اريد حلا.....(4) مررت بموقف محرج...كيف انسى

[ماسه]

المواقف المحرجة
الله الله
:36_1_24: :36_1_24:
الاحراج و ما ادراك ما الاحراج....
:36_13_5:
كلنا " وما حد يقول الا انا " مرينا بمواقف محرجة...
اللي انطرد من محاضرة
و اللي تبهدل لانه كان بيحكي مع صاحبه و مو عارف ياجل المضووع لتخلص الحصة
واللي انمسك و هو عم يبعت مسج بنص المحاضرة
و اللي ناسية تحل الهوم وورك و انقلت ايميتها قدام كل الشعبة
واللي وقعت و فلان ضحك عليها و ما ترك حد ما قله...
و اللي و اللي
:36_1_19: :36_1_19:
و مشان اكون موضوعية..و اشجعكم و نبدا...انا كتيييييييييييييير كنت "اتنبهت" مشان كنت اضحك بالمحاضرات...كل يوم تقريبا....اما ما بعد التنيه فلا تسالوني شو......
:36_1_44:

المطلوب منكم....
هو التالي:

مناقشة اثر المواقف المحرجة علينا..
بننسى و لا بصير عنا فوبيا؟؟
و كيف بنتصرف بالموقف المحرج...بنقلبه مزح "متل ما انا بعمل" و هيك بضيع الموقف..و لا بنتكركب و بيقلب الوش احمر..و النهاية الانسحاب و نحن نجر اذيال الخيبة ....

:36_1_10: :36_1_10:
و بنصير نتحنب نشوف فلان لا يكون متزكر و علتان لا يكون مو ناسي..
هاتو لشوف
:36_15_24: :36_15_24:

[ريح الجنان]

السلام عليكم

يعني بالنسبة للمواقف المحرجة حصلت كتييييييير كتيير معي خصوصا بالكلية هههه

وبالنسبة لي كيف اتصرف مع المواقف الي بتحصل معي اذا كانت قدام استاذ يعني شو حيثير يعني بتلون كل الالوان ومابعرف شو راح اعمل

اما ذا كانت قدام مجموعة من البنات بصير اضحك على حالي احيانا هههه وبنصير كلنا نضحك ههههه

هيك بس انا بحولها هههههه


يلا خلينا نشوف رأي الباقية

[ماسه]

يا هلا يا سندس
نورتينا....
والله انا دكتور او دكتورة...شو ما كان الوضع....بحاول اتصرف...اهم شي ما اطلع بالكسفة انا بالاخير....
:36_1_13: :36_1_13:

[سما]

"]]اااااااااااااااااااااااااااااااااااااااااااااااخ يا ماسه فتحتيلي مواجعي عن الي صار معي اليوم

اسمعوا يا جماعه الخير شو صار معي اليوم علشان تبكوا معي:36_1_4:

اليوم كان عندي برزنتيشن عن قصه قارون

وطووووول مبارح وانا عم اكتب .... واحفظ ...... وأألف ....... :36_13_3:

وانا دااااائما متعوده اي برزنتيشن بكون عندي اكون محضره ولما اطلع اقدمه اطلع بكل ثقه واشرح عنه بدون اي مشكله

بس المشكله بهي السنه التعيسه من اولها انو ما عادت من السنوات الي مضت شوفوا شو التغيير الي صار ....

البنات بدهم اي شي يعلفوا عليه :36_6_1:

الشباب طلعلهم شوارب وصارت اشكالهم متل الزلام الكباااااااااااااااااار ...:36_6_1:

وكان الموقف محرج كتير كتير كتير

والقاعه كبيييييييييييييييييييييييييره وعدد الطلاب 40 :36_6_1:

يعني خربان بيت

وفجأه ما الاقي حالي الا انا نسيت كلللللللل الي بدي احكيه من الخوف والتوتر :36_1_10:

وصرت أتأتأ وبطلت عرافه شو بدي احيكي والكل بطلع علي هيك ؟؟؟؟::36_6_4:

وحسيت حالي رح يغمى علي كمان شوي من الخوف والصدمه:36_11_1:

المهم ما كان قدامي غير انو احكي للمسؤوله انا بدي اقدمه بعدين :36_1_13:

بس بكل اسف كانت اجابتها ........... طيب بس رح تبلش علامتك من اربعه

يعني ال full mark بالنسبه الي هلأ اربعه من خمسه

يعني لو ابدعت رح تبلش تحسب علامتي من اربعه من خمسه :36_1_25:

وانا فكرت حالي رح ابدع اليوم زي ما تعودت اعمل بأي برزنتيشن عندي بس هالمره كانت النتيجه ............ :36_1_44:

انا ..... انا ....... انا ...... انا ..... يا اعضاء انكسفت كسفه كبيره :36_1_44:

شمتوا الناس فيني:36_1_10:

انا كتير زعلانه :36_1_44:

[شذا الاقصى]

انا حصل معي موقف وانا على باب الجامعة
لسة بدي افوت الا والجامعة كلها شباب والبواب بيحكيلي يا عمو اليوم دوام شباب

تخيلو الاحراج

بس الحمد لله بعدين اجا اخويا ودخلت معه بالعافية لحتى اسجل بالجامعة


المهم اني على طول اتصلت على اخويا وانقذني

انا لاني اصغر وحدة بخواتي كتير متكلة عليهم

[ماسه]

:36_11_6: :36_11_6:
يات حرام يا سما
لو شفتوها مبارح و هي سهرانة لبعد 12 بالليل تحضر للبريزينتيشن...بتشفق....تايهة بين الكتب و عم تنقل..
اليوم اول ما رجعت من المدرسة...رمت الشنتة...و كانت قمة في الياس....
لا و قال شو متل ما قالتلكم...اكتشفت انه ولاد صفها صاروا كبار و الهم شنب...قم خافت و ارتبكت و نسيت المادة اللي حفظتها

يللا معلش سما....ابدي من 4 علامتك....عالقليلة احسن من اول بريزينتيشن عملته....

عاشقة الفن الملتزم...يللا تعيشي و تاكلي غيرها...
موقف نهفة بجد..


بس ليه يا اعضاء ما عم تردو عالاسئة؟ هاي مشكلة...ما بدنا بس نحكي شو المواقف المحرجة اللي مرينا فيها لانه من فترة نزل هاد الموضوع...احنا بدنا نناقش المشكلة...بالاضافة لذكر هاي المواقف و كيف تعاملنا معها

[شذا الاقصى]

اوكي ماسه
مناقشة اثر المواقف المحرجة علينا..
بننسى و لا بصير عنا فوبيا؟؟
و كيف بنتصرف بالموقف المحرج...بنقلبه مزح "متل ما انا بعمل" و هيك بضيع الموقف..و لا بنتكركب و بيقلب الوش احمر..و النهاية الانسحاب و نحن نجر اذيال الخيبة ....


انا بالنسبة ال بنسى

لا بصير على طول وشي احمر وبتكركب ويمكن ابطل اعرف احكي

[سما]

لا ولا احلى شي وانا طالعه اقدمه بكل ثقه :36_1_22:

زي كأني برنسيسه وواثقه من حالي اني رح ابدع :36_1_11:

بس اكتر شي نرفزني الكسفه والصدمه الي كنت فيهم :36_6_1:

على كل حال ....................... ااااااااخ شو بدي احكي

خليها بالقلب تجرح

[life hope]

و كيف بنتصرف بالموقف المحرج...بنقلبه مزح "متل ما انا بعمل" و هيك بضيع الموقف..و لا بنتكركب و بيقلب الوش احمر

والله انا لما اصير بموقف محرج بصير لوني احمر ع اصفر ع اخضر(كل الوان الطيف المرئي وغير المرئي):36_1_25:
وازا ضحكت من برا بكونمن جواتي معصبة

وبصراحة انا بضل وقت لانسى الموقف وكل ما ازكرو بعصب

يعني بالمختصر المفيد ما بعرف شو اعمل لما اصير بهيك موقف:36_11_1:

بس يلا هلا بنتعلم من تجارب الآخرين يلي سبقوني .....يعني الحمدلله ما عمري مريت بموقف متل يلي زكرو ا ..كان دايما يكون ع اخف شوي

مشكورة ماسه ع طرحك للموضوع ...بس صدقيني طول وقت كتابة الرد وانا ازكر بالمواقف يلي مريت فيها:36_1_38:

يعني اجا ع الوجع:36_11_1:

[عراقية]

السلام عليكم كيف الصحة والاخبار
في الحقيقة اني لسة مدخلت للكلية انتظر القبولات
بس اني لو مريت بموقف مخجل كالعادة اعوف المكان وما ارجع مرة ثانية بي

[ماسه]

شذا الاقصى
لايف هوب
سما
العراقية
الف شكر الكم على مروكم و مشاركاتكم الجميلة...
و هاد بالزبط اللي انا كنت عم بحكي عنه....
انه بنترك المكان و ما بنرجعله متل ما قالت الاخت عراقيه..او بنتركب و بنخجل و بصير وشنا بالالوان...
و هاي المشكلة اللي بدنا نحلها.....
انه كيف ممكن نخفف من حدة المواقف المحرجة علينا

