لماذا لاتصارح الفتاة أمها بما يشغل تفكيرها ؟؟؟؟؟؟؟؟؟؟!!!!

[المرجانة]

طالبة في الثانوية تقول هناك سؤال يتردد في ذهني وذهن كل واحدة من جيلي .


وهو لماذا لاتصارح الفتاة أمها بما يشغل تفكيرها ؟؟؟؟؟؟؟؟؟؟!!!

ولإجابتها نقول :

إنه الخوف نعم الخوف من أن تتعرض للكلام الجارح أو ربما الضرب ولأسف فاللوم دائما يقع على عاتق الفتاة دون أن تلام الأم لأنها أهملت بيتها وانشغلت عن فلذات أكبادها بالزيارات والحفلات الهاتفية
و..........و..............و..............



فما اجابتكم انتم أريد من كل واحد أو واحده أن توجه لهذه الطالبة السبب الصريح



ولكم تحياتي

[mariastar]

اظن انه الخوف

اوافقك كل الراي

و ذلك ايضا حسب طبيعة الام

هل ستتفهم ابنتها

ام ستتصدى لها بالضرب و الشتم و....

و مشكورة اختي

[طيف الامل]

انا اعتقد ذلك يعود الى العلاقة السيئة بين الفتاة ووالدتها .. وعدم اعتبار الام صديقة حميمة لا يجب الخجل من اي شيء عند التكلم معها..

[ماسه]

اه يا مرجانة اه
لي عودة...
معي دقائق و اخرج..
و هذا موضوع بحاجة الى ايام من النقاش...
انتظروني

[ضوء القمر]

بصراحه ليست الفتيات فقط

ولكن بعض الشباب يعانو ا ايضا

>>>>> وانا منهم <<<<<

يمكن لعدم تفهم الام او الاب

لشعور الشاب والفتاه

ودايما بحكولنا انتو صغار على هيك شغلات

فلذا لك يبقى الموضع يشغل بال الشاب او الفتاة

ويبقى سرا يحتفظ به لنفسه

على حلوة او مرة

" هذا رأيي الشخصي "

[المرجانة]

مسك الليل

مشكورة حبيبتي على المرور

ـــــــــــــــــــــــــــــــــــــــــ

طيف الامل

حبيبتي انا باعتقد انو الامر بنهاية بعود على الام
وزي ما حكت ما لازم يكون في خجل


ـــــــــــــــــــــــــــ

ماسه

بانتظارك عزيزتي
رأيك بهمني
ـــــــــــــــــ

ضوء القمر

انا من ناحية الشباب ما بعرف كتير لانو ما عندي اخ وانتو ادرى
مشكور اخي على رأيك وعلى المرور ايضاا

ـــــــــــــ


وانا من رأي حسب الام صراحة ازا متعلمة واعية مثقفة

وازا غير هيك مصيبة .

وراحت على بنت واحيانا ازا البنت بتحكي بموضوع عادي جدا مو عيب الام بتقعد تحكي لبنتها اخرسي وعيب علكي وكيف بتحكي هيك والبنت بتكون بحاجة انو امها تحكيلها.

[الأمــ المنشود ــل]

بصراحه ليست الفتيات فقط

ولكن بعض الشباب يعانو ا ايضا

>>>>> وانا منهم <<<<<

يمكن لعدم تفهم الام او الاب

لشعور الشاب والفتاه

ودايما بحكولنا انتو صغار على هيك شغلات

فلذا لك يبقى الموضع يشغل بال الشاب او الفتاة

ويبقى سرا يحتفظ به لنفسه

على حلوة او مرة

" هذا رأيي الشخصي "

وأنا معك يا أخي ضوء القمر
تقريباً هاي المشكلة كتير بيعانوا منها الشباب
ويا ريت يا أخت ماسة تشوفيلنا حل
شكراً لك أختي طارحة الموضوع

[صفاء الذكريات]

بصراحة ؟؟؟؟ ...................
مش شرط تكون الأم متعلمة ميشان تفهم بنتها أو ابنها
كل أم على حسب ....
بالنسبة لي .. أنا ما حدا بيفهمني إلا ذكريات أختي ...
وغير هيك ما في ,,,,,,,,,,

ومشكورة أختي المرجانة على الطرح الجيد

[asma]

