خطب الفتاة .. ثم .. خرج ولم يعد

[همسات]

:36_13_2:
تقدم إلى الفتاة ليخطبها،
وعند الكثير من العائلات رغبة في استخدام المباح لهم من الرخص فيطلب الخاطب أن يرى مخطوبته،

مما يسميه البعض (النظرة الشرعية) .. تتم الخطبة ثم يمضي الشاب .. وتغرق الفتاة في بحر من الخيال والأحلام..

ولكن بعد طول انتظار لا يعود الخاطب لاستكمال المشوار لعدم قناعته بالعروس، ربما لأنها غير

متوافقة مع الصورة التي رسمها في خياله لفتاة أحلامه،

أو ربما لأنها عكس ما وُصفت له، ومهما كان السبب في عدم العودة

موضوع نعايشه في كل يوم نظلم بسببه فتيات ونتسبب لهم بالام نفسيه ولا نكترث بهن

هنا ومن هذا المنبر نفتح لكم المشاركات والاراء والنقاشات ...

نرجو من الاخوات عدم الحساسيه ومن الاخوه عدم التزمت والتجريح


همسات...

[أروى]

مشان هيك بقولو لازم الإنسان ما يعلق نفسو بالم الأوهام .....

بس بصراحة ...خطأ كبير ع شاب ..لأنو الوضع الطبيعي يقول ((نعم أو لا))

فإذا قال لا يمكن أهل المخطوبة يزعلو بس بعدين عادي ...في ميت واحد غيرو...
و إذا قال ((نعم ))خير و بركة

بس لما بخرج و ما بيترك خبر ...هذا اسمو هروب من الواقع ....

((وبصراحة احسنلهم بلا من واحد ضعيف شخصية))


و لازم الإنسان يحط ببالو أنو كلشي كاتبو الله خير .....و انو هذا الخير ..مو يعيشو في عالم من الأوهام و الخيال ....


و يعطيك العافية اخوي همسات ع طرحك لهذا الموضوع .....

[ريح الجنان]

بالنسبة لموضوعك اخيت الكريمة الشاب لما يروح يخطب اي فتاه عليه قبل كل شي ان يخترها على ديناها واخلاقها هذا اهم شي قبل الجمال
وعلى الام ان تذهب لرؤيتها قبل الشاب وان تصف للشاب الفتاة التي رأتها واذا اقتنع الشاب بكلام امه فعليه ان يذهب لرؤية الفتاه ان اعجبته فسيوافق وان لم تعجبه فلا داعي بأن يخبر امه بذلك ولا حرج في ذلك فالفتاه ستتزوج ولن تترك هكذا ان لم يتزوجها هذا الشاب فهنالك شباب كثر

هذا مجرد رأي
بارك الله فيكم

[Loty]

انا مع اروى 100% باللي آلتو
اذا ما بدو .. أحسن في مية واحد غيرو
و بلا من واحد ضعيف الشخصية متل ما حكت
مشكور أخي ع الموضوع

[ريحانة القلب]

انا بضم راي لكلام اروى

وسندس كلامها معقول

[ماسه]

والله موضوع هام اخي همسات
مشكور لانك طرحته
والله ماساة انه بنت يتركها الخطيب بدون سبب واضح
يعني هاد الشي الا ما يهز ثقتها بنفسها حتى و ان كانت رائعة
هاي مشكلة والله
الاصل انه لو بدو يلغي الارتباط يكون باسلوب لائق و محترم و يوضح السبب مشان هي بس تفهم و ما تضل محتارة و بالها ينشغل و يصير فكرها يودي و يجيب
والله من 10 ايام بس تعرضت بنت بعرفها لهاد الموقف...مسكينة رح تنجن من اللي عمله
حرام قطعتلي قلبي
هو صحيح انه كل شي قسمة و نصيب
بس والله الواحد بيزعل و بتعز عليه نفسه!!!

[همسات]

شكرا على مروركم العطر...

الموضوع مو ضعف شخصيه من الشاب وبس
قد يكون ما حب يكسر خاطرا فاختار هالتصرف
قد يكون له الف عذر...

وانا ضد هذا الامر بكل جوانبه السيئه ...

اللهم ارزق بنات المسلمين شباب متديينين وملتزمين يخشون الله

وارزقهم شباب وسيمين...هلق كل البنات بروحو بتوضو وبقولو امين:)
همسات...

