ماهو سبب هروب الفتيات من المطبخ ؟؟؟

[ريح الجنان]

بسم الله الرحمن الرحيم
السلام عليكم ورحمة الله وبركاته

لقد شاهدت وسمعت كثير من ان فتيات هذا الزمان لا يحبون المطبخ ولا يعرفون الطبخ
ولا يعرفون كيف يقدمون الطعام او اسلوب الايتيكيت فى التقديم
فمنهم من يشتكى من ابنته بانها قدمت اليه الفطور بيض محروق شاهى وضعت ملح بدل السكر
اي انها لا تعرف تفرق بين الملح والسكر وعمرها مادخلت مطبخ
ماهو اسباب عدم تعليم البنت الطبخ ؟؟
فى التلفاز يظهر لنا رجال يطبخون ويعلمون ربات البيوت الطبخ . لماذا ؟؟
البنات يجلسون اكثر وقتهم امام التلفاز لمشاهدة الاغانى المسلسلات الافلام ولا يتعلمون
او يشاهدون التى تعلم الطبخ وقواعد ومستلزمات المطبخ . لماذا ؟؟
البنت لا تعرف ان تولع البتجاز او الفرن . لماذا ؟؟
الامهات اصبحوا لا يعلمون بناتهم الطبخ خوفا عليهم من الحريق !! هل هذا صحيح ؟؟
هل للخادمات دور فى عدم تعلم البنات الطبخ ؟؟
للرجل
هل ترضى بان تتزوج بافتاة لا تعرف اعداد الطعام ؟؟
سمعت كثير من الاصدقاء يقولون باننى اليوم انا سعيد لقد اكلت الذ اكله عند الوالده
زوجتى هداها الله تطبخ الاكل يوم ملكد ويوم محروق ويوم زاد ملحه ماذا افعل ؟؟
اذا قلت لها اكلك ماهو زين !! زعلت منى ؟؟
كثير من الفتيات لا يعرفون الابازير والبهارات ولا يفرقون بينها هل هذا صحيح ؟؟؟
سوال خطر على بالى
يعجبنى طبخ عمتى كثيرا فنقول ان لها نكهه خاصه فى الطبخ ولكن انا اخذ الوصفه والطريقه
لعمل نفس الطبخه واذا عملتها فلا تكون مثل طبخ عمتى ..... ماهو السبب؟؟
هل الحضاره سبب فى هروب الفتيات من المطبخ ؟؟
بعض الفتيات يقولون ان المطبخ ليس لنا!!هل هذا صحيح ؟؟
وانه للخدم والطباخين...
ارجو المشاركه فى الموضوع
وتحياتى للجميع

[صفاء الذكريات]

بداية :: أشكرك أختي الغالية ريح الجنان على طرح الموضوع

أنا أرى أن المطبخ للفتاة ولكن ليس وحدها على الشاب أن يساعد في أعمال المطبخ
هذا رأيي
وشكراً

[ماسه]

اجيتي عالوجع والله يا سندس....
شوفي احكيلك..كتير من اللي ذكرتيه موجود فعلا..نسبة كبيييييييييييييرة منا ما بتعرف تطبخ..و انا بلاقي صعوبة كتير بهالموضوع....
احكي شغلة بصراحة يمكن غريبة بس هاد الواقع.. انا ما بحب اطبخ لانه ازا طبخت ما باكل من الشي اللي عملته استحالة صدقا بتنسد نفسي!!!!!!
لكن شو بدنا نعمل...بديت اتعلم الطبخ..بس والله مكرها اخاك لا بطل...من كتر الزن و البهادل بتعلم طبخة من عند ستي و طبخة من جارتنا و طبخة من امي....
:36_1_1: :36_1_1:

و اللي حكيتيه عن الخوف من النار فانا بقلك انو مو عندي خوف منها...عندي فوبيا ازا بدك...لهيك للان بعمري ما شغلت فرن و ما بتوقع رح اشغل واحد بحياتي...

