت بشكل غير منطقي مع شخص اليوم و مو عارفة كيف بدي ازبط موقفي البايخ
:(

[أروى]

:)

إعتراف:

قبل مبارح عرت و حدة مصريه عنا بالصف شريط موسى مصطفى ((لأجلك أغني))طبعاً بعد ما حكيتلها أديشو حلو لشريط و بجنن و المنشد روووووعه.....

مبارح جايه لعني بألي الشريط روووعه و أنا عجبني الشريط لأنو إلي بغني بيطلع ع قناة النجاح و صوتو شبه صوة أبو راتب.....


وكتيييير فرحه فيه.....

[سيف الدوله]

سلامات يا ماسه والله يخليكي على طول مبسوطه

خدولكن هالاعتراف

لك يا عيني المنتدى صارلو نكه تانيه من بعد ما سكروه وخاصه انو في بعض المواضيع مشوقه

وفي كم عضو اويان عصن

اعتراف تاني

لسوء الحط انو اجلو حفله قصر الثقافه بعمان لشهر 5

اعتراف تالت

انا ماني مصدق ايمت يجي شهر 5

[ماسه]

اول اعتراف
عندي اليوم امتحان (سواريه) الساعة 5 رح يبدا وانا كتيييييييييير خايفة واللي بيقرا ردي يدعيلي امانة
و تاني اعتراف انه عندي شي كتير حلو اعمله نهاية الاسبوع يا رب بس ما تطلع الشغلة على راسي
تالت اعتراف مبارح شفت حد طفل هو صغير بمووووووووووووووت عليه و كتير انبسطت وانا عم بلعب معو بس اضطريت اتركو مشان ادرس

[ريحانة القلب]

أفا عليكي يا أسماء

خليني أكون أول وحده برحب:o

ويا مية هلا فيكي والله

أتحفتينا بوجودك

وما تزعلي منا والله هالأعضاء بطوشو:D
شكرا الك طنطاوية بتمنى عنجد اسعد معكم

[طنطاوية]

العفو أسوم

لا شكر على واجب

أما اعترافي لليوم

عطونا بطاقتنا الشخصيه الجامعيه

لا ولازم نعلقها

وعليها صورتي!!!

فهلأ بدي أضطر أحطلي شي شغله عليها

يمكن صورة فله:d

[طنطاوية]

بعترف إني من شوي كنت أحكي مع أروى عالموبايل

مسكينه عندها امتحان أحياء بكره فادعولها

بس ما حلينا قضية الشرق الأوسط:d

[أروى]

بعترف إني من شوي كنت أحكي مع أروى عالموبايل

مسكينه عندها امتحان أحياء بكره فادعولها

بس ما حلينا قضية الشرق الأوسط:d


الله يوفقني يارب....هههه مو...
و أنا كمان كنت عم بحكي مع طنطاويه ع التلفون....


بس إن شاء الله بتنحل قضية الشرق الأوسط إن شاء الله.......

[ماسه]

بعترف اني كتير مبسوطة
و انو الامتحان ماشي حاله
واني اليوم تعلمت حكم رائعة بالدنيا:p

[AYMAN SYRIA]

اخر الاعترفات

اليوم ما حضرت ولا محاضره هم صح تنين بس اليوم ما كان جعبالي احضر شي.............

طبعا هاد فقط لعشاق الرياضه و للفيصلي خاصة تاهله للمباراه النهائيه...............

[أروى]

بعترف اني كتير مبسوطة
و انو الامتحان ماشي حاله
واني اليوم تعلمت حكم رائعة بالدنيا:p

علمينا معك ماسا....شو الحكمه....


اعتراف........اليوم كان مزاجي معكر شو و دايئت ما بعرف ليش....

[طنطاوية]

والله حكمة ماسه بتلاقيها بحكمة اليوم

أما انت مزعوجه وتضايقه بسبب.......................

بتعرفي التتمه

[ريحانة القلب]

العفو أسوم

لا شكر على واجب

أما اعترافي لليوم

عطونا بطاقتنا الشخصيه الجامعيه

لا ولازم نعلقها

وعليها صورتي!!!

فهلأ بدي أضطر أحطلي شي شغله عليها

يمكن صورة فله:d
طنطاوية شكرا الك
انا بحب كتيير يحكولي اسوم
اما النقاب الله يعينك يارب ويزيدك ايمان
وكل اجر وثواب

[ماسه]

يا عيني عليكي يا طنطاوية شو انك فاهمتيني
طيب اعترافي اليوم اني متوترة شوي
بس ان شاء الله كل شي بيمشي تمام
دعواتكم:p

[طنطاوية]

شكرا يا أسوم
وشكرا يا ماسه
شفتوا النباهه:p
اعترافاتي :

حكيت مع لوتي من شي ساعه

صندوق رسائلي الخاصه عم يطرطشني ما عم بشوف حالي إلا عم بحذف رسائل مع إنو كلو

غالي عقلبي ومبارح بس عدد الرسائل المرسله والمستقبله بجو بالتلاتينات!!

اعترف إني ما عم أدرس وعندي الاسبوع الجاي امتحانات منصفففففففففففف

[ماسه]

بعترف اني طول اليوم لحالي و مغلقة موبايلي و ما بدي احكي مع حدا:mad:
بعترف اني خلصت مبارح امتحاناتالmid
بعترف انو في رسالة خاصة وصلتني مو فاهمة منها و لا كلمة:eek:

[طنطاوية]

بعترف إنو مبارح رحنا على جبل حفيت حيث المياه المعدنيه الحااااااره

والله شي رعه

رحنا قبل المغرب بشوي

شوينا ....