[سوار]

بصراحة كتير مرات بمر بمواقف محرجة
لا تعد ولا تحصى

بس والله التصرف بكون حسب الموقف يعني ازا كان قدام صاحباتي او معلماتي يلي انا معهم صحبة عاااااااااااااادي وبلعكس بصير الموقف نكتة

اما ازااااااااااااااااااااااااااااااااا كان مع حدا غريب بالشارع او بمكان عام الله لا يورجيكم................
بس الحمد لله انو انا من النوعية يلي عندها جرأة

[ماسه]

اها
حلو يا شعلة الامل...
بتعرفو انا بشوف انه ازا الشخص عنده سقة بنفسه...بيقدر بطريقة او باخرى انه يخلص حاله من الموقف..و انه ما يتاثر فيه كتير..
ولا شو رايكم

[سوار]

صيحيح كلامك زالله هادي الشغلة كتير بتساعدني خاصة بهيك مواقف

[life hope]

والله الثقة بالنفس الها دور كبير للخروج من المشكلة
كمان برأيي سرعة البديهة والحكمة ضرورية كتير للخروج من الموقف بنفس اللحظة وتغيير الوضع لصالح الشخص وقلب الموقف بشكل كلي

[سما]

لايف هوب ...... ازا الشغله شغله ثقه بالنفس

هههههههههههههههههههههههههههههههههه

انسي الموضوع اذا هههههههههههههههههه:36_1_10:

[المرجانة]

كتير بتسير مع الوااحد مواقف محرجة جداا

ومن كتر ما هي محرجة ما بتقدري تخلصي حالك منها

احكيلكم هل موقف

مرة انا واختي وخالتي طالعين واحنا قاعدين عم بنمشي بسلام مالقينا غير اختي واقعة

طبعاا وااكيد الدنيا ما بنتخلى من الشباب وكان يومتها الشباب في كل مكان (سبحان الله )

اختي يومتها انحرجت كتيرررررررررر واحنا مش عارفين شو نعمل من الضحك وكيف وقعت وصرااحة الوقعة كتير محرجة اجرها بالسما ويدها تحت


ههههههههههههههههههههههههههههههههههههههههههههههههه



ههههههههههههههههههههههههههههههههههههههههههههههههه


زي ما حكت لايف هوب سرعة البديهة والثقة بالنفس

وبعدين الشاطر يلي بطلع حالوا من هاي المواقف المحرجة



الموضوع روعة للنقاش

مشكورة كتير ماسه على الموضوع الراائع

دائمااا مميزة وبتلمعي متل النجوم في السما

[سوار]

ههههههههههههه
الله يعينها اختك
والله حزنتيني
الله لا يعيدها

بس الواحد شو بدو يعمل بدون وعي بتصير هادي الاشياء شلون مابنعرف

وبرضو الواحد بيلتخم فيها وما بعرف يتصرف
يعني الهداية من رب العالمين

[ريحانة الرسالة]

بسم الله الرحمان الرحيم
بداية كل منا مر بموقف او بالاحرى مواقف محرجة
لكن ردة الفعل الناتجة عن ذلك الموقف تكون زمكانية وتختلف باختلاف الشخص الذي احرجك اي ان معالجة الموقف او كيفية الخروج منه تختلف
احيانا امرر الموقف مرور الكرام و كاني لم اسمع ما قاله لي الطرف الاخر
ومرة انظر الى الاخر بنظرات اجعله يحس اني لم يعجبني الكلام و لا اهتم لكلامه
و احيانا اقول له هذا رايك احترمه ولكني لست بحاجة اليه و يمكنك الاحتفاظ به وابتسم في وجهه
احيانا اخرى اخذ الكلام الذي قيل لي او ما احرجني و ابلورة و ارده الى قائله بطريقة اجعله هو المحرج وليس انا

استطيع ان اجرج نفسي من المواقف و لله الحمد
اما ان كان استاذي فلم يحصل معي بالجامعة لكني اتذكر يوما كنت بالاعدادي فاردت ان اشرح احدى القواعد فلم انجح وقع لي ما وقع لسما فاعتذرت للاستاذ و قلت له انا اعلم الفكرة لكني لم استطع ايصالها اعتذر و كفي
بالنسبة ان وقعت في موقف محرج مع العامية امام من لا اعرفهم سقطت تدحرجت فردت فعلي ككل الناس احمر و انظر ان كان هناك من راني و اكمل طريقي

[ذات الدين]

والله اختي ماسه انا مريت بموقف متل الموقف الي مرت فيه

اختنا سما ههههههههههههههههههههههههههههههههه

بس الحمد لله تخلصت منها بفضل الله لاني تعودت علي البرزنتيشن

كل يومين الا انا عماله برزنتيشن الشغله صارت روتين ......

الله يجزيكي الخير اختي ماسه على الموضوع ......

فتحتي مواجعي الي من ايام الطفوله

[ماسه]

مشكورين
سما
لايف هوب
شعلة الامل
ريحانة الرسالة
ذات الدين
المرجانة

والله تصرفك جدا حكيم و منطقي يا ريحانة الرسالة...بس بدك واحد يتمالك اعصابه و يعمل متلك...مو كلنا بنقدر نتصرف المشكلة...
بالمناسبة...
الحمد لله عالسلامة يا ريحانة طولتي الغيبة كتير

و يا مية هلا يا ذات الدين
نورتينا والله
و يللا معلش...
بنفتح عليكم المواجع و بنضحك عليها شوي...

:36_1_1: :36_1_1: :36_1_1:

المرجانة...تعي لهون..مين من خواتك اللي وقعت...اسمي بعرفهم كلهم خليني اضحك عليها..و احطها بموقف محرج تاني...
:36_1_13: :36_1_13: :36_1_13:

[سوار]

مو حرام عليكي يا ماسة

[^_^غصــــــون^_^]

شكرا ماسة على الموضوع .. والله كتييييير حلو...ويا الله من المواقف المحرجة...

أنا صار معي موقف محرج كتير..وهو..

مرة كنت واقفة بالكليدور بالكلية وفجأة مر دكتور بيدرسنا...وأنا من ربشتي لأنو كنا أنا ورفقاتي عمنقيس طول بعض ((الكلية للبنات بس)) ما عدت أعرف شو ساوي لأني كنت شالحة كندرتي...ويا ويلي شو صار بعدين...تزحلقت قدام الدكتور...والله هالموقف ما بنساه بحياتي...والمشكلة أنو بابا دكتور بنفس الكلية يعني كل الدكاترة بيعرفوني....فضيحة:36_11_1:


أنا من جهتي بعتبر أنو ما صار شي....وأحيانا بغير الموضوع وبخلي اللي حوالي ينسوا...

[ماسه]

يا حرام يا غصون
لا و الحلو والدك دكتور بالكلية
كملت
فضيحة بجلاجل....
يللا معلش
تعيشي و تاكلي غيرها

[المرجانة]

ماسه

رقم اتنين عنا العروس

حرام عليكي تحرجها

بتعرفي يومتها كمان انمزع جلبابها

ههههههههههههههههههههههههههههه

[ماسه]

له له له
ههههههههههههههه
العروس اللي صار فيها هيك..
والله ممسك حلوووووووو

[المرجانة]

شايفة بس هادا قبل 4 سنوات

ههههههه

انتي اشوف مواقف محرجة صارت معك

[AYMAN SYRIA]

والله موضوع حلو يا ماسه

انا اذا صار معي موقف محرج اما بفلبو مزح او بدخلو بموضوع تاني او بقلب الشغله عليه يعني بطلع الحق عليه هو بعتذرلي (يعني بقلب السحر على الساحر)

انا هيك عادة بعمل فما بعرف شو رايك ؟؟؟؟؟؟؟؟؟؟؟؟؟؟

[ماسه]

والله خطة رهيبة يا ايمن
يعني انت بتطلع منها متل الشعرة من العجين ولا كانه الك علاقة
انا هاد اللي بدي اوصله....كيف نتخلص من الموقف بدون احراج كبير...يعني نتصرف بسرعة..

اما انا يا المرجانة لا تعدي...بمر بمواقف كتير....بس ما بتزكر انه اي واحد منهم طلعت انا بالخجلة فيه

اكتر المواقف سببها اني بضحك بالمحاضرة...انا هيك طبعي ما بقدر اكتم الضحكة...

او متلا و انا سنة اولى سنفورة ادخل على محاضرة مو الي....
ما كنت اطلع احضرها للاخر..و لا اطلع قدام الشعبة و ينضحك علي...
بس يعني الواحد مو طايق يحضر محاضراته مشان يتحمل محاضرة مو اله كمان...

[ذات الدين]

الله يكرمك اخيتي ماسه على الترحيب ..... انت الوحيده الي رحبيتي فيني لحد الان:36_1_44:

ههههههههههههههههههههههه

على كل حال الله يجزيكي الخير على موضوعك ....هي اول مره بفتح قلبي لحد متل هالمره:36_3_11:

اختكم في الله :ذات الدين:36_1_39:

[سما]

ولا يهمك حبيبتي ذات الدين هي احلى ترحيب مني

:36_1_39: :36_3_14: :36_3_16: :36_7_9: :36_3_12: :36_3_11:

حياك الله وبياكي بالمنتدى اخيتي ذات الدين

يا ميه هلا ومييييييه غلا ....... نورتي المنتدى والله اسعدتنا بحضورك :36_1_13:

حياك الله ::36_7_8:

[ذات الدين]

الله يحيكي اختي سما ...... ياسلام على الترحيب الحااااااااار والرائع منك ....

والله المنتدى منور فيكي وبأهله .....

شكرا كتير على الترحيب ...... والله رح ابكي من الفرح :36_1_44:

هههههههههههههههههههههههههه

اختكم في الله:ذات الدين

[اليمـــــامة]

موضوع حلو كتيييييييييييير .... ماسة .... يعطيكي العافية ....



اخخخخخخخخخ من المواقف المحرجة ....


انا مرة كنت السنة الماضية بالمدرسة ... كان عنا حصة E وكنت محضرة الدرس ... ومنتبهة مع المعلمة .... وكله تماااااااااااااااااام التمام .....

المهم رفعت ايدي عشان جاوب وجاوبت .... وبعد ما خلصت اجيت عشان اقعد ... قلب فيني اللكرسي ... والمعلمة فكرتني متت ...

المعلمة كانت حلبية ... صارت تصيح ... لك بنتي (.........) وينك ... شو صارلك .... وصارت تحكي لرفيقتي اللي جمبي شو فيها وين راحت .... بس رفيقتي كانت فرطانة ضحك ... ما حسنت ترد عليها .....




بس الحمد لله نسيت الموقف ... لاني انا كل شي باخده بمزح زضحك عشان ما انهم ....


بس في مواقف صعب كتييييييييييييييير ننساها وما بتنحكى ...هههههههههههههههههه........







تحياتي :::





& اليمــــــــــــــــامة &

[ماسه]

هلا ذات الدين واجبي ولو....
هلا رح انزلك احلى موضوع ترحيب بمملكة التراحيب.....روحي شوفيه لا تنسي...


اليمامة...
والله انا اللي رح اقلب من الضحك من الموقف الي صار معك....
مرة وحدة قلبتي....

ههههههههههههه


يللا معلش...

موقف حلو...

[المرجانة]

ماسه

احكيلي أكتر موقف محرج صار معك

ومتى وين ؟؟؟

ها ها ها ها

[ماسه]

والله كتير صارت معي اشياء..
امممم


يعني خليني اتذكر...



اوك..


مرة هيك الصبح ...كنت مكيفة على حالي...مانقة و لابسة تنورة بيضاء...ناصع بياضها...و نازلة عالحسين و كلي تفاؤل و امل...


ماشية في امان الله..

ما اشوفلك الا واحد صاحب محل عم يقشط و يروح زايح كل المي جهتي بالقشاطة و بعنف...


الله الله الله

التنورة البيضا كاااااااااااااااانت بيضا...و مشواري باوله...

الحلو بالموضوع انا وقفت و هو وقف...
لا هو عارف شو بدو يحكي....و لا انا....اخر شي بلش يعتذر...

انا تركته و مشيت و من القهر مو طالعة معي و لا كلمة..
اول تكسي و عالبيت..

في غيره كتير مواقف..
لكن غير صالحة للنشر

[سوار]

ههههههههههه
يلا تعيشي وتاكلي غيرها

[المرجانة]

هههههههههههههههههههههههههههههههه

يا ماسه

يا حراااام

ههههههههههههههههههههههههههههههههههه


مسكينة

انا لو مكانك بدير طشت المي او باخد منه المساحة وبرشق عليه


بس مش هيك اخلااااق المسلم

غير صالحة لنشرر

يا لطيف ليش في أفظع منك هيك

انا بس اشوفك راح اخليك تحكي

خليني أضحك عليك شوي


ها ها ها ها ها ها ها ها ها ها ها ها

[ماسه]

والله يا مرجانة ما شفتي شي من المواقف اللي بتصير معي
بضرب الرقم القياسي انا والله
خلص اسمعي
شو رايك تيجي لعنا اليوم نشربلنا كاسة شاي
و تقوليلي على وقعة نودي ...العروس
هههههههه

و انا بقلك على البلاوي اللي صارت معي

[سما]

:36_1_7: :36_1_7: :36_1_7: :36_1_7:

فهموني شو قاهد بصيرلاني رح انجننننننننننن

:36_11_1: :36_11_1: :36_11_1: :36_11_1:

[سوار]

ولا شي سما
__________________
المهم لو تشوفو شو صار معي اليوم................. شي محرج ع الاخر

راحو اليوم صاحباتي اشترو( ايس كريم عربية )الهم التنتين

وما حسبو حسابي
لما رجعو من السوبر ماركت كنت عند الشجرة .........بس شوفت الايس كريم معهم طار عقلي
عصبت منهم
رحت وخليتهم ياكلو لحالهم
بعدا بشوي اجا الباص لياخدنا عالبيت من المدرسة رحت مشيت وتركتهم
صارو يقولولي استني جاين معك
طبعا هم لانهم بياكلو ايس كريم ما كانو لابسين النقبات
اما نا كنت لابسة نقابي ومجهز حالي.....صارو ينادو علي استنينا
رحت صرت وانا ماشية خليت ضهري الهم وصرت احرك ايدي للخف( يعني تقلعو ما بدي ارد عليكم)

وما شوفت ولا مس الفيزيا وراي
طبعا حمر وشي وما عرفت شو بدي اقول(المهم خطت بسلام)

اجت صاحبتي وضربتني ع ضهري وانا معطي ضهري الها قمت مسكت بــ اليد يلي حسبت انها ضربتني ع حساب انها صاحبتي

حسيت انو اليد كبيرة شوي ومدعبلة لفت وشي ما شوفت ولابنت مليانة شوي وضخمة بتيجي قدي ع عشر مرات
بتقولي ليش ماسكة بإيدي
وصاحباتي فاقعات من الضحك علي...........


رحت قلتلها سوري ما كان قصدي كنت افكرك صاحبتي وانا عم برجف تفرك عضامي.




كملو لحالكم لاني مش قادر احكي شو صار بعدا

[ماسه]

:36_11_6: :36_11_6: :36_11_6:
اه يا قلبي...فقعتيني من الضحك...ايد مدعبلة!!!!!!
:36_11_6: :36_11_6: :36_11_6:
طيب و بعدين...اكلتي قتلة...احكي عادي
:36_1_1: :36_1_1:

[مرابط]

واحد ماشي في أمان الله هو و شقيقه الأصغر منه
واذا بطلقات النار من موقع للاحتلال الصهيوني قريب من المكان
حكى لشقيقه الصغير ينبطح على الأرض وانبطح بجوار شقيقه..
ولما انتهى الموقف وقف وقال لشقيقه الصغير يلا قوم ..
واذا بشقيقه قد أخذ رصاصة في رأسه ومضى شهيداً باذن الله..
محرج كتير . صح ؟

[ماسه]

يا الهي
يعني القصة حقيقة او لا..والله انصدمت باخرها....

[سوار]

يا الله شو هاد الله يعينكم.........

[Lina]

:36_11_6: :36_11_6: :36_11_6:

:36_11_6: :36_11_6: :36_11_6:

:36_11_6: :36_11_6: :36_11_6:

أااااااااااااخخخخخ يااااااا الله .....
والله شي بيفقع ضحك ....
كل واحد مشكلتو مع الحرج أكبر من التانية ...

مممممممممممم ....
يا ريت متذكرة شي حاليا صار معي عن الحرج ...بس والله مش ذاكرة...:36_1_50:

[ماسه]

انت بس عم تضحكي علينا...
يللا اتزكريلك موقف صار معك و قوليلنا ياه نضحك عليكي..
ولا بس انت؟

[سوار]

شليفة بالله يا ماسة..........

بس بتعرفي انا ما اكلت قتلة..........

انا اكلت شي تاني....

[ماسه]

عرفته
هوا...
ياما دقته..
ههههههههه

[سوار]

لالالالالالالالا
مو هوا

شي زاكي ارجعي وشوفي شو سبب المشكلة بتعرفي............

[ماسه]

ايس كريييييييييييييييييييييييييييييم؟؟؟؟

:36_1_1: :36_1_1:

[سوار]

صـــــــــــــــــــــــــــــــــــــــــــــــــ ــــــــــــــــــــــــــــــح

احسنت ..........بارك الله فيك.................
+20 علامة.....................خخخخخخخخخ:36_1_39:

[ماسه]

اخدتي مني 10 علامات عالمسن و اعطيتيني 20 هون
يعني صافي 10 علامات بدي منك....
على فكرة...
اعملي ايميل عالهوت لانه ما بيزبط كل واحد بيحكي من دنيا

:36_1_13: :36_1_13:

[الأمــ المنشود ــل]

أكثري من الذكر والدعاء
وإن شاء الله تنسي كل شي

[الأمــ المنشود ــل]

أكثري من الذكر والدعاء
وإن شاء الله تنسي كل شي

[الملاك الطاهر]

:36_11_6: :36_11_6: :36_11_6: :36_11_6: :36_11_6: :36_11_6: :36_11_6:
:36_11_6: :36_11_6: :36_11_6: :36_11_6: :36_11_6: :36_11_6: :36_11_6:
:36_11_6: والله قرأتون كلون بوقت واحد ضحكت كتيييييييييييييييييييييييييييييييييييييييييييير
يا الله خاصة سما
الله يعطيكم العافية و انا بس اتذكر بخبركون اوكي

[سوزان]

على فكرة الموضوع اكتير حلو وان شاء الله
لما اتزكر شي رح اكتبلكم ورح تضحكو علي
هههههههههههههههه
بمواقفي الي بتحصل معي

[ماسه]

100 هلا يا الملاك الطاهر
و سوزان
نورتو الموضوع بمروركم العطر...

[عبدالله المحسن]

:36_11_6: بيقولوا : طنش تعش تنتعش
احسن شي
وفي دواء تاني موجود عند الصيدلية
دواء اسمه لوبرا
ودواء اسمه سبرام بس التاني دنماركي

لا حدا يزعل من مزح اخوكم ابوموسى

[نبض الحياة]

المواقف المحرجه اعتبرها عبارة عن نقد عملي لشخصياتنا .. وعلينا ان نكون حكماء ونتعلم منها .. لانها ترسخ في الذهن ومن الصعب ان ننساها بسرعة كما يحدث في النقد النظري ..
اعتقد ان معالجة الموقف المحرج يجب ان تكون حسب حالته ولكن علينا ان نتوخى الوضوح والصدق في معالجته وعدم التظاهر بأن هذا الموقف كان متعمداً او يقصد به شيء آخر .. لانه وفي نهاية المطاف لن يقتنع من حولنا بحججنا مهما حاولنا اقناعهم .. ولذلك فالصدق منجاة
عندما أخطأ وادرك بأنني وقعت في خطأ واضح ، اعترف بخطأي .. ولا عيب
عندما ادرك بأنه كان يتوجب عليي ان اتصرف تصرفا يختلف عما تصرفته ، أتعلم من ذلك .. ولا عيب
عندما أكذب على شخص ما في أمر ما .. وأتفاجأ ان هذا الشخص علم بحقيقة الأمر ، أعتذر له واتعلم بان الصدق منجاة .. ولا عيب
عندما اجد نفسي مجبراً على أخذ دور القاضي بين شخصين مع علمي على عدم مقدرتي على الانصاف ، أصر على الانسحاب .. ولا عيب
عندما أجد نفسي في موقف سهو او زلة او خطأ بشري غير متعمد ، أحتسب الأجر عند خالقي وابتسم .. ولا عيب

مع التقدير

[ماسه]

مشكور اخي نبض الحياة
اضافتك ثمينة و قيمة جدا
يسرني ان اجد ردا متزنا كهذا في موضوعي
دمت بخير

[عاشقة الشهاده]

بصراحه مش عارفه شو أقول لك يا أخت ماسه
بس أنا بصراحه أصعب اشي عندي الإحراج ، ,وإذا تعرضت لموقف من المواقف المحرجه يحمر وجهي ولا أستطيع ان أفعل شيئ ، واظل متأثر بالموضوع لفتره الطويله واتمنى أن أكون مثلكم انسى بسرعه الموقف
شكرا كتييييييييييييييير على مواضيعك يا اخت ماسه

[زهرة الامل]

اما انا كنت ذاهبة الى الدرس فى يوم وكنت انا واصحابى ركبين السياة وكنا لوحدنا فى السيارة فقعدنا نتكلم بصوت عالى والضحك وواحدة منهم راحت مصرخة بصوت عالى من الضحك فنزل الراجل وزعق شو هذة الكسفة واجاب العاطل فى الباطل

[سووم]

والله ما بنسى هيك مواقف لو شو ماصار


انا صار معي متل الأخت سما المسكينة
انا وقفت
وكنت انسى كل شي
فتحت عيوني وبلعت ريقي:36_1_7:
بس ما تزكرت شي
وخاصة انو كان درس رياضيات
حتى القاعدات نسيتها
شوي تانية وبنسى انها حصة رياضيات كمان
بس الحمد لله فورا اجت رفيقتي بدالي وسوت شغلي كلو وهي مو محضرة حتى

[ĢầĹầ•™]

السلام عليكم

يعني بالنسبة للمواقف المحرجة حصلت كتييييييير كتيير معي خصوصا بالكلية هههه

وبالنسبة لي كيف اتصرف مع المواقف الي بتحصل معي اذا كانت قدام استاذ يعني شو حيثير يعني بتلون كل الالوان ومابعرف شو راح اعمل