[لبنى]

اختي همسات
الشي المعتاد انو الخاطب يشوف خطيبته وهي بنفس الشي لازم تشوفه حتى كل واحد فيهم يقتنع بالثاني
بس فترة الخطوبه مش مضمون المشروع فيها يعني مافي داعي انو الواحد فيهم يسرح بغير عالم ويتخيل وما اعرف شنو يعني لازم يكونون واعين وبلا لعب بالمشاعر لانو هذي فترة اختبار وتضبيط الامور واذا هو ماعنده اصل ولا حسن تصرف راح يترك الناس بلا خبر
ومثل ما كالت اختي ريح الجنان لازم الاهل يعطون صوره تقريبيه للبنت مو يخلوها مفاجأه

[life hope]

اولا مشكور اخي ع طرحك هاد الموضوع الهام

بس من رأيي انو هادي الايام صار العرف انو الشب والبنت بجلسوا وبشوفوا بعض قبل الخطوبة وهاد شي لا بد منو يعني مش معقول (متل ايام زمان) البنت ينكتب كتابها بدون ما انها تشوف الشب وغالبا الحالة يلي حكيت عنها بيكون المبرر قوي ويوجد سبب جعل الشب ما يرجع

طبعا بيكون السبب معقول بس مش يكون بدو اياها ملكة جمال العالم وراح لقيها ملكة جمال البلد فما رجع ولا بدو اياها بنت بلغيست راح لقيها بنت عبد الحميد شومان فما رجع

يعني لازم المبرر الاقوى يكون الدين يعني الرسول -صلى الله عليه وسلم- بيقول((فاظفر بذات الدين تربت يداك))
والامر ما بيخلو كمان في ناس بياخدو بنات العالم تسلاية وهادا شي اكيد حرام وفعلا بجرح البنت كتير بس كمان ما لازم البنت تاخد الامر بحساسية زيادة ولازم تعرف انو كلشي نصيب واكيد انو البيجي من ربنا بيكون في الخير بل كل الخير

عذرا ع الاطالة ومشكور اخي

[همسات]

لبنى اناااااااااااااااااااااااااااااا شااااااااااااااااااب... وشكرا لردك الجميل

Life Hope شكرا على مررورك العطر

[لبنى]

هههههههههه
اسفه يلله راح اضل متذكره انك شاب

[همسات]

لك وينكن يا بنات

ونكن يا شباب بدنا حركه ونقاش...:36_1_25:

بدنا مشاركات ...:36_1_1:

همسات...

[ريحانة القلب]

شكرا على مروركم العطر...

الموضوع مو ضعف شخصيه من الشاب وبس
قد يكون ما حب يكسر خاطرا فاختار هالتصرف
قد يكون له الف عذر...

وانا ضد هذا الامر بكل جوانبه السيئه ...

اللهم ارزق بنات المسلمين شباب متديينين وملتزمين يخشون الله

وارزقهم شباب وسيمين...هلق كل البنات بروحو بتوضو وبقولو امين:)
همسات...


والله ليش ما نقول امين يعني

يا جماعة حمو الموضوع شوي

[همسات]

ايه والله يا اسماء الفتاة لازم ما تخجل ان تدعي ربها ان يرزقها
بزوج وسيم مفتول العضلات ويتوج ذلك الدين والخلق السمح والقلب الحنون...

وعفكره انا دائما بدعوا لربي انو يرزقني بفتاة جميلة متدينه تصونني ونفسها في غيابي...

وتحترمني وتساندني في السراء والضراء...

شكرا ام السوس:) مشاركاتك رائعه وصريحه...

همسات...

[شهرزاد]

السلام عليكم

مشكووور على الموضوع أخ همسات ..
رأيي أن النظرة الشرعية لا تكون أبداً بالساهل..
على والد المخطوبة أن يسأل عن الشاب المتقدم مدى جديته واتزانه.. هل هو مستعد للارتباط .. هل هو موافق مبدئياً على الأوصاف التي ذكرت له عن الفتاة دون مبالغة؟
فالنظرة الشرعية لا تكون دون معرفة.. لأنها ليست إلا تحديد شيء واحد.. الراحة النفسية ..
أما أعجبتني أو لم تعجبني فهذا دلع شباب .. وإن لم يرض من الأصل بالأوصاف التي ذكرت له فلم طلب الرؤية الشرعية؟
والعذر الوحيد المقبول أن لا يكون الله عز وجل قد ألقى المودة بينهما في هذه النظرة .. أو أنه استخار ولم يوفق بينهما.

[همسات]

شهرزاد...:36_1_39: :36_1_39:

شكرا على مرورك الرائع ...

اتمنى ان ارى مشاركاتك تملئ مواضيعي....

همسات...

[شهرزاد]

شهرزاد...:36_1_39: :36_1_39:

شكرا على مرورك الرائع ...

اتمنى ان ارى مشاركاتك تملئ مواضيعي....

همسات...