تقبلي مروري غاليتي
:36_1_39:

[سوار]

اهاا
موضوع جميل ومهم النا الفتيلت

والله بصراحة هاي الايام بتتزوج البنت وهي ما بتعرف تطبخ
يعني ما بتعرف تقلي بيضة
(بس والله مو شرط قلي البيض انا ما بعرف اقلي بيض بس بعرف اطبخ واكل زاكي كمان)

يعني اليوم بتقولي صاحبتي عن وحدة متزوجة جديد بدل ما تقلي الدجاج قلت كلشي بالمطبخ الا الدجاج(كل المطبخ اتعبى زيت والدجاج ما انقلى)\

مشكلة كبيرة يعني عنا البنت بتدخل الجامعة وبتطلع وهي ما فرمت صحن سلطة او عملت اي شي مفيد

والسبب ممكن انو يكون ع الام اكتر شي بتكون مدللة بنتها بصورة مو طبيعية او انو البنت كسولة

او انو بتحاول وبتفشل اول مرة واهلها بحبطوها
كتير من المرات بكون هاد هو السبب

ولي عودة لتحدث عن الاخطاء يلي وقعت فيها انا ولايف هوب واحنا نتعلم الطبخ

والله بس تسمعوها الا تتشجعو تدخلو المطبخ لانو هلا صرنا نطبخ منيح......

مشكورة ع الموضوع الحلو للنقاش

[عاشقة الياسمين]

[COLOR="DarkOliveGreen"]موضوع رائع اختي ريح الجنان
انا برايي في عدة اسباب للهروب من المطبخ اولها الوقت يعني اذا كانت الوحدة بالجامعة امتا بدها تلحق تتطبخ ووتتعلم الطبخ
يا دووب تلحق دروسها ومحاضرات عدا عن ذلك كثرة الخدامين بالبيوت والمطاعم التي تساعد على ذلك
وكتير منهم م ش مستعدين انهم يطبخو
لانهم تعملو مومستعدين يعقلو الشهادة بالمطبخ
وتاني شي اهمال الام وعدم تعليمها الطبخ بحكم لسى بكير عليها هم الطبخ وشغل المطبخ

انا برايي
كتيربحب الطبخ وشغل المطبخ
لانه مملكة البنت يعتبر اخرتها للمطبخ حتى لوتعلمت واتوظفت يبقى المطبخ الو ظيفة الدائمة الها
تقلبي مروري





OR]

[المرجانة]

لانو ريحة البصل والتوم والاظافر بتخرب والايدين بتسير خشنة .
وبعدين الوحدة بدها تفكر بفتى الاحلام وافلام اكشن وهي في المطبخ.
ممكن تفرم اصبعها وهي مسترسلة بالفلم وفتى الاحلام .
والله يخلينا المطاعم و الاكل الجاهز .



بس والله انا بحب الطبخ كتيررر مو شوية وانا كتير بسوي اشياء زاكية

يوم بعزمكم عندي على البيت وبدقوا طبخي

مشكورة حبيبتي ريح الجنان على الموضوع الرائع

[ماسه]

المرجانة انت عند كلمتك؟؟؟؟
ترى احنا بنفس المدينة بكرة بتلاقيني صرت عندك...
:36_1_1: :36_1_1:

[شهرزاد]

أنا عن نفسي بعرف أطبخ .. وبالعكس يمدحوا في نفسي وفي طبخي..

لكن .. ما أحب أدخل كثير

يعني أدخل على مزاجي..

وعموماً أدخل غالباً فقط عشان خاطر أمي لا تتعب وتغلب بحالها في المطبخ ..

وكثير بنات ما يدخلوا بسبب الكسل..



لعل لي عودة.. وتسلمي أختي على الموضوع

[المرجانة]

يا مية أهلا وسهلا

انتي بس تعالي واهل صافوط كلهم بستقبلوكي

تحياتي

[سما]

جزيتي خيرا ريح الجنان على الموضوع ...

شوفي حبيبتي سندس البنات بالعادة اهتمامها ما بكون مركز على المطبخ و الطبيخ بتكون اهتماماتها غير

في سن معين متل سن 18)19)20 بتكون رغبتها غير شغل البيت بشكل عام مو خصوصي الطبيخ

يعني هي الشغله بتعود على رغبة البنت نفسها ....

بس لما تكبر وتصير بدها تتزوج رح تاكل هوا تعض اصبيعها ندم

[الأمــ المنشود ــل]

موضوع جميل جداً بارك الله فيك وفي طرحك أختي ريح الجنان

سبب هروبي من المطبخ
أنو كل واحد في البيت بخبص الإشي وبيترك وراه كل دقيقة بدك تلاق كوم جلي
يعني لو ضليتي طول النهار تجلي ما رح تخلصي

[صفاء الذكريات]

كلامك يا ذكريات صحيح
بس مين رح يفهم هالكلام

[سوار]