بصراحه انا ما بقدر انصحها

لاني وللاسف حالتي متل حالتها

يعني انا ما بقدر اصارح ماما او بابا اوحتى اختي الكبيره باي شي

سواء كان هالشي منيح او لأ

مع انه العلاقه بيني وبين ماما و اختي الكبيره منيحه

بس هم على طول بشوفوني صغيره

ما بقتنعوا برأيي ولا باهتماماتي واذاسألتهم عن شي بصير تفكيرهم بتاني واد

وبشوفوني خياليه او تافه باهتماماتي

حتى لو مره تجرأت وحكيت مع حدا منهم

لازم بالآخر يطلعوني غلطانه وعليّ اللوم

علشان هيك انا بختصر وما بناقشهم بشي






انا ما بعرف كيف تجرأت و قلتلكم الي بداخلي
انا رح اتابع هالموضوع واستفيدمن نصائحكم

شكرا

[صفاء الذكريات]

مو مشكلة أختي أسماء
انتي مثل حالاتي
ما بحب أختلط بأي حدا من أهلي
لأنهم دايما بيطلعوني خلطانة
بس دايماً أنا وذكريات سوى
ونحن بس اللي بنفهم على بعض
علشان احنا التنتين من نفس السن

بأتمنى من المرشدة ماسة إيجاد حل
إن شاء الله بنستفيد من الموضوع
وبارك الله فيكم

[الغلا كله انا]

اعتقد انه الخوف
وعدم التقارب الفكري بين الام وبنتها
لان الام من زمن والبنت من زمن آخر

[المرجانة]

مشكورين أحبائي على المرور الرائع

أسعدني مروركم العطر

[الأمــ المنشود ــل]

والله مشكلتنا بدها حل

[المرجانة]

انا براي انو البنت لازم تصارح امها وتحكيلها افهيمني.

والله يا جماعة في فتياتات بكون يكلمون امهم وبحكوا في مواضيع جدا مهمة
بتكون الام نايمة سرحانة .يعني بكون شي وقهر اغلب الاحيان لما الام تسوي كذا
وبتكوني بدك تكسري كل شي قدامك لما تعرفي انها مو سامعتك .

تحياتي

[أروى]

واااااااااااو موضوع في غايه الحماس و الروعه ...


لي عودة لقراءت ردود الأعضاء و كتابت وجه نظري....


سلام

[ماسه]

اسفة عالتاخير
لكن اجلت المشاركة في الموضوع الى ان تفرغت للتفكير فيه...
حقيقة ارى هذا الموضوع من اخطر المشاكل التي قد تتعرض لها الفتاة
لانه متل ما كلنا بنعرف البنت في مرحلة معينة من سن ال 11 الى سن 19 " تقريبا" بتتعرض لتغييرات كبيرة جسميةو نفسية..
هاي التغييرات ازا ما كان في حد يفهمها و يكون معها لحظة بلحظة ممكن تتسبب للفتاة بارق نفسي كبير
ممكن كمان تضطر تخبي بعض الامور هي تظن انه عيب او خطا و الامر يكون طبيعي جدا...
لذلك انا برايي هاد دور الام..
الام الاصل فيها تعلم بنتها الصراحة من صغرها..و تخليها تحس براحة و هي عم تحكي معها...تكون الام فاهمة وواعية...هيك الام بتضمن انه بكرة بنتها رح تحكيلها كل شي بصير معها و اكيد هاد الشي فيه صالح الاهل و البنت كمان بالدرجة الاولى...
ياما سمعت قصص بنات محزنة جدا كلنو يمرو بظرف صعبة جدا بسبب اخفاء الحقائق عن امهاتهم ..و السبب هو انه الام كانت تكون قاسية و غير متفهمة لدرجة انو البنت تخاف تحكي اللي عم يصير معها.....
عودة للموضوع الرئيسي..لم تخفي البنات على امها اسرارها...
السبب الاول و الاخير هو الام...
يجب على اي ام بهالدنيا متعلمة او لا..و من اي بيئة كانت..يكون عندها اساسيات الامومة بتعرفها
اهمها الصراحة بينها و بين ابناءها و البنات تحديدا و مية خط تحت كلمة الصراحة..
ازا اجت بنتي و قالتلي شي و انا بهدلتها و عصب عليها..بدي اكون متاكدة انه بعمرها ما عاد تحكي اي شي بصير معها..
حتى لو كان الامر خطير رح تخفيه
من الامور الي بتوقع البنت لازم تحكي لامها عنها اي تغيرات بتصير معها جسمية او نفسية..اي مضايقات ممكن تكون تعرضتلها من اي حد..اي شي هي ما عم تفهمه شافته او سمعت عنه.. و كتير كمان اشياء ضروري البنت تكون واضحة مع امها فيها...
رسالة اوجهها الى كل ام..كوني لبنتك الصديقة ولا تكوني كالرقيب عليها..حتى لا تلجا الى غيرك..و ان كانت في العشرين..فهي تحتاجك..
سلمت و دمت يا مرجانة
مواضيعك دائما تثير اهتمامي و لا اقاوم المشاركة فيها..
بانتظار المزيد غاليتي