اما ذا كانت قدام مجموعة من البنات بصير اضحك على حالي احيانا هههه وبنصير كلنا نضحك ههههه

هيك بس انا بحولها هههههه


يلا خلينا نشوف رأي الباقية

[مريم احمد]

السلام عليكم


استعينى بالله وادعى ان ينسيكى هذا الموقف وحاولى تخرجيه من دماخك:36_1_1::36_1_13:

[دينا اليوسفي]

مرة كنت ماشية أنا واختي بالشارع

فأختي تعرقلت ووقعت

الشباب كلهم صاروا يضحكوا عليها

فأنا كملت المشي ولا كإنه صار شي

وصارت تبكي

والله بتحزن

هههههههههههههههه

[لتين]

ههههههههههههههههههاي
صرااحه مواقفكم جنان
بس بدي قول ما تستاهل تكون فوبيا
الا اذا كانالموقف اوي مره اوعلى حسب ردت فعل المتواجدين في الموقف
واحيانا لا بتكون ذكرى نحكيها اذا بدنا نضحك
وعني انا بتعامل معها عادي بضحك
وبدبر حالي مع شي مبرر
وهيك بتنتهي القصه

[حُـلْمٌ بَريءْ !]

واللي وقعت و فلان ضحك عليها و ما ترك حد ما قله...
هدي صارت معي
كان موقف محرج كتير
واللى شافني ابن الجيران
ماترك حد الاقال الو
يلا يوم بفوت ومحدا بموت

[خنساء الجزائر]

والله صديقتى كيف نخجل نحس بحرارة عالية في جسمى ويحمر وجهي نقلق صديقتى إستعيدى بالله من الشيطان الرجيم وديرى ربى في بالك وغيرى هداك الموقف بموقف اخر سلااااااااااااااااااام

[فراشة غزة]

اذا ع الاحراج فكلنا اتعرضنا للاحراااااااااااج وما فى حدا سلم منها

[(*~بقايا انسان~*)]

و مشان اكون موضوعية..و اشجعكم و نبدا...انا كتيييييييييييييير كنت "اتنبهت" مشان كنت اضحك بالمحاضرات...كل يوم تقريبا....اما ما بعد التنيه فلا تسالوني شو......
_________________________________________
هههههههههههههه
هههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههه
ولله مو مصدق انتي بتضحكي في المحاضره
____
نفس الموقف يلي مريت بيه كان صاحبي يحب الضحك وديما يضحك ولما يضحك انا بضحك مو عارف ع شو انا اضحك فكان الدكتود دايما ينبهني ع كتر الضحك فانا ما اهتميت
الي ان تم اخبار المسؤولييين بصرراحه موقف محرج اتقابل انا ومدير الجامعه عشان الضحك فاخذت اضحك حتي قدامه
فلما رفعت راسي لقيتو بيبتسملي بيثولي الله يعينك؟؟؟؟؟؟؟؟

[نسيم الورود]

السلام اخوتي انا مريت بمواقف محرجة اكثير لكن كنت باتحمل الي حصل واواصل لكي اوصل اخوتي والله العظيم الخجل ما بحل سي اختكم لحن الفرح انا اسفة

[اردنية وافتخر]

مرة رحت انا واختي على سوبر ماركت علشان
نشتري اشياء النا فلما دخلنا اختي كانت بدها
تطول اشي من التلاجة قام خبطت ايدها في التلاجة
عشان الزجاج كان نظيف كتير وطلع صوت خبط قوي
صار كل اللي بالماركت يتفرجوا علينا شو كان موقف
غير شكل ههههههههههه
شو رأيك بالهموقف؟؟؟؟؟؟

[*لولو*]

أنا أحلي حاجه كل ما كان الموقف محرج اكتر كل ماقلب معايا بضحك واما بافتكره بردو بضحك مش بازعل خااااااااااالص
عادي يعني كلنا لها

[عبير الفردوس]

بصراحة في المواقف المحرجة نحس بارتفاع حرارة وجهي ويصبح أحمر

فمثلا عندما تكونين غير منتبهة ويحرجك الدكتور بسؤال في المحاضرة

فهذا موقف محرج جدا

وعندما تكون في ممر وفجأة تتعثرين وتسقطين على الأرض فهو محرج جدا

جزاك الله خيرا أختي ماسة

[meray]

كثير هي المواقف المحرجة التي نمر منها منها التي تجعلنا نضحك بس أنا صراحة بخجل بسرعة وما بقدر اتحمل حالي
شكرا لك اختي الطيبة على هذا الطرح

[كليوباترا الشام]

ما حد بيسلم من المواقف اللي زي هيك