اهااا
هلا انا بدي اقول محاولاتي في الطبخ

هاد انا اول ماجيت اتعلم الطبخ
كنت ما اعرف ولالالالالالالالالالالاشي
اول مرة جيت بدي اطبخ كفتة (الكل بعرفها؟؟؟)

طبخنها تحت اشراف ماما والحمد لله نجحنا

تاني مرة طبخت مجدرة
يا سلالالالالالالالالالالالالام طلعت ما ازكها
طلعت الها دخل بكل شي الا المجدرة
(عم بمزح بس طلعت ناشفة و زيتها قليل)

المرة يلي بعدها طبخت بامية فرمت البصل كتيييييييييييير ناعم وحرقتو وطلع كل طعم البامية بصل محروق


وكتير كتير من المحاولات الفاشلة

بس الحمد لله هلا بعرف اطبخ منيح واجلي منيح وانضف المطبخ منيح
(مش كتير منيح بس مقبول)
يعن بساعد ماما

وعقبال عن الجميع
وازا حدا بدو ياخد دورة عندي انا جاهزة

[ريتاج]

ههههههههههههههههههههههه

اختي شعله انا بدي اخذ عندك دوره في الطبخ والجلي وتنظيف المطبخ.....

****************


قصة ريتاج القلووووووووووووووب والمطبخ ...

بنسبه الي اول محاولات الطبخ ... انا دخلت المطبخ من نفسي دون ان يضغط احدا علي ...

واول طبخه هههههههههه هيا ..أني عملت شاي غرييييييييييييييييب ... بدل السكر حطيت ملح خخخخخ:36_1_1:

يومهااااااا طردتني امي من المطبخ خخخخخخخخخ ....

بس بعد محاااااااولاتي ...سمحت لي بدخوله مره اخرى... وكان كل شي بطبخه بتقنه ماااااااااا عدا

الشاي .... والقهوه وعععععع... والكبسه اكلتنا المشهوره...

*********************

انا بعتقد انو البنت بتحب الطبخ بالفطره مثل حبهااااااا لتجمل واعتقد ان الطبخ من اهم الاشياء التي تهتم بها

ولاكن مسألة الهروب اعتقد السبب هو شبح [SIZE="7"]جلي الصحون[/

SIZE]..


وشكرا اختي ريح الجنان على الموضوع الرائع.........:36_1_39:

[المرجانة]

فعلا أختي ريتاج

شبح جلي مو الصحون وبس المعالق والسكاكين وشوك

مأساة تامة

[سوار]

ريتاج الدورة مو ببلاش

هاتيلك الفين دولار ع الدرس الواحد

وقدمي طلب عند السيكرتيرة بكون الك فرصة في القبول

وصيح ما تنسي انك تقدمي امتحان المستوى

خخخخخخخخخ

[اليمـــــامة]

شكرا إلك ريح الجنان ع الموضوع الحلو ...

والله أنا لسا صغيرة ع الطبخ ههههههه بس بالجلي وتنضيف المطبخ ماشي حالي ...

بس بطيئة بالشغل خخخخخ ...

[سيرين]

السبب اني ما بحب الطبخ
ودائما الماما بتعملي مشاكل مشان هيك

[ايمان]

السلام عليكم
موضوع جميل جدا اختي سندس
بصراحة انا متزوجة والحمد لله قبل ما أتزوج ضليت سنة كاملة عم بتعلم من أمي الطبخ ومع ذلك كان عندي بكالوريا بس الحمد لله نجحت خخخخخ
المهم الطبخ كتييير حلو و ممتع بس سبب هروب الفتيات من المطبخ هو الجلي وانا بصراحة بكره الجلي كتير كتير .. بس الحمد لله زوجي بساعدني أحيانا بالمطبخ بالذات بالجلي:36_1_13:

بقا الله يبعتلكن كلكن زوج مساعد إلكن يا رب:)

تحياتي للجميع:36_1_39:

[كتـــــــــــ فلسطين ـــــــــــــكو تـــــــــة]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

لا بالعكس المطبخ للبنات مو للطباخين وهيك يعني بتشتغل في بتعملها طبخة هيك بتتفنن بالطبخ

مو طول وئتنا على التلفاز والامسلسلات وبردو بنساعد الماما في الطبخ مو خلص ما نعمل شي مركنين

على الام بتسيري تئولي خلص هي ماما بطتبخ لاء

وساعديها منو بنوبك اجر وثواب عند الله ومنوبتتعلمي الطبخ يعني حلو منظرك لما تتجوزي بئلك جوزك