[المرجانة]

كلامك في محله اختي

فعلا اذا ما كانت الام صاحبة بنتها البنت راح تروح تلجأ لانسان اخر
وما بتعرف شو طبيعة الشخص منيح ومو منيح.

مشكورة حبيبتي ماسه على المرور الرائع.

[سما]

طيب يا جماعه انا رح احكي راييي بالموضوع بشكل عااام

الفتاة في سن بالذات في سن المراهقه تكون على استعداد لمعرفه كثير من الاشياء

التي تدور حلولها لم تكن على معرفة مسبقه لهذه الاشياء

وقد تمر ببعض المواقف لم تكن تعلم بها غير هذا السن ... بحكم طبيعه مرحلتها

لذا تكون تريد ان تستفسر عما يحدث معها واذا الام لم تلعب هذا الدور مع ابنتها

سوف يلعبه احد اخر من اختيار الفتاة ... قد تكون صديقتها او تقربها من الاهل...

وسوف تكون هذه الفتاه هي المرجع الاساسي بالنسبه لهذه المراهقه وفي حال

تعلق هذه المراهقه لهذه الفتاه تصبح لا تتقبل اي ارشاد او نصح الا منها

حتى لو بعد حين حاولت الام التدخل بهذه المراهقة ومتابعتها فلن تتقبل هذا

النصح او الارشاد منها ... وهذا بالعلم يسمونه اتاتشمنت فيغرز

لذا على الام متابعه ابنتها وسماعها حين تكون بحاجه الى من يسمعها

وتتقبلها دائما ولا تنفر منها ولا داعي للعصبيه في حل مشاكل هذه الفتاة

وتكون هذه الام هي المرجع الاساسي لهذه الفتاه حتى تكون بيد امينه

ولا احد يعلمها شيء خراج عن الدين او العرف ... لانها ستسأل امها اول باول

ما سيحدث اذا فعلت هذا الشيء,,,

جزيتي خيرا اختي المرجانه موضوعك هادف ورائع ...:36_1_39:

[ضوء القمر]

طيب هذا الموضوع للبنات

واذا كان في سر عند الشب لمين يحكي

وكانت الام رفضه تحكي بالموضوع اصلا

احكوووووووووووووا لي

[الأمــ المنشود ــل]

ممكن من خلال أبوه أو أخيه أو صديقه المقرب
فهم أكثر الناس فهماً له

[ريح الجنان]

موضوع حلو

برأي انو الخوف ايضا

وايضا لانو ممكن تكون البنت متقربة من امها كثير فلما تشعر بشي البنت بتروح تحكي لامها بتلاقيها بتفهما وهيك وبيكون شي حلو لما تكون الام فاهمة بنتها شو بدها تحكي او عارفها من ملامح وجها

بس انا عن نفسي ما بصارح امي او ابي حتى لو كنت متضايقة بأي شي صح اني متقربة من امي بس خلص الواحد بيكون بدو حد يفهمه اكتر ويفهم مشاعره وشو في داخله

هذا رأي

ومشكوورين على الموضوع

[الأمــ المنشود ــل]

أخي ضوء القمر
اللي عندو خال متل المبدع موسى مصطفى
المفروض ما يحتاج لأي حدا ليحكيلو همومو ومشاكلو
ممكن هو مشغول كتير
بس إلا ما يكون وقت يكون فيه فاضي
جرب احكي معو
وأنا متأكدة إنو رح يفيدك