أخي همسات... ما توصي حريص..
الله يرزقك بفتاة أحلامك ..
على فكرة .. أنا أيضاً كنت أحسبك (أخت) وأحياناً كثيرة أنسى إنك شاب حتى بعد ما عرفت .. وأحياناً بعد ما أكتب ردي أرجع أفتكر وأغير من أختي همسات إلى أخي همسات..
ربما لأن اللقب أنسب لنعومات رقيقات زهرات يااااا.. همس[COLOR="red"]اااااات[/
هذا مجرد رأيي لا أكثر.. أتمنى أن تتجاوزه إن أزعجك .
COLOR]

[همسات]

رأيك على عيني وراسي ... وابدا ما بيدايق...

شكرا لمرورك الكريم...

همسات...

[لين]

انا بضم كلامي لأروى

[ريتاج]

اضم صوتي لرائعه شهرزاد

[شهرزاد]

مشكورة مية ألف يا ريتاج:36_1_39:

[سوار]

شلون هاد الموضوع انا مو شايفو..............
وكمان لهمسات

يا جماعة همسات وينو ماببين هادي الايام

مين بيعرف عنو شي


مش عارف مع مين بدي اتخانق في المنتدى بعد ما غاب
خلي يرجع لنتقاتل..............

خخخخخخخخخخ

[قمر الزمان]

أنا من رأي أن الشاب لازم يشوف البنت قبل لا يروح يخطبها بشكل رسمي من عند أهلها حتى يكون رايح يخطبها وهو مقتنع فيها مش بعدين يحطها ف موقف صعب ومحرج وأتمنى من كل شاب يفكر منيح قبل لا يخطب البنت وما يتسبب ف احراجها لأنها من الجنس الناعم والحساس.......

هذا رأي وبكل صراحة ومشكور أخي همسات لأن بالفعل موضوعك جميل وفي غاية الأهمية

[نسيم]

فعلاً هذه مشكلة
اللهم اهدي جميع المسلمين
هذه التصرف خاطئ
والأفضل أن الشاب يراها قبل خطبتها

[العقيد]

السلام عليكم ورحمة الله وبركاتة
موضوع حلو لك همسات
بس شو بيصير لو انو البنت هي اللي رفضت بعد الشب ما وافق
ولا نحنا ما عندا مشاعر واحاسيس شو وعلى فكرة انا مريت بالشي
وبعدين بخصوص النظرة الشرعية وانو اهلوا بوصفولوا البنت لك والله يا اخوان الشوف مو متل الحكي
يعني ممكن يحكولك شي وتشوف شي تاني مومتل اللي توقعتوا بالوصف
لما ما كان يعجبني الموضوع ما كنت ارجع وكان يصير انو عاجبني وعاجب البنت واهلها ما يعجبهم واحيانا ما يعجب البنت لحتى يصير النصيب ، وبعدين كأنوا في عرف عنا انو اذا ما رجع خلال فترة معينة يومين تلات بكون ما في نصيب شو بنا خاي:36_1_39:

[سنا البراري]

السلام عليكم ورحمة الله وبركاته
طرحك قيم أخي همسات جزاك الله خيرا
أولا لم تأتي الأم أو الأخت أو من يتم ارسالهم الى أهل المخطوبة ؟، اليس لوصف الفتاة للشاب حتى يكون في الصورة وان لا يخدع
ثم يأتي الشاب حتى يراها وهذه الرؤية الشرعية الحق
اما ان يتركها خطيبها فأظن انه ضعيف الشخصية لأنه لو لم يردها لرفضها من قبل حتى من قبل ان ايراها
يعني من وصف الأهل لها
واظن ايضا لو الأب تأكد من اخلاقه ومن دينه ومن كل الجوانب لما وقعت الفتاة في مثل هذا الوقع
جزاك الله خير اخي
وبالنهاية نقول :كل شيء بيد الله وكل شيء مكتوب عند الله من اول يوم يولد به الانسان الى آخر يوم يقضيه في هذه
الحياة الفانية
وكل شيء نصيب
تحياتي لك اخي :36_1_39: سنا البراري :36_1_39:

[شهرزاد]

أخي العقيد
بالفعل إضافة في محلها ..

لذلك من الأفضل أن توصف الفتاة للشاب العازم على الخطبة وصفاً غير مخل بالحشمة ويعطيه في نفس الوقت صورة وضحة لصفاتها .. كما هو من الأفضل أن تقدم صورة للشاب الخاطب العازم للفتاة ..

وبالعكس للشاب مشاعر وأحاسيس ولعلنا نغفل عنها دائماً إذا كانت في كفة مقابلة لمشاعر الفتاة وأحاسيسها ..
هذا كل ما في الأمر

تقبل خالص احترامي وتقديري..