اطبخيلي هاي الطبخة كزا كزاوانتي طبعا ما راح تعرفي تطبخي وهيك زوجك بزعل ... وبقول هاي ما

بتعرف تطبخ مو معلمينها الطبخ ببيت اهلها شـكــ وبارك الله فيك ـــرا لك ... لك مني أجمل تحية على الموضوع الجميل

[كتـــــــــــ فلسطين ـــــــــــــكو تـــــــــة]

ومع اني لسا صغيرة على هيك اشياء بس يلا شو بدنا نعمل هاد ئدرنا ونصيبنا هيك مكتبلنا

[بلسم فلسطين]

بارك الله فيكي على هالموضوع
بالنسبة الي انا بساعد امي بالمطبخ و بعرف اعد بعض الاكلات
بس بحبش اطبخ عشان مسمعش تعاليق من العيلةهههههههههههههههههههههه
يعني الطبخة محروقة ومن هالحكي
ههههههههههههههههههه:36_1_51::36_1_39:

[سامي يوسف]

إللي بتهرب بتروح عليها معلومات هامة

[خجـ آلقمر ــل]

امممم بشارككم اووكي :)

تيب انا الصراحة ادخل المطبخ مررة حسب المزاج ومرة عشان امي وخواتي يخاصموني فادخل عشان مااسمع كلام :36_1_28:

اما على الطبخ فانا اعرف اطبخ (( بطاطس المقلي )) :36_1_1: ههههههههه اعرف اطبخها واولع البتوجاز << تموووت في شيء اسمه بطاطس ههههههههه

واعرف اطبخ بعض الاكلات الخفيفة ( يعني مش بطالة )

وعلى قولة اختي لو طبخت بنفسي تنسد نفسي عن الاكل احس اني شبعت منها

وسبب هروب الفتيات
الترف ،، مشغولة بدراستها وماعندها وقت < < وهي كل وقتها امام التلفزيون
الخدامة ،، هذا مااعتقدهـ انا من وجهة نظري ،،

وتقبلي مروري المتواضع :36_3_12:

لك مودتي00

[سمية اسلام]

السلام عليكم ورحمة الله وبركاته
والله يا اختي هاي حالي
منيح اني لما بدي اعشي اخواتي ولا افطرهم
بعمل اله بطاطا مقلية
منيح مني اني بعمل
يا حرام بفرحوا كتير مو عليها لا لاني دخلت المطبخ بفرحوا

بس انا بحاول اتعلم لانو لازم يكون عندي دراية ومعرفة

[كنانة الشام]

السلام عليكم ورحمة الله وبركاتة
موضوع جدا مهم ويجب ان يناقش به ..بصراحة أعرف كتييير فتياة لا يطيقون المطبخ ،خلص كل شي على الأم فقط؟؟؟؟ان المطبخ من أساس المنزل واذا البنت ما دخلت علية لا تأهل لكي تفتح بيت زوجها ..وليس من الممكن ان تكون عندها طباخة او خادمة ، فعندنا في الشام لا يأكل الرجل الامن يد زوجته ،فكيف هذا ..انا أقول عندما تصبح البنت على ابواب زاوج يجب على الأم ان تتدخلها المطبخ وتعلمها بالتدرج ...فتذهب الى منزل زوجها متعلمة كل شي ..(عندنا عادة انوا البنت قبل عرسها بثلاثة شهور هي تطبخ كل شيء وتعمل مستلزمات البيت )فأنا اقول انوا الأم يجب ان تنتبه الى ابنتها .والله تشعر البنت انها انجزت شيء..فبنات اليوم لا تعرف الا البيتزا ..والشيش ..والبرك ..حتى عاشت عليهن .. انا الحمد لله اطبخ جميع الطبخات لله الحمد وكل البنات معزومين لعندي (اما ماسة فعزيمتها خاااااااااااااصة جدا على يبرأ ) روقي يا ماسة ...
تقبلوا خالص احتررامي .....

[الوردة الحمراء]

أشكرك على الموضوع
وانا صغيرة كنت احكي ما بدي اتعلم الطبيخ عب ولو من 100 سنة ما رح اتعلم
وهلأ من جديد رت أطبخ وطبيخي بيعجبهم بس اخوتي بقولوا عنو مش زاكي ( يعني مزح)
ودائما بيقولولي اذا بتبقي على هذا الحال وشاطرة في الطبخ بتطلعي اشطر من خواتك
بس انا ما بحب المطبخ لانو أكثر الجلي عليّ انا وبزهق حالي