[لبنى]

اختي المرجانه هذي المشكله تستحق المناقشه

انا برأيي انو الابناء بهذي الفتره يكونون بحاجه ضروريه لامهم واباهم لانو بهاي الفتره يكتسب بها الابناء بعض من صفات والديهم وتبنى بهذه الفتره شخصيتهم لذلك فان هذه الفتره تحتاج الى اهتمام كبير ورعايه
ومن خلالها يمكن للامهات ان يتقربو الى ابنائهم كي يساعدوهم على توجيههم للطريق الصحيح

اذا كانت الفتاة تخاف من مصارحة امها بما تشعر به فهذا يعود الى جهل الام باساليب التربيه الصحيحه كثير من الامهات لا يعرفون شيئا عن الاطفال سوى الانجاب واطعامهم والباسهم دون العلم بان التربيه هي اهم شي بالدنيا وان انجاب ابن صالح افضل من انجاب عشره بدون فائده

[لبنى]

اسفة عالتاخير
لكن اجلت المشاركة في الموضوع الى ان تفرغت للتفكير فيه...
حقيقة ارى هذا الموضوع من اخطر المشاكل التي قد تتعرض لها الفتاة
لانه متل ما كلنا بنعرف البنت في مرحلة معينة من سن ال 11 الى سن 19 " تقريبا" بتتعرض لتغييرات كبيرة جسميةو نفسية..
هاي التغييرات ازا ما كان في حد يفهمها و يكون معها لحظة بلحظة ممكن تتسبب للفتاة بارق نفسي كبير
ممكن كمان تضطر تخبي بعض الامور هي تظن انه عيب او خطا و الامر يكون طبيعي جدا...
لذلك انا برايي هاد دور الام..
الام الاصل فيها تعلم بنتها الصراحة من صغرها..و تخليها تحس براحة و هي عم تحكي معها...تكون الام فاهمة وواعية...هيك الام بتضمن انه بكرة بنتها رح تحكيلها كل شي بصير معها و اكيد هاد الشي فيه صالح الاهل و البنت كمان بالدرجة الاولى...
ياما سمعت قصص بنات محزنة جدا كلنو يمرو بظرف صعبة جدا بسبب اخفاء الحقائق عن امهاتهم ..و السبب هو انه الام كانت تكون قاسية و غير متفهمة لدرجة انو البنت تخاف تحكي اللي عم يصير معها.....
عودة للموضوع الرئيسي..لم تخفي البنات على امها اسرارها...
السبب الاول و الاخير هو الام...
يجب على اي ام بهالدنيا متعلمة او لا..و من اي بيئة كانت..يكون عندها اساسيات الامومة بتعرفها
اهمها الصراحة بينها و بين ابناءها و البنات تحديدا و مية خط تحت كلمة الصراحة..
ازا اجت بنتي و قالتلي شي و انا بهدلتها و عصب عليها..بدي اكون متاكدة انه بعمرها ما عاد تحكي اي شي بصير معها..
حتى لو كان الامر خطير رح تخفيه
من الامور الي بتوقع البنت لازم تحكي لامها عنها اي تغيرات بتصير معها جسمية او نفسية..اي مضايقات ممكن تكون تعرضتلها من اي حد..اي شي هي ما عم تفهمه شافته او سمعت عنه.. و كتير كمان اشياء ضروري البنت تكون واضحة مع امها فيها...
رسالة اوجهها الى كل ام..كوني لبنتك الصديقة ولا تكوني كالرقيب عليها..حتى لا تلجا الى غيرك..و ان كانت في العشرين..فهي تحتاجك..
سلمت و دمت يا مرجانة
مواضيعك دائما تثير اهتمامي و لا اقاوم المشاركة فيها..
بانتظار المزيد غاليتي

عاشت ايدك ياماسه كلامك بغاية الروعه

[ماسه]

تسلميلي يا لبنى...
اخي ضوء القمر الشب بيحكي لابوه ...هيك بعرف...