شربنا شاي عالفحم ......مممممم

ويا سلام

وجينا بدنا نرجع عالبيت 12

إمنا قلنالو لبابا ياخذنا على مجرى المي لنحط إجرينا بالمي

ناااااااااااااااااار والله

طفت كل قهري مع إني فكرتها راح تشعلوا:d

ورجعنا 1و نص بس لرجال ضلوا للست الصبح لأنو كانوا يسبحوا

وشكرا لأنكو سمعتوا هالقصه الطويله اللي مالها معنى بالنسبه إلكو

بس بيت القصيد إني واللللللللللللللللللللللللللللللللللللللللللللللله اشتهيتكوا تكونوا كلكو هناك

وتخيلت جمعتنا:(

بعدين قلت يارب إذا ما جمعتنا دنيا تجمعنا آخره بالجنه

آميييييين

[أروى]

:rبعترف إنو مبارح رحنا على جبل حفيت حيث المياه المعدنيه الحااااااره

والله شي رعه

رحنا قبل المغرب بشوي

شوينا ....

شربنا شاي عالفحم ......مممممم

ويا سلام

وجينا بدنا نرجع عالبيت 12

إمنا قلنالو لبابا ياخذنا على مجرى المي لنحط إجرينا بالمي

ناااااااااااااااااار والله

طفت كل قهري مع إني فكرتها راح تشعلوا:d

ورجعنا 1و نص بس لرجال ضلوا للست الصبح لأنو كانوا يسبحوا

وشكرا لأنكو سمعتوا هالقصه الطويله اللي مالها معنى بالنسبه إلكو

بس بيت القصيد إني واللللللللللللللللللللللللللللللللللللللللللللللله اشتهيتكوا تكونوا كلكو هناك

وتخيلت جمعتنا:(

بعدين قلت يارب إذا ما جمعتنا دنيا تجمعنا آخره بالجنه

آميييييين


آمين .........


و ااااو رحتو ع المبزرة و لا بس ع جبل حفت؟؟؟؟

بس روعه أنا رحتلها .......

و المي السخنه في اماكن حارة و دافيه....

بس كتيييييييير مفيدة و روووووعه ......

أنا مرة رحتلها من قبل و إلها ذكريات معي....

بس أكيد الجو هنيك أحلى من دبي ((دبي أشوب مو ))

(دعايه للإمارات زوروها شباب)


.................................................. ......................................

*أنا حإعترف اهتراف يمكن طنطاويه و سيف الدوله ينقهرو مني.....

طنطاويه حتنقهر لأنو بتحب اللغه العربي و سيف حيزعل .......


الآن شوفو ليش حيزعل....


بإمتحان العربي ....
كان في سؤال المسطلح ....
وكان السؤال:
أمير حلب المدافع عن العروبه شاعر و فارس اجتمع في بلاط الشعراء((............))قامة :rolleyes: رفيقتكم الشاطرة .......تميت ساعه عم فكر...أبو فراس الحمداني و لا سيف الدوله....

بالأخير تشاطرةو نعما ع قلبي و حطيت أبو فراس الحمداني:( ....
و طلعت خطأ و نقصت عليها علامتين....

ولله طقيت قهر يعني معقول إذا مو سيف الدوله تبع الماضي سبف الدوله الحالي....

[طنطاوية]

إي والله رحنا أول شي قعدنا عند النافوره لأنو أقل زحمه

بعدين دخلنا لعند المي

يالله بنتظرك بزياره;)

ومشان الجو same same

ومشان انقهلر منك ما انقهر بدي انقهر مرتين مو مره

أولا يا بنتي افهميني مصطلح مو مسطلح

كل مصطلحات الجيولوجيا اللي مجننك وبتخربطي !!!!

وبعدين الله يسامحك هاي غلطه !!!

بس معليش أنا كمان عندي غلطه اليوم

يعني ما بعرف وين كانوا عقلاتي!

بس أنا ما بنقص درجتييييييين يا ظالمه بنقص 0.1 و أنا ماني شايفه شكل النبته من جوا بس إنت سيف الدوله بوشك 24 ساعه

الله يهديكي!!:)

واعترافي لليوم :

قال أنا بكره عندي متحان درستوا متلالطياره ..خلصت 5 العصر وقعدت :D

[سـالي]

أعترف..
1/ أني سالي سامي
2ـمشتهيه على كوب شاي حااااااااار مش باااارد :confused:
3/أحبكم في الله

[ريتاج]

1- بعترف اني متسرعه في الحكم
2- بعترف اني بحب هذا المنتدى بجنون.. مو قاااااااادره اكرهه..:36_1_25:

3-بعترف اني بحبكم في الله ..وسعدت بمعرفتكم..:36_1_1:

شكرا اختي مــــــــــــــــاسه على اللعبه الحلوه..

[بلسم فلسطين]

لعبة حلوة
1- بعترف اني عنيدة .
2- بعترف اني متسرعة بالزات باجوبة حل الامتحانات.
3- بعترف انو هاد المنتدى الوحيد اللي حبيتو.:36_1_39:

[دمعة قمر]

1- بعترف انه هاد المنتدى الوحيد اللي بحبو

2- بعترف اني حزينة طول الايام

3- بعترف اني بحبكم في الله:36_6_10:

[شهرزاد]

هذي اعترافاتي ..

أعترف إني هلأ جيعانة مرررررررررة ومشتهية قهوة عربية .. اهيء اهيء أمس ما تعشيت ونمت وأنا جيعانة .

أعترف بأني صرت العضوة المتميزة لهذا اليوم .. ههههههههههههههههههه

أعترف بأني ولله الحمد مبسوطة وفرحانة