[عاشقة الياسمين]

الموضوع حلو واسع الانتشار بالمجتمع
اول شي خلل في التربية
بين الام وبنتها
مافي صراحة ما بين االام وبنتها لازم الام تصاحب البنت على شان تعرف البنت كيف بتفكر
مو كل اشي بالضرب والتوبيخ
وكذلك الشاب الاب لازم يصاحب ابنه

الخلل انه الاهل ما بستوعبو الابناء بفكرهم وارائهم ما باخدو رايهم على محمل الجد دائما انقاص من رايه وحقه
بعتقد انه بسير حاجز بين الاهل والابناء

[صفاء الذكريات]

كلامك صحيح أختي الغالية عاشقة الياسمين
هو فعلا خلل في المواصلة بين الأم وابنتها من البداية

جزاك الله خير

[ضوء القمر]

بس عادتا الابناء بميلو لأمهم
والبنات بتميل لابوها
مو شرط تحكيلو شي
بس يمكن شغل الابوين
يلهي بعض الاحيان عن الابناء
والله اعلم

[سما]

اخي ضوء القمر معك حق تماما بكلامك

لكن ... شغل الابوين وغفلتهم عن المراهق هي مو حجه للمراهق انو يعمل الي بدواياه

ومو معقول انو ما يلاقي ولو ساعه يتكلم فيها مع امو او ابوه ..

والمراهق ماشي انسان طائش ودايما بفكر برغباته وما بفكر بمبادئه

لكنه يمتلك عقل وقد يكون هذا العقل راجح وناضج ..

لذا المراهق يتأخذ اذا فعل شيء يخل بالعادات او العرف او ما شابه

لانه مهما بلغ الطيش فيه يبقى لديه العقل يفكر فيه والخطأ واضح ... والصواب واضح

من وجه نظري...

[أروى]

أنا من وجهت نظري أو نظرتي المستقبليه لازم الام تتقبل كلشي من بنتها ولو كان خطأ و تعالجه بأهدى أسبلوب لأنو متى ما الأم فارت و عصبت البنت حتبطل تحكي لأمها ...


بصراحه الانسان بكون عندو كتير قصص و خصوصاً بالمرحلة المراهفقه ما بيقدر الا يحكيها الا لأمو بس بعد للملون قبل ما يحكي ...لأنو بسمعو قصص و بفكرو بأشياء رهيبه زيادة


من وجهة نظريالأم مرت بنفس المرحلة ولو كان جيها و زمنها غير بس لازم تكون حسه ببنتها ...

و كلام ماسا صح 100%....

بس بصراحه الانسان في أشياء ببالو بيتمنى لو يحكيها لحدى بس ما بيقدر...مع انو المنطق بحكي على الأقل لصديق و العقل بحكي لازم الأم تعرف....بس ليس باليد حيله ....

و كلام ضوء القمر صحيح ...بس أنا بتوقع الأم تتقبل تسمع قصص أبنها الشاب ...
أو ما الو الا صديقه المقرب....


على العموم من وجهت نظري لازمالام تكون متفهمة أكتر لأنو نحنا عم نسمع عجب...ويلي عم نسمعو عم يدور مو بس مرة مليون مرة بخاطرنا ....


و دائماً و أبداً برأي الشعارات الامانيه هي أساس النجاح ....
يعني من جعل الله همة كفاه الله كل الهموم ....و ما بكون في قصص مطر يحكيها لحدى ....((و أنا برأي هي حالة مثاليه ))بإمكاننا نطبق ولو جزء منها


و أعتزر على الاطاله

[كتـــــــــــ فلسطين ـــــــــــــكو تـــــــــة]

اها الخوف انا بخاف احكي لماما شي الي بفكر فيه كنت ئئلها ئبل بس هلئ لا تندمت لا ئلتلها

لانها بتئول لاختي وبسيرو يتمسخرو علي انا طبعا ببين من برا انو عادي بضحكلهم بس من جواي بنجرح بسير ابكي

باليل وما بعرف شو اعمل وما بهتمو لمشاعري بفكروني بنت صغيرة ما بفهم وهيك انا طبعا بطلت ئقول شي ولا حتى

لخواتي بدي منكم نصائح ارجوكم انا محتاجتلكم بهاد الوقت

وشكرا لمن يساعدني جزاه الله كل خير

سلام

[المرجانة]

مشكورين على المرور الرائع

[سنا البراري]

السلام عليكم ورحمة الله وبركاته
شكرا المرجانة على طرحك القيم وجزاكي الله خيرا باذن الله
اختي موضوعك غاية في الأهمية
ووجهة نظري هي كالآتي :
السبب الأول والأخير هي الأم ، لأن الأم لم تعود ابنتها منذ ان بان تقذف بكل ما في كنونها من مشاعر ، لم تعودها على المصارحة
الأم يا جماعة ليست أم فحسب يلزم ان تكون صديقة ، حتى تعرف ما بداخل ابنتها يلزم ان تكون صديقة لإبنتها تفرح لفرحها وتحزن لحزنها
والله يا جماعة اعرف امهات يستهزأون من بناتهم عندما يبكون والله
هدانا الله واياكم اجمعين
أما بالنسبة للشاب فهو اقرب لأبيه وان كان الأم هي احن عليه من ابيه ومن الممكن ان يضع رأسه على حضن امه ويشكيها همومه.
ولكن ليس كل الأمهات مثل ذلك ولا كل الآباء .
والمصيبة الكبرى ليس أن لا يكون الأم أو الأب مثقفين أو متعلمين ، المصيبة الحقيقية أن يكونوا على وعي كبير
ويفهموم حقائق الأمور
هناك بعض الآباء الأميين الذين لا يعرفون القراءة والكتابة وليسوا مثقفين ، لكنهم يتعاملون مع ابناءهم بلا حواجز .
نصائح لنا نحن معشر الشباب في المستقبل :
الي عايز يعرف كل حاجة عن ابنوا وبنتوا لازم يكون صديقه ، شو يعني صديقه :
يعني يحكيله هوا كمان شو الي بيصير معه ، مو عيب والله ، يضحك مع ابنه وبنته يمازحهم ، يفتح معهم مواضيع للنقاش .
مو عيب كمان ، انك تحكي لبنتك مثلآ مشكلة صغيرة صارت معك وبدك رأي بنتك فيها ، هيك بنتك او ابنك راح يفتحلك
قلبه أو قلبها وما راح تخبي عنك اي شي ، راح يكون ابنك دفتر مفتوح قدامك ، تعززي الصواب ، وتشوفي شو بدوا
تصحيح وتصححيه ، اما اذا ما كنتي هيك يعني بس قاعدة للأوامر والضرب والاستهزاء ، لو بسابع سما فوق ما راح
يحكي ابنك شي ابدا وراح يضل كل شي في جواته ما راح يحكي لحد الا اذا دور على حضن دافي خارج العائلة
ومن هنا تأتي المصائب .
طرحك رائع جد اختي لمرجانة
والله الموضوع يحتاج الى مجلدات وليس الى صفحات حتى يفهم الأب والأم ما له وما عليه من واجبات
دمتي بود اختي وحياكي الله

[المرجانة]

اختي سنا البراري

نادرا ما تلاقي اهل اٌمين وبيعرفوا كيف يتصرفوا مع أولادهم .

ومشكورة على مرورك الرائع

نورتي

[fager]

والله موضوع مهم جدا لان هذه المشكلة اغلب من المراهقين يعانون منها
فانا اعتقد ان فارق السن بين البنت وامها يجعل هناك حاجز وايضا عدم احساس الام بمشاعر المرهفة لدى البنت في هذه المرحلة التي تحصل فيه كثير منةالتغيرات
فتجد البنت صعوبة في التقرب لامها وهذا حسب راي
وجزاكم الله خيرا

[شمس المشتقبل]

موضوع مميز وانه يوصف حالنا اليوم
فمن النادر ان تجد فتاة تصارح امها
خسب رأيي لان الام لا تتصرف بشكل الذي يأمن للفتاة الراحة في التكلم

[ماسه]

والله موضوع مهم جدا لان هذه المشكلة اغلب من المراهقين يعانون منها
فانا اعتقد ان فارق السن بين البنت وامها يجعل هناك حاجز وايضا عدم احساس الام بمشاعر المرهفة لدى البنت في هذه المرحلة التي تحصل فيه كثير منةالتغيرات
فتجد البنت صعوبة في التقرب لامها وهذا حسب راي
وجزاكم الله خيرا

صحيح ما ذكرت يا فجر...
مشاعر الفتاة في هذه المرحلة جميلة جدا..و خطيرة جدا...

[بلسم فلسطين]

حسب رأيي الخوف
او مفش ثقة بين الطرفين:36_